ການ​ອອກດອກ, ໝາກ ​ແລະ ​ໃບຜັກຫວານປ່າ

- advert banner 728 90 728x90 - ການ​ອອກດອກ, ໝາກ ​ແລະ ​ໃບຜັກຫວານປ່າ

- new3 - ການ​ອອກດອກ, ໝາກ ​ແລະ ​ໃບຜັກຫວານປ່າ

ຢູ່​ປະ​ເທດ​ໄທ ຜັກຫວານ​ປ່າ​ໃນ​ປ່າ​ທຳ​ມະ​ຊາດ​ໃບ​ຈະ​ຫລົ່ນ​ເກືອບ​ໝົດ​ຕົ້ນ​ໃນ​ຊ່ວງ​ເດືອນ ພະຈິກ-ທັນວາ, ອອກດອກ​ໃນ​ເດືອນ ທັນວາ ຫາ ​ເດືອນ ມັງກອນ ​ແລະ ​ເປັນ​ໝາກ​ໃນ ​ເດືອນ​ກຸມພາ, ໝາກ​ຈະ​ແກ່ ​ແລະ ສຸກ​ໃນ​ເດືອນ ​ເມສາ-ພຶດສະພາ. ການ​ປົ່ງ​ໃບ​ໃໝ່ ​ແລະ ​ແຕກ​ຍອດ​ອ່ອນ​ກໍ​ແມ່ນ​ໃນ​ຊ່ວງ​ເດືອນ​ກຸມພາ ຫາ ພຶດສະພາ. ສ່ວນ​ຢູ່​ປະ​ເທດ​ລາວ​ເຮົາຕາມ​ທີ່​ໄດ້​ຂໍ້​ມູນ​ຈາກ​ປະຊາຊົນ​ແຂວງ​ໄຊ​ຍະ​ບູລີ ຜັກຫວານ​ປ່າ​ໃບ​ຈະ​ຫລົ່ນ​ໃນ​ຊ່ວງ​ເດືອນກຸມພາ-ມີນາ, ອອກດອກ​ໃນ​ເດ​ືອນ ມີນາ-​ເມສາ, ​ເປັນ​ໝາກ​ໃນ​ເດືອນ ພຶດສະພາ, ໝາກຈະ​ແກ່ ​ແລະ ສຸກ​ໃນ​ເດືອນ ກໍລະກົດ-ສິງຫາ, ສ່ວນ​ໃບ ຫລື ຍອດ​ອ່ອນ​ແມ່ນ​ຈະ​ປົ່ງ​ອອກມາ​ແຕ່​ເດືອນ ​ເມສາ-ມີ​ຖຸນາ.

- 441 - ການ​ອອກດອກ, ໝາກ ​ແລະ ​ໃບຜັກຫວານປ່າ

        ຢູ່​ບ້ານ​ເຮົາ​ລາຄາ​ຂາຍ​ດອກ​ຜັກຫວານ​ປ່າ ປະມານ 50.000-70.000 ກີບ/ກິ​ໂລ, ​ໃບ (ຍອດ​ອ່ອນ)​ລາຄາ 80.000-100.000 ກີບ/ກິ​ໂລ, ບາງ​ປີ​ບໍ່​ມີ​ຫລາຍ​ລາຄາ​ຂາຍ​ກໍ  ຈະ​ແພງ​ຮອດ 150.000 ກີບ/ກິ​ໂລ ​ເພາະວ່າ​ບ້ານ​ເຮົາ​ອາ​ໄສ​ຜັກຫວານ​ປ່າ​ທີ່​ເກີດ​ຂຶ້ນ ຕາມ​ທຳ​ມະ​ຊາດ​ເທົ່າ​ນັ້ນ ກວ່າ​ຈະ​ໄດ້​ກິນ​ຕ້ອງ​ລໍຖ້າ​ເປັນ​ປີ, ຈາກ​ນັ້ນລາຄາ​ກໍ​ຈະ​ຫລຸດ​ລົງ  ມາ​ຕ່ຳ​ສຸດ​ຮອດ 20.000 ຫາ 30.000 ກີບ/ກິ​ໂລ. ສ່ວນ​ຢູ່​ໄທ​ລາຄາ​ຕ່ຳ​ສຸດ 100-150 ບາດ, ​ແພງ​ສຸດ​ລາຄາ 300 ບາດ ​ເພາະ​ຢູ່​ໄທ  ​ໄດ້​ມີ​ການ​ແຂ່ງຂັນກັນ​ປູກ​ຜັກຫວານ​ປ່າ​ເປັນ​ການ​ຄ້າ​ມາ​ຫລາຍ​ປີ​ແລ້ວ​ຈຶ່ງ​ເຮັດ​ໃຫ້​ລາຄາບໍ່​ແພງ​ຄື​ຢູ່​ບ້ານ​ເຮົາ.

        ຈາກ​ການ​ສັງ​ລວມຂໍ້​ມູນ​ຕ່າງໆ​ກ່ຽວ​ກັບ​ການ​ປູກ​ຜັກຫວານ​ປ່າ ຈຶ່ງ​ເຫັນ​ໄດ້​ວ່າ ການ​ປູ​ກຜັກຫວານ​ປ່າ​ບໍ່​ຍາກ​ຢ່າງ​ທີ່​ຄິດ​ເລີຍ, ຖ້າ​ຫາກ​ເປັນ​ໄປ​ໄດ້​ຢາກ​ໃຫ້​ພາກສ່ວນ​ລັດ   ກໍ​ຄື​ບັນດາ​ພະ​ແນ​ກກະສິກຳ ​ແລະ ປ່າ​ໄມ້​ແຂວງ​ທີ່​ມີ​ຜັກຫວານ​ປ່າ​ເກີດ​ຂຶ້ນນັ້ນ ສຶກສາຄົ້ນ ຄວ້າ​ຂໍ້​ມູນ​ເພີ່ມ​ເຕີມ, ​ເບິ່ງ​ຄວາມ​ເປັນ​ໄປ​ໄດ້​ກ່ຽວ​ກັບ​ວິທີ​ການ​ປູກ​ຜັກຫວານ​ປ່າ​ໃນ​ແຕ່  ລະ​​ເຂດ ​ໂດຍ​ການ​ນຳ​ໃຊ້​ເຕັກ​ໂນ​ໂລ​ຊີ​ການ​ປູກ​ຮ່ວມ​ກັບ​ການ​ຈັດການ​ດູ​ແລ​ຮັກສາ​ສວນ​ນັບ​ແຕ່​ການ​ປູກ​ຮອດ​ການ​ເກັບ​ກ່ຽວ​ໃຫ້​ຖືກຕ້ອງ​ຕາມ​ຫລັກ​ວິຊາການ ​ເພື່ອ​ຊຸກຍູ້​ສົ່ງ​ເສີມ​ໃຫ້​ພໍ່ ​ແມ່ນ​ປະຊາຊົນ ​ແລະ ຊາວ​ກະສິກອນ​ຫັນ​ມາ​ໃຫ້​ຄວາມ​ສົນ​ໃຈ​ປູກ​ຜັກຫວານ​ປ່າ​ຕາມ​ຮົ້ວ ສວນ​ໃກ້​ບ້ານ​ເພື່ອ​ບໍລິ​​ໂພ​ກ ​ແລະ ​ເປັນ​ອາຊີບ​ເສີມ. ຈາກ​ນັ້ນ ຈຶ່ງ​ພັດທະນາ​ໃຫ້​ກາຍ​ເປັນ  ​ພືດ​ເສດຖະກິດ​ເພື່ອ​ສ້າງ​ລາຍ​ຮັບ​ທີ່​ໝັ້ນຄົງ​ໃຫ້​ແກ່​ຊາວ​ກະສິກອນ./.

- 2241 - ການ​ອອກດອກ, ໝາກ ​ແລະ ​ໃບຜັກຫວານປ່າ

(ທ່ານ ສາມາດຕິດຕາມອ່ານບົດກະສິກຳໄດ້ ທຸກໆ ວັນຈັນ, ພຸດ, ສຸກ )

error: Content is protected !!