ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ

- oo - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ
- AGL banner - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ

ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ ໂດຍ​ປັດ​ຈຸ​ບັນ ອາ​ເມ​ລິ​ກາ​ເປັນ​ປະ​ເທດ​ທີ່​ຜະ​ລິດ​ນ້ຳ​ມັນ​ໄດ້​ຫລາຍ​ທີ່​ສຸດ​ໃນ​ໂລກ ຜະ​ລິດ​ໄດ້ 12,3 ລ້ານ​ບາ​ເຣ​ລ​ຕໍ່​ວັນເພີ່ມ​ຂຶ້ນ​ຈາກ 11 ລ້ານ​ບາ​ເຣ​ລ​ຕໍ່​ວັນ​ໃນ​ປີ​ຜ່ານ​ມາ.

ລາ​ຄາ​ນ້ຳ​ມັນ​ດິບ​ເພີ່ມ​ຂຶ້ນ​ທັນ​ທີ ຮັບ​ຂ່າວກອງ​ປະ​ຊຸມ​ໂອ​ເປັກ​ຫລຸດ​ກຳ​ລັງ​ການ​ຜະ​ລິດ​ນ້ຳ​ມັນ​ດິບ​ຫລາຍກວ່າ​ທີ່​ຕະ​ຫລາດ​ຄາດ​ຄະ​ເນ​ໄວ້ ແລະ ປະ​ເທດ​ທີ່​ໄດ້​ປະ​ໂຫຍດ​ຈາກ​ການ​ຫລຸດ​ກຳ​ລັງ​ການ​ຜະ​ລິດ​ເພື່ອ​ຮັກ​ສາ​ລາ​ຄາ​ນ້ຳ​ມັນ​ດິບ​ໃນ​ຕະ​ຫລາດ​ໂລກ​ຄັ້ງ​ນີ້ ຄື​ອາ​ເມ​ລິ​ກາ ເຊິ່ງ​ປັດ​ຈຸ​ບັນ​ເປັນ​ປະ​ເທດ​ທີ່​ຜະ​ລິດ​ນ້ຳ​ມັນ​ໄດ້​ຫລາຍ​ທີ່​ສຸດ​ໃນ​ໂລກໂດຍ​ຜະ​ລິດ​ໄດ້ 12,3 ລ້ານ​ບາ​ເຣ​ລ​ຕໍ່​ວັນເພີ່ມ​ຂຶ້ນ​ຈາກ 11 ລ້ານ​ບາ​ເຣ​ລ​ຕໍ່​ວັນ​ໃນ​ປີ​ຜ່ານ​ມາເອີ້ນ​ວ່າ​ມີ​ການ​ຜະ​ລິດ​ນ້ຳ​ມັນ​ຫລາຍກວ່າ​ອາ​ຣັບ​ບີຊາ​ອຸ​ດິດແລະຣັດ​ເຊຍນຳ​ອີກ.

ສັນ​ຍາ​ນ້ຳ​ມັນ​ດິບ​ລ່ວງ​ໜ້າ​ເວ​ສ​ເທັກ​ຊັ​ສ ປິດ​ຕະ​ຫລາດ​ວັນ​ທີ 6 ທັນ​ວາ ເພີ່ມ​ຂຶ້ນ 1,3% ຂານ​ຮັບ​ກຸ່ມ​ປະ​ເທດ​ຜູ້​ສົ່ງ​ອອກ​ນ້ຳ​ມັນ (ໂອ​ເປັກ) ແລະ ປະ​ເທດ​ພັນ​ທະ​ມິດ​ທີ່​ໄດ້​ຫລຸດ​ກຳ​ລັງ​ການ​ຜະ​ລິດ​ນ້ຳ​ມັນ​ຫລາຍກວ່າ​ທີ່​ນັກ​ວິ​ເຄາະ​ຄາດ​ຄະ​ເນ​ໄວ້.

ສັນ​ຍາ​ນ້ຳ​ມັນ​ດິບ​ເວ​ສ​ເທັກ​ຊັ​ສ ສົ່ງ​ມອບ​ເດືອນ​ມັງ​ກອນເຊິ່ງ​ມີ​ການ​ຊື້​ຂາຍ​ຢູ່​ຕະ​ຫລາດ​ໄນ​ເມັກເພີ່ມ​ຂຶ້ນ 77 ເຊັນຫລື 1,3% ປິດ​ໃນ​ລາ​ຄາ 59,20 ໂດ​ລາ​ຕໍ່​ບາ​ເຣ​ລ, ສ່ວນ​ສັນ​ຍາ​ນ້ຳ​ມັນ​ດິບ​ເບ​ຣນເພີ່ມ​ຂຶ້ນ 1,6% ປິດ​ໃນ​ລາ​ຄາ 64,37 ໂດ​ລາ​ຕໍ່​ບາ​ເຣ​ລ.

ພາຍ​ຫລັງ​ສຳ​ເລັດ​ກອງ​ປະ​ຊຸມໂອ​ເປັກຖະ​ແຫລງວ່າ: ໂອ​ເປັກແລະປະ​ເທດ​ພັນ​ທະ​ມິດ​ມີ​ມະ​ຕິ​ຫລຸດ​ກຳ​ລັງ​ການ​ຜະ​ລິດ​ນ້ຳ​ມັນ​ອີກ 500.000 ບາ​ເຮ​ລ​ຕໍ່​ວັນ ເຊິ່ງ​ເປັນ​ການ​ຫລຸດ​ກຳ​ລັງ​ກາ​ນ​ຜະ​ລິດ​ຫລາຍກວ່າ​ທີ່​ນັກ​ວິ​ເຄາະ​ຄາດ​ຄະ​ເນ​ໄວ້ ລວມ​ເປັນ 1,7 ລ້ານ​ບາ​ເຣ​ລ​ຕໍ່​ວັນໃນ​ໄລ​ຍະ​ເດືອນ​ມັງ​ກອນ-ມີ​ນາ 2020 ແລະ ໂອ​ເປັກ​ກັບ​ປະ​ເທດ​ພັນ​ທະ​ມິດ​ຈະ​ຈັດ​ກອງ​ປະ​ຊຸມ​ເພື່ອ​ທົບ​ທວນ​ນະ​ໂຍ​ບາຍ​ການ​ຜະ​ລິດ​ອີກ​ໃນ​ວັນ​ທີ 5-6 ມີ​ນາ 2020.

ນັກ​ວິ​ເຄາະໃຫ້​ຄວາມ​ເຫັນ​ວ່າ: ການ​ຫລຸດ​ກຳ​ລັງ​ການ​ຜະ​ລິດ​ນ້ຳ​ມັນ​ເພີ່ມ​ຂອງ​ໂອ​ເປັກແລະປະ​ເທດ​ພັນ​ທະ​ມິດ ເຮັດ​ໃຫ້​ອາ​ເມ​ລິ​ກາ​ໄດ້​ຮັບ​ຜົນ​ປະ​ໂຫຍດ​ສູງ​ສຸດ​ຈາກ​ລາ​ຄາ​ນ້ຳ​ມັນ​ທີ່​ເພີ່ມ​ຂຶ້ນ​ຈາກ​ການ​ຫລຸດ​ກຳ​ລັງ​ການ​ຜະ​ລິດ​ດັ່ງ​ກ່າວແລະປັດ​ຈຸ​ບັນອາ​ເມ​ລິ​ກາເປັນ​ປະ​ເທດ​ທີ່​ຜະ​ລິດ​ນ້ຳ​ມັນ​ຫລາຍ​ທີ່​ສຸດ​ໃນ​ໂລກໂດຍ​ຜະ​ລິດ​ໄດ້ 12,3 ລ້ານ​ບາ​ເຣ​ລ​ຕໍ່​ວັນເພີ່ມ​ຂຶ້ນ​ຈາກ​ລະ​ດັບ 11 ລ້ານ​ບາ​ເຣ​ລ​ຕໍ່​ວັນ​ໃນ​ປີ​ຜ່ານ​ມາເອີ້ນ​ວ່າ​ຜະ​ລິດ​ນ້ຳ​ມັນ​ໄດ້​ຫລາຍກວ່າ​ອາ​ຣັບ​ບີຊາ​ອຸ​ດິດແລະຣັດ​ເຊຍ.

ຫລ້າ​ສຸດເບ​ເກີຮິວເຊິ່ງ​ເປັນ​ຜູ້​ໃຫ້​ບໍ​ລິ​ການ​ຂຸດ​ເຈາະ​ນ້ຳ​ມັນ​ຂອງ​ອາ​ເມ​ລິ​ກາບອກວ່າ: ແທ່ນ​ຂຸດ​ເຈາະ​ນ້ຳ​ມັນ​ໃນ​ອາ​ເມ​ລິ​ກາ​ທີ່​ມີ​ການ​ໃຊ້​ງານ​ມີ​ຈຳ​ນວນ​ຫລຸດ​ລົງ 5 ແທ່ນ​ໃນ​ອາ​ທິດນີ້ ສູ່​ລະ​ດັບ 663 ແທ່ນເຊິ່ງ​ເປັນ​ລະ​ດັບ​ຕ່ຳ​ສຸດ​ນັບ​ແຕ່​ເດືອນ​ເມ​ສາ 2017 ໂດຍ​ຫລຸດ​ລົງ 7 ອາ​ທິດ​ຕິດ​ຕໍ່​ກັນໂດຍ​ໃນ​ໄລ​ຍະ​ດຽວ​ກັນ​ຂອງ​ປີ​ຜ່ານ​ມາແທ່ນ​ຂຸດ​ເຈາະ​ນ້ຳ​ມັນ​ໃນ​ອາ​ເມ​ລິ​ກາ​ທີ່​ມີ​ການ​ໃຊ້​ງານມີ​ຈຳ​ນວນ 877 ແທ່ນ.

ອາ​ເມ​ລິ​ກາມີ​ແທ່ນ​ຂຸດ​ເຈາະ​ນ້ຳ​ມັນ​ທີ່​ມີ​ການ​ໃຊ້​ງານ​ສູງ​ສຸດ 1.609 ແທ່ນ​ໃນ​ເດືອນ​ຕຸ​ລາ 2014 ກ່ອນ​ຈະ​ຫລຸດ​ລົງ​ເນື່ອງ​ຈາກ​ການ​ຫລຸດ​ລົງ​ຂອງ​ລາ​ຄາ​ນ້ຳ​ມັນ. ປັດ​ຈຸ​ບັນແທ່ນ​ຂຸດ​ເຈາະ​ນ້ຳ​ມັນ​ໃນ​ອາ​ເມ​ລິ​ກາ​ມີ​ຈຳ​ນວນ​ຫລຸດ​ລົງ 12 ເດືອນ​ຕິດ​ຕໍ່​ກັນເຊິ່ງ​ເປັນ​ໄລ​ຍະ​ເວ​ລາ​ຍາວ​ນານ​ເປັນ​ປະ​ຫວັດ​ສາດ. ຂະ​ນະ​ທີ່ ບໍ​ລິ​ສັດ​ສຳ​ຫລວດ​ນ້ຳ​ມັນ​ຫລຸດ​ການ​ລົງ​ທຶນ​ດ້ານ​ການ​ຂຸດ​ເຈາະ​ນ້ຳ​ມັນເນື່ອງ​ຈາກ​ລາ​ຄາ​ພະ​ລັງ​ງານ​ຍັງ​ຢູ່​ໃນ​ລະ​ດັບ​ຕ່ຳ.

- Wave100S AD to Website 2020 0 - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ

ໃນ​ເດືອນ​ກໍ​ລະ​ກົດໂອ​ເປັກບັນ​ລຸ​ຂໍ້​ຕົກ​ລົງ​ກັບ​ຣັດ​ເຊຍແລະຜູ້​ຜະ​ລິດ​ນ້ຳ​ມັນ​ນອກ​ກຸ່ມ​ໂອ​ເປັກອີກ 9 ປະ​ເທດ ເຫັນ​ພ້ອມ​ຂະ​ຫຍາຍ​ເວ​ລາ​ຫລຸດ​ກຳ​ລັງ​ການ​ຜະ​ລິດ​ນ້ຳ​ມັນ​ອອກ​ໄປ​ອີກ 9 ເດືອນຈົນ​ຮອດ​ທ​ເດືອນ​ມີ​ນາ 2020 ຈາກ​ທີ່​ມີ​ກຳ​ນົດ​ສິ້ນ​ສຸດ​ໃນ​ເດືອນ​ມິ​ຖຸ​ນາ​ປີນີ້ ໂດຍ​ຫລຸດ​ກຳ​ລັງ​ການ​ຜະ​ລິດ​ໃນ​ອັດ​ຕາ​ເກົ່າ​ລະ​ດັບ 1,2ລ້ານ​ບາ​ເຣ​ລ​ຕໍ່​ວັນ.

ແຕ່​ລາ​ຄາ​ນ້ຳ​ມັນ​ດິບ​ໃນ​ຕະ​ຫລາດ​ໂລກເຄື່ອນ​ໄຫວ​ຈາກ​ປັດ​ໄຈ​ອື່ນ​ເຊັ່ນ​ກັນ ລວມ​ທັງ​ການ​ຄາດ​ຄະ​ເນ​ໃນ​ທາງບວກ​ກ່ຽວ​ກັບ​ການ​ເຈ​ລະ​ຈາ​ການ​ຄ້າ​ລະ​ຫວ່າງອາ​ເມ​ລິ​ກາແລະຈີນ. ຫລ້າ​ສຸດປະ​ທາ​ນາ​ທິ​ບໍ​ດີໂດ​ນັ​ລ ທ​ຣຳຂອງ​ອາ​ເມ​ລິ​ກາກ່າວ​ວ່າ: ອາ​ເມ​ລິ​ກາແລະຈີນໃກ້​ບັນ​ລຸ​ຂໍ້​ຕົກ​ລົງ​ທາງ​ການ​ຄ້າ​ແລ້ວ.

ນອກ​ຈາກ​ຄຳ​ເວົ້າ​ຂອງ​ທ່ານ ທ​ຣຳແລ້ວ, ນັກ​ລົງ​ທຶນ​ຍັງ​ຫລຸດ​ຜ່ອນ​ຄວາມ​ກັງ​ວົນ​ກ່ຽວ​ກັບ​ການ​ເຮັດ​ສົງ​ຄາມ​ການ​ຄ້າ​ລະ​ຫວ່າງອາ​ເມ​ລິ​ກາແລະຈີນຫລັງ​ຈາກ​ຈີນລະ​ບຸ​ວ່າ: ຈະ​ຍົກ​ເວັ້ນ​ພາ​ສີ​ຖົ່ວ​ເຫລືອງແລະຊີ້ນ​ໝູ​ບາງ​ສ່ວນ​ທີ່​ນຳ​ເຂົ້າ​ຈາກ​ອາ​ເມ​ລິ​ກາ.

ກະ​ຊວງ​ການ​ເງິນ​ຂອງ​ຈີນຖະ​ແຫລງ​ໂດຍບໍ່​ລະ​ບຸ​ລາຍ​ລະ​ອຽດວ່າ: ຄະ​ນະ​ກຳ​ມະ​ການ​ພາ​ສີ​ອາ​ກອນ​ແຫ່ງ​ສະ​ພາ​ແຫ່ງ​ລັດ​ກຽມ​ຍົກ​ເວັ້ນ​ພາ​ສີ​ຖົ່ວ​ເຫລືອງ, ຊີ້ນ​ໝູແລະສິນ​ຄ້າ​ອື່ນໆ ໂດຍ​ພິ​ຈາ​ລະ​ນາ​ຈາກ​ບໍ​ລິ​ສັດ​ຕ່າງໆ​ຍື່ນ​ຂໍ​ມາ. ປັດ​ຈຸ​ບັນ ບໍ​ລິ​ສັດ​ຈີນ​ນຳ​ເຂົ້າ​ສິນ​ຄ້າ​ຈາກ​ອາ​ເມ​ລິ​ກາ​ໄດ້​ຢ່າງ​ອິດ​ສະຫ​ລະ​ຈຳ​ນວນ​ໜຶ່ງ​ແລ້ວ.

ຈີນຂຶ້ນ​ພາ​ສີ​ຖົ່ວ​ເຫລືອງ​ຈາກ 3% ເປັນ 33% ຈາກ​ການ​ເກັບ​ພາ​ສີ 2 ຮອບ, ຮອບ​ທຳ​ອິດ​ຂຶ້ນ 25% ໃນ​ເດືອນ​ກໍ​ລະ​ກົດ 2018 ແລະຂຶ້ນ​ອີກ 5% ໃນ​ເດືອນ​ກັນ​ຍາ​ຜ່ານ​ມາໂດຍ​ປັດ​ຈຸ​ບັນຈີນ​ເປັນ​ຜູ້​ບໍ​ລິ​ໂພກ​ຖົ່ວ​ເຫລືອງ​ລາຍ​ໃຫຍ່​ສຸດ​ຂອງ​ໂລກເມື່ອ​ຂຶ້ນ​ພາ​ສີ​ຈາກ​ອາ​ເມ​ລິ​ກາ​ກໍ​ຫາ​ແຫລ່ງ​ຊື້​ອື່ນ​ເຊັ່ນ: ເບ​ຣ​ຊິນ.

- WhatsApp Image 2020 05 27 at 5 - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ
- WhatsApp Image 2020 05 27 at 5 - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ
- WhatsApp Image 2020 05 27 at 5 - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ
- WhatsApp Image 2020 05 27 at 5 - ອາ​ເມ​ລິ​ກາ​ໄດ້​ປະ​ໂຫຍດ​ສູງ​ສຸດ​ໂອ​ເປັກ​ຫລຸດ​ຜະ​ລິດ​ນ້ຳ​ມັນ​ດິບ​ເພີ່ມ
error: Alert: Content is protected !!