ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ

- 669 1 - ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ
- Untitled design - ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ

  ທ່ານ ນາຍົກລັດຖະມົນຕີ ທອງລຸນ ສີສຸລິດ ໄດ້ກ່າວໃນກອງປະຊຸມສະພາແຫ່ງຊາດເທື່ອທີ 8 ທີ່ຫາກໍສໍາເລັດລົງເມື່ອບໍ່ດົນມານີ້ວ່າ: ລັດຖະບານໄດ້ຮັບຮູ້ຄວາມຫຍຸ້ງຍາກໃນການແກ້ໄຂບັນຫາການພັດທະນາປະເທດໃນໄລຍະຜ່ານມາ ແລະ ພວກເຮົາກໍບໍ່ສາມາດແກ້ໄຂຄວາມຫຍຸ້ງຍາກດັ່ງກ່າວທີ່ສະສົມມາຫລາຍປີໃຫ້ໝົດໄປໄດ້ໃນມື້ໜຶ່ງຍາມດຽວ.

ແຕ່ລັດຖະບານຈະຕັ້ງໜ້າສືບຕໍ່ແກ້ໄຂບັນຫາຄົງຄ້າງຕ່າງໆໃຫ້ຫລຸດລົງ ດ້ວຍການປະຄັບປະຄອງ ແລະ ດັດສົມການພັດທະນາໃຫ້ມີຄວາມດຸ່ນດ່ຽງ, ຈໍາກັດການຂຸດຄົ້ນຊັບພະຍາກອນຊະຊາຍ, ສົ່ງເສີມການປຸງແຕ່ງວັດຖຸດິບໃຫ້ເປັນສໍາເລັດຮູບໃຫ້ຫລາຍຂຶ້ນ, ສືບຕໍ່ປະຕິບັດຄໍາສັ່ງເລກ 15/ນຍ, ຫ້າມການສົ່ງອອກໄມ້ທ່ອນທໍາມະຊາດ, ເຂັ້ມງວດກວດກາການລົງທຶນຂອງລັດທີ່ບໍ່ມີປະສິດທິຜົນ, ປະຕິບັດມາດຕະການປະຢັດງົບປະມານເພື່ອຕ້ານການຟູມເຟືອຍ ແລະ ການຮົ່ວໄຫລຂອງງົບປະມານ, ເຂັ້ມງວດປະຕິບັດວິໄນແຜນການ-ການເງິນ, ເອົາໃຈໃສ່ແກ້ໄຂໜີ້ສີນຄຸມເຄືອທັງພາຍໃນ ແລະ ຕ່າງປະເທດ ດ້ວຍກົນໄກທີ່ໂປ່ງໃສ ແລະ ກວດສອບໄດ້, ຄຸ້ມຄອງການນໍາເຂົ້າ ແລະ ຊຸກຍູ້ສົ່ງເສີມການຜະລິດພາຍໃນ ແລະ ສົ່ງເສີມການລົງທຶນໃສ່ການພັດທະນາຊັບພະຍາກອນມະນຸດໃຫ້ຫລາຍຂຶ້ນ.

- Wave100S AD to Website 2020 0 - ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ

ດັ່ງນັ້ນ, ເພື່ອຮັບປະກັນການຈັດຕັ້ງປະຕິບັດມາດຕະການດັ່ງກ່າວໃຫ້ມີປະສິດທິຜົນ, ລັດຖະບານຈະໄດ້ປັບປຸງການມອບໜ້າທີ່, ການແບ່ງງານ ແລະ ຄວາມຮັບພິຊອບຂອງຄະນະພັກ-ຄະນະນໍາ ແລະ ພະນັກງານແຕ່ລະຂັ້ນ ນັບແຕ່ສູນກາງຮອດທ້ອງຖິ່ນ, ໂດຍສະເພາະເລັ່ງໃສ່ແກ້ໄຂແບບແຜນວິທີເຮັດວຽກທີ່ອືດອາດ, ຂາດຄວາມເປັນເຈົ້າການ, ຂາດຄວາມຮັບພິຊອບ, ຂາດຫົວຄິດປະດິດສ້າງ ແລະ ຂາດການຕິດຕາມຊຸກຍູ້ກວດກາ ແລະ ປະເມີນຜົນ, ປັບປຸງພາລະບົດບາດ ແລະ ກົງຈັກການຈັດຕັ້ງທີ່ຍັງຊໍ້າຊ້ອນ, ບໍ່ສອດຄ່ອງ ແລະ ບໍ່ແທດເໝາະກັບສະພາບການຕົວຈິງ, ພ້ອມທັງຂັດຈ້ອນເອົາແຕ່ພະນັກງານທີ່ມີຄຸນສົມບັດ, ມີຄວາມຮູ້ ແລະ ຄວາມສາມາດ ທີ່ເໝາະສົມ ເພື່ອມາຮັບພິຊອບ, ຊີ້ນໍາ-ນໍາພາ ແລະ ບໍລິຫານວຽກງານຕາມຄວາມເໝາະສົມໃນຕໍ່ໜ້າ.

- WhatsApp Image 2020 05 27 at 5 - ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ
- WhatsApp Image 2020 05 27 at 5 - ລັດຖະບານຈະຕັ້ງໜ້າແກ້ໄຂສິ່ງບໍ່ດີໃນກົງຈັກລັດ
error: Alert: ເນື້ອຫາຂ່າວມີລິຂະສິດ !!