ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ

- 0124 - ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ
- AGL banner - ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ

ໃນວາລະດໍາເດີນກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ VIII, ໃນວັນທີ 5 ທັນວາ ນີ້, ໂດຍການເປັນປະທານຂອງທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ, ໃນກອງປະຊຸມທ່ານາງ ຄໍາຈັນ ຄົມແສງສະຫວັນ ຮອງປະທານສູນກາງແນວລາວສ້າງຊາດ ໄດ້ສະເໜີໃຫ້ສະພາແຫ່ງຊາດ ແລະ ສະພາປະຊາຊົນຂັ້ນແຂວງ ເອົາໃຈໃສ່ບາງບັນຫາຕື່ມອີກ.

ໂດຍສະເພາະແມ່ນການສືບຕໍ່ຊຸກຍູ້ຕິດຕາມ-ກວດກາ ການປະຕິບັດລັດຖະທໍາມະນູນ, ກົດໝາຍ, ບັນດານິຕິກໍາລຸ່ມກົດໝາຍ, ການປະຕິພາລະບົດບາດ-ໜ້າທີ່ຂອງອົງການບໍລິຫານທຸກຂັ້ນ, ຕິດຕາມ-ກວດກາ, ການແກ້ໄຂຜົນຂອງການກວດສອບ, ຜົນຂອງການກວດກາໃຫ້ມີຄວາມເດັດຂາດ, ເຂັ້ມງວດເພື່ອແກ້ໄຂບັນຫາຫາງສຽງຂອງສັງຄົມຕໍ່ຄວາມຮັບຜິດຊອບ, ຈັນຍາບັນ, ຈັນຍາທໍາ, ຄວາມໂປ່ງໃສຂອງປະນັກງານລັດຖະກອນຂົງເຂດດັ່ງກ່າວ ຕໍ່ຜູ້ບໍ່ປະຕິບັດຕາມຄໍາຕັດສິນຂອງສານ, ໃຫ້ມີການປະຕິບັດມາດຕະການທາງກົດໝາຍຢ່າງເດັດຂາດ ແລະ ເອົາໃຈໃສ່ຕິດຕາມກວດກາ ການຄຸ້ມຄອງຊັບສິນທີ່ຢຶດມາໄດ້ຈາກຜູ້ກະທໍາຜິດຍັງບໍ່ລວມສູນ. ນອກນີ້, ໃຫ້ຊຸກຍູ້ບັນດາຂະແໜງການອົງການປົກຄອງແຂວງໃນການສ້າງນິຕິກໍາລຸ່ມກົດໝາຍໃຫ້ມີຄວາມວ່ອງໄວ, ໃຈລົງພົບປະ ປະຊາຊົນໃນເຂດຫ່າງໄກສອກຫຼີກຫຼາຍກວ່າເກົ່າ.

ສືບຕໍ່ພິຈາລະນາຊົດເຊີຍໃຫ້ປະຊາຊົນທີ່ໄດ້ຮັບຜົນກະທົບຈາກໂຄງການພັດທະນເສັ້ນທາງລົດໄຟລາວ-ຈີນ ຢູ່ບັນດາແຂວງທີ່ບໍ່ທັນສໍາເລັດ ແລະ ຜົນກະທົບຈາກໂຄງການພັດທະນາຢູ່ແຂວງອື່ນໆ, ໃຫ້ກະຊວງກ່ຽວຂ້ອງມີວິທີການ, ສົ່ງພະນັກງານຊ່ຽວຊານດ້ານກະສິກໍາໄປຊ່ວຍໃຫ້ຄໍາແນະນໍາ, ນໍາພາປະຊາຊົນ ໂດຍສະເພາະຕໍ່ຄອບຄົວ, ບ້ານ ແລະ ເມືອງທີ່ທຸກຍາກ, ຄົ້ນຄວ້າພິຈາລະນາແກ້ໄຂ ບັນຫາຜົນກະທົບໃນການໃຊ້ສານເຄມີຈາກສວນກ້ວຍ ແລະ ບັນຫາປະຊາຊົນທີ່ໄປອອກແຮງງານຢູ່ສວນກ້ວຍ ໂດຍບໍ່ມີການຮັບປະກັນບັນຫາສຸຂະພາບແຕ່ຢ່າງໃດ.

ສະເໜີໃຫ້ທະນາຄານພິຈາລະນາປັບປຸງແກ້ໄຂ ຊີ້ແຈງລະອຽດຕໍ່ການປະຕິບັດຫຼັກການແລກປ່ຽນເງິນຕາ, ພ້ອມທັງສະເໜີໃຫ້ປະຕິບັດຂັ້ນຕອນການນໍາເຂົ້າ-ສົ່ງອອກສິນຄ້າຢ່າງຖືກຕ້ອງ, ຄວນປະເມີນການເຄື່ອນໄຫວຂອງທຸລະກິດທີ່ກ່ຽວຂ້ອງ, ໃຫ້ບູລິມະສິດຕໍ່ຜູ້ເຮັດດີ, ເຮັດຖືກຕ້ອງ ບໍ່ຄວນເບິ່ງລວມໆ ຫຼືເຂົ້າກະຕ່າດຽວ. ມີວິທີການຊຸກຍູ້ສົ່ງເສີມການຜະລິດ, ນໍາໃຊ້ຜະລິດຕະພັນຕ່າງໆທີ່ຜະລິດຢູ່ພາຍໃນປະເທດໃຫ້ເປັນຮູບປະທໍາ, ເປັນຂະບວນການໜຶ່ງຄືດັ່ງບົດຮຽນຂອງປະເທດອື່ນໆ, ເພື່ອເປັນການຊຸກຍູ້ສົ່ງເສີມຫົວຄິດປະດິດສ້າງ, ສີມືແຮງງານ ແລະ ເສດຖະກິດຂອງຊາດໃຫ້ເຂັ້ມແຂງ, ພ້ອມການຈໍາກັດການນໍາເຂົ້າພືດ, ຜັກຕ່າງໆສິ່ງທີ່ປະຊາຊົນຜະລິດໄດ້ ແລະ ຄວນເອົາໃຈໃສ່ສ້າງຄວາມຮູ້, ການມີສ່ວນຮ່ວມຂອງທຸກພາກສ່ວນ, ປະຊາຊົນບັນດາເຜົ່າ ເພື່ອເຮັດໜ້າທີ່ປົກປັກຮັກສາເສີມຂະຫຍາຍມູນເຊື້ອວັດທະນະທໍາ, ການຜະລິດສະບຽງອາຫານ, ວຽກງານປ້ອງກັນ, ການໂຄສະນາດຶງດູດການທ່ອງທ່ຽວ, ໃຫ້ມີຄວາມເຂັ້ມແຂງ.

ເອົາໃຈໃສ່ຕິດຕາມກວດກາ ການປະຕິບັດກົດໝາຍແຮງງານຂອງບໍລິສັດຕ່າງໆທີ່ມາລົງທຶນຢູ່ລາວໃຫ້ຖືກຕ້ອງ ເປັນຕົ້ນແມ່ນການຈ້າງງານຍັງບໍ່ປະຕິບັດຕາມກົດໝາຍແຮງງານ. ຕໍ່ບັນຫາສິ່ງແວດລ້ອມ ສະເໜີໃຫ້ພິຈາລະນາຈັດສັນ, ຍົກຍ້າຍສະຖານທີ່ສົ່ງສະການ (ເຜົ່າສົບ) ຢູ່ວັດທາດຝຸ່ນ, ວັດອື່ນໆທີ່ຢູ່ໃນເມືອງ, ໃກ້ສໍານັກງານ, ອົງການ, ເຮືອນປະຊາຊົນ ໄປຢູ່ເຂດຊານເມືອງ, ສືບຕໍ່ປະຕິບັດໃຫ້ເຂັ້ມງວດຕໍ່ມາດຕະການປັບໃໝຕໍ່ຜູ້ລະເມີດຖີ້ມຂີ້ເຫຍື້ອຊະຊາຍ  ທັງມີລາງວັນໃຫ້ຜູ້ໃຫ້ຂໍ້ມູນ, ກວດຄືນຄອງລະບາຍນໍ້າຢູ່ໃນຕົວເມືອງ ແລະ ສະເໜີໃຫ້ພາກສ່ວນກ່ຽວຂ້ອງ ພິຈາລະນາແກ້ໄຂຜົນກະທົບ (ກິ່ນຂິວ) ຂອງໂຮງງານເຫຼັກເສັ້ນຢູ່ບ້ານ ຊຽງຄວນ ເມືອງຫາດຊາຍຟອງ. ຕໍ່ບັນຫາປະກົດການຫຍໍ້ທໍ້ໃໝ່ທີ່ເກີດຂຶ້ນໃນສັງຄົມຄືການມອມເຫຼົ້າ ແລະ ມອມຢາ ທີ່ເກີດຂຶ້ນຢູ່ຮ້ານບັນເທິີງ ແລະ ຮ້ານກິນດື່ມກາຍເປັນບ່ອນມົ້ວສຸມ, ສະພາບການແຕ່ງງານແອບແຝງການຄ້າມະນຸດ ສະເໜີໃຫ້ຊອກຫາຊ່ອງທາງແກ້ໄຂໂດຍໄວ.

- lattana banner - ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ
- lattana banner 1 - ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ
-    AD conten website - ສູນກາງແນວລາວສ້າງຊາດ ສະເໜີໃຫ້ສະພາເອົາໃຈໃສ່ຕິດຕາມກວດກາການປະຕິບັດລະບຽບກົດໝາຍໃຫ້ເຂັ້ມງວດ
error: Alert: ເນື້ອຫາຂ່າວມີລິຂະສິດ !!