ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

- 000 - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ
- Untitled design - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ປັດຈຸບັນຢູ່ຫລາຍທ້ອງຖິ່ນໄດ້ພະເຊີນກັບສະພາບອາກາດໜາວຢ່າງຮ້າຍແຮງ, ໂດຍສະເພາະແມ່ນທາງເຂດພາກເຫນືອຄື: ແຂວງ ຫົວພັນ, ໄຊສົມບູນ ແລະ ຊຽງຂວາງ ສະພາບອາກາດໜາວໄດ້ເລີ່ມມາ 4-5 ມື້ແລ້ວ ແລະ ໃນວັນທີ 12 ທັນວານີ້, ສະເລ່ຍອຸນຫະພູມຕໍ່າສຸດ 0 ອົງສາ. ແລະ ຈະແກ່ຍາວໄປຈົນເຖິງເດືອນ ກຸມພາ.

- 79096350 2241006382869255 4148899061740601344 n - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

ເນື່ອງຈາກມວນອາກາດເຢັນທີ່ປະເທດຈີນໄດ້ເພີ້ມກຳລັງແຮງຂື້ນແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນອອກສ່ຽງ   ເໜືອທີ່ມີກຳລັງແຮງພັດປົກຄຸມເປັນສ່ວນໃຫຍ່, ຊຶ່ງຈະເຮັດໃຫ້ອຸນຫະພູມສືບຕໍ່ຫຼຸດລົງ 1 ຫາ 3 ອົງສາຢູ່ໃນແຕ່ລະພາກ ແລະ ບາງເຂດຈະເຖີງຂັ້ນນໍ້າກ້າມຢູ່ບາງແຂວງພາກເໜືອດ້ານຕາເວັນອອກ, ແຂວງ ໄຊສົມບຸນ ແລະ ເຂດພູພຽງບໍລະເວນ ພ້ອມຈະມີໝອກໜາປົກຫຸ້ມໃນຕອນເຊົ້້າ. ສ່ວນພາກກາງ ຫາ ພາກໃຕ້, ອາກາດໜາວເຢັນ ພ້ອມມີໝອກບາງປົກຫຸ້ມໃນຕອນເຊົ້າ ແລະ ມີລົມພັດແຮງເປັນບາງໂອກາດ.

- 79529058 2241006319535928 8611105757112303616 n - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

ດັ່ງນັ້ນ, ຈື່ງແຈ້ງເຕືອນເຖີງອໍານາດການປົກຄອງ ແລະ ປະຊາຊົນບັນດາເຜົ່າ ທີ່ອາໄສຢູ່ບັນດາເຂດແຂວງດັ່ງກ່າວ ໃຫ້ສືບຕໍ່ຮັກສາສຸຂະພາບ ນຸ່ງຫົ່ມໃຫ້ຮ່າງກາຍອົບອຸ່ນຢູ່ສະເໝີ , ພ້ອມນີ້ຂໍໃຫ້ຕິດຕາມຂ່າວພະຍາກອນອາກາດ ຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.

- 78942288 2241006306202596 929569521449041920 n - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

ແຫລ່ງຂ່າວແຂວງຫົວພັນ ໃຫ້ຮູ້ວ່າ: ປັດຈຸບັນ ຢູ່ແຂວງຂອງຕົນຄື: ເມືອງ ຊຳເຫນືອ, ເມືອງ ຫົວເມືອງ ແລະ ເມືອງອື່ນໆ, ໄດ້ມີສະພາບອາກາດໜາວແຮງສົ່ງຜົນກະທົບຕໍ່ການດຳເນີນລົງຊີວິດຂອງປະຊາຊົນ ແລະ ສັດລ້ຽງ, ຊຶ່ງແຕ່ລະມື້ປະຊາຊົນ ຈະຕ້ອງໄດ້ດັງໄຟໃຫ້ສັດລ້ຽງ ໂດຍສະເພາະແມ່ນ ງົວ, ຄວາຍ, ເພື່ອບໍ່ໃຫ້ສັດຕາຍ, ຂະນະດຽວກັນ ທາງແຂວງກໍໄດ້ເຕືອນໃຫ້ປະຊາຊົນເພີ່ມທະວີຄວາມເອົາໃຈໃສ່ຮັກສາສຸຂະພາບ ແລະ ຫາກສະພາບອາກາດເຢັນເພີ່ມຂຶ້ນກໍອາດຈະມີການຢຸດການຮຽນການສອນຊົ່ວຄາວ.

- Wave100S AD to Website 2020 0 - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ

ແຂວງ ໄຊສົມບູນ ໃຫ້ຮູ້ວ່າ: ສະພາບອາກາດເຢັນຫລາຍ, ໂດຍສະເພາະໃນຕອນເຊົ້າ ແລະ ກາງຄືນ, ໄດ້ເຮັດໃຫ້ຕົ້ນໄມ້ ແລະ ຫຍ້າຢູ່ຕາມທົ່ງນາແຂງເປັນນໍ້າກ້ອນ, ປະຊາຊົນບໍ່ສາມາດນຳເອົາຫຍ້າມາໃຫ້ສັດລ້ຽງກິນໄດ້ ແລະ ທຸກວັນຕ້ອງໄດ້ດັງໄຟເພື່ອສ້າງຄວາມອົບອຸ່ນ ແລະ ນອກຈາກນີ້ ກໍພົບຄວາມຫຍຸ້ງຍາກ ໂດຍສະເພາະແມ່ນນັກຮຽນ ເຂດຫ່າງໄກຕ້ອງໄດ້ເດີນທາງໄປຮຽນ ແລະ ສະພາບເສັ້ນທາງມີນໍ້າກ້ອນ ຊຶ່ງອາດເກີດອັນຕະລາຍ ຫລື ອຸປະຕິເຫດໄດ້ງ່າຍ, ປັດຈຸບັນ ທາງແຂວງ ກຳລັງຫາລືອາດຈະມີການຢຸດພັກຮຽນຊົ່ວຄາວ.

ພະແນກສາທາ ແຂວງ ຊຽງຂວາງ ໃຫ້ຮູ້ວ່າ: ປັດຈຸບັນນີ້ ສະພາບອາກາດ ໃນແຂວງ​ຂຽງຂວາງ ມີຄວາມໜາວເຢັນຫລາຍ,  ສະເລັ່ຍແລ້ວ ມີປະມານ 1-0 ອົງສາ, ເຮັດໃຫ້ປະະຊາຊົນ ໂດຍສະເພາະ ເດັກນ້ອຍ ເລີ້ມເຈັບປ່ວຍ ເປັນໄຂ້ຫວັດ ແລະ ເປັນພະຍາດ ອັກເສບປອດເພີ້ມຂື້ນ, ໂດຍສະເພາະຄອບຄົວທຸກຍາກ ແລະ ຂາດເຂີນເຄື່ອງນຸ່ງຮົ່ມ, ດັ່ງນັ້ນ ສາທາລະນະສຸກແຂວງ ໄດ້ເພີ່ມການບໍລິການ ລົງເຖິງຊຸມຊົນ ເພື່ອຊ່ວຍເບິ່ງແຍງປິ່ນປົວກະທັນຫັນໃຫ້ຜູ້ເຈັບປ່ວຍ ແລະ ກໍຮຽກຮ້ອງໃຫ້ສັງຄົມຜູ້ມີເງື່ອນໄຂຈົ່ງໃຫ້ການຊ່ວຍເຫລືອເຄື່ອງນຸ່ງຮົ່ມອັນຈຳເປັນໃຫ້ແກ່ເຂົາເຈົ້າດ້ວຍ.

- WhatsApp Image 2020 05 27 at 5 - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ
- WhatsApp Image 2020 05 27 at 5 - ຫລາຍທ້ອງຖິ່ນປະສົບສະພາບອາກາດໜາວຢ່າງຮ້າຍແຮງ
error: Alert: ເນື້ອຫາຂ່າວມີລິຂະສິດ !!