ຄະຕິເຕືອນໃຈໃຫ້ຜູ້ເປັນການນຳ

- advert banner 728 90 728x90 - ຄະຕິເຕືອນໃຈໃຫ້ຜູ້ເປັນການນຳ

ລູກເມືອງພວນ

- new3 - ຄະຕິເຕືອນໃຈໃຫ້ຜູ້ເປັນການນຳ

ເພື່ອເປັນຄະຕິເຕືອນໃຈໃຫ້ຜູ້ເປັນການນຳ, ຂ້າພະເຈົ້າໄດ້ຮຽບຮຽງເອົາບັນດາຂໍ້ຄິດເຫັນຕ່າງໆຂອງບັນດານັກປາດສາດສະດາຈານ, ນັກສຶກສາສາດ, ນັກຈິດຕະວິທະຍາ ມາເລົ່າສູ່ກັນຟັງ ເພື່ອຫວັງຈະເປັນບົດຮຽນ ໃນພາວະເຮົາເປັນຜູ້ນຳພາຄົນໜຶ່ງ.

  1. ທ່ານ ໄມແຄແອບ ນັກຈິດຕະວິທະຍາ-ສຶກສາສາດ ໃຫ້ບົດຮຽນໄວ້ວ່າ:
  2. ຜູ້ນຳພາຄວນຈະຮູ້ຈັບມືຖືແຂນຖາມສະບາຍດີກັບຂັ້ນລຸ່ມຂອງຕົນ, ໝັ່ນຖາມຂ່າວຄາວເຖິງສຸຂະພາບຮ່າງກາຍຂອງພວກເຂົາ.
  3. ຜູ້ນຳພາຕ້ອງເປັນຜູ້ທ່ຽງທຳທາງດ້ານຈິດອາລົມ, ໝາຍຄວາມວ່າບໍ່ອະນຸຍາດໃຫ້ມີຄວາມຊິນເຄີຍ ແລະ ນິໄສແບບເດັກນ້ອຍ.
  4. ເວລາຟັງຂັ້ນລຸ່ມເວົ້າ(ລົມ) ກໍຄວນຈະສະແດງທ່າທີງຶກຫົວເໝືອນກັບວ່າເຫັນດີເຫັນພ້ອມ, ມີຄວາມສົນໃຈ ແລະ ຕັ້ງໃຈຟັງ.
  5. ການໄວ້ເນື້ອເຊື່ອໃຈຊຶ່ງກັນ ແລະ ກັນ ກ່ອນອື່ນໝົດຕ້ອງມີການໄປ ແລະ ການມາ. ໝາຍຄວາມວ່າຜູ້ນຳພາຕ້ອງມີຄວາມເຊື່ອໝັ້ນຂັ້ນລຸ່ມກ່ອນ, ຂັ້ນລຸ່ມຈຶ່ງຈະມີຄວາມເຊື່ອໝັ້ນກັບຄືນມາ.
  6. ກຳລັງແຮງຂອງຜູ້ນຳພາ ຂຶ້ນຢູ່ກັບຖານະບົດບາດ ແລະ ທັດສະນະທ່າທີຂອງຜູ້ນຳພາເອງ. ຢ່າເຮັດສິ່ງໃດສິ່ງໜຶ່ງທີ່ເປັນການທຳລາຍຖານະບົດບາດຂອງຕົນເອງ.
  7. ຜູ້ນຳພາຕ້ອງແຕກຕ່າງກັບຄົນທົ່ວໄປຢູ່ບ່ອນວ່າ: ເວົ້າໄດ້, ເຮັດໄດ້, ຮູ້ເຮັດ, ຮູ້ຮຽກຮ້ອງ ແລະ ເຮັດໃຫ້ທັນກັບເວລາ.
  8. ຜູ້ນຳພາຕ້ອງຮູດຶງດູດໃຫ້ຜູ້ອື່ນປະຕິບັດຕາມໜ້າທີ່ຂອງຕົນ.
  9. ບໍ່ມີສິ່ງໃດອັນຕະລາຍຮ້າຍແຮງໄປກ່ວາເອົາຄົນທີ່ມີຄວາມຮູ້ຕໍ່າໄປບັງຄັບບັນຊາ ຫຼື ຄຸ້ມຄອງນຳພາຜູ້ທີ່ມີຄວາມຮູ້ສູງກ່ວາ.
  10. ຜູ້ນຳພາຕ້ອງຮູ້ເປີດກ້ວາງຄວາມຮັບຮູ້ທົ່ວໄປ ກໍຄືຄວາມຮູ້ດ້ານວິຊາການຂອງຕົນໃຫ້ສູງຂຶ້ນ.
  11. ຜູ້ນຳພາຕ້ອງຮູ້ໃຊ້ອຳນາດຂອງຕົນຢ່າງສົມເຫດສົມຜົນ, ຮູ້ຈັກຕີລາຄາການເຮັດວຽກທີ່ດີ ແລະ ມີຜົນສຳເລັດຂອງຄົນອື່ນ.
  12. ຕ້ອງຮູ້ຟັງຄຳຄິດເຫັນຂອງຄູ່ສົນທະນາ, ອັນນີ້ແມ່ນຄຸນນະທາດທີ່ສຳຄັນຂອງຜູ້ນຳພາ.
  13. ຜູ້ນຳພາຫາກບໍ່ໄດ້ຮັບການເຄົາລົບນັບຖືຈາກມະຫາຊົນແລ້ວ, ທຸກການກະທຳຂອງຕົນຈະບໍ່ມີຄຸນຄ່າ. ເງື່ອນໄຂຮັບປະກັນໃຫ້ຜູ້ນຳພາໄດ້ຮັບຄວາມເຄົາລົບນັບຖື, ກ່ອນອື່ນໝົດແມ່ນຄວາມເຄົາລົບຊຶ່ງກັນ ແລະ ກັນ.
  14. 14. ພື້ນຖານຂອງການພົວພັນທີ່ດີ ແມ່ນການເຄົາລົບຊຶ່ງກັນ ແລະ ກັນ.
error: Content is protected !!