ຈີນຈະຊ່ວຍຕິດຕັ້ງລະບົບໄຟສະຫວ່າງໃນຕົວເມືອງ ແລະ ເຂດຊານເມືອງນະຄອນຫລວງວຽງຈັນ

- advert banner 728 90 728x90 - ຈີນຈະຊ່ວຍຕິດຕັ້ງລະບົບໄຟສະຫວ່າງໃນຕົວເມືອງ ແລະ ເຂດຊານເມືອງນະຄອນຫລວງວຽງຈັນ

  ນັບວ່າເປັນຂ່າວດີສໍາລັບປະຊາຊົນລາວ, ເວົ້າສະເພາະຊາວນະຄອນຫລວງວຽງຈັນ ທີ່ຈະໄດ້ດໍາເນີນຊີວິດໃນຍາມຄໍ່າຄືນສະດວກ ແລະ ປອດໄພຫລາຍຂຶ້ນ, ຫລັງຈາກລັດຖະບານ ສປຈີນ ຕົກລົງຊ່ວຍເຫລືອຕິດຕັ້ງລະບົບໄຟສະຫວ່າງໃນຕົວເມືອງ ແລະ ເຂດຊານເມືອງຫລາຍຈຸດ.

- new3 - ຈີນຈະຊ່ວຍຕິດຕັ້ງລະບົບໄຟສະຫວ່າງໃນຕົວເມືອງ ແລະ ເຂດຊານເມືອງນະຄອນຫລວງວຽງຈັນ

  ພິທີລົງນາມເພື່ອສໍາຫລວດພາກສະໜາມໃນໂຄງການຊ່ວຍເຫລືອດັ່ງກ່າວໄດ້ມີຂຶ້ນໃນທ້າຍອາທິດຜ່ານມານີ້ລະຫວ່າງທ່ານ ຫວາງ ຊີຮຸຍ ທີ່ປຶກສາດ້ານເສດຖະກິດ-ການຄ້າ ສະຖານເອກອັກຄະລັດຖະທູດ ສປຈີນ ປະຈໍາລາວ ແລະ ທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫລວງວຽງຈັນ.

   ໂຄງການນີ້, ມີເປົ້າໝານເພື່ອສະໜອງແສງສະຫວ່າງໃນເຂດເທສະບານ  100 ບ້ານ ແລະ ມີພົນລະເມືອງຫລາຍກວ່າ 4 ແສນຄົນໄດ້ຮັບຜົນປະໂຫຍດ ເພື່ອຮັບປະກັນຄວາມປອດໄພ ແລະ ຂະຫຍາຍໂອກາດໃນການເຮັດວຽກ ແລະ ເຄື່ອນໄຫວຊີວິດໃນພາກຄໍ່າໃນຕົວເມືອງ ແລະ ຊານເມືອງມີຄວາມສະດວກ. ໂຄງການນີ້, ລັດຖະບານຈີນ ໄດ້ມອບໃຫ້ກຸ່ມບໍລິສັດ ອອກແບບທາງລົດໄຟລາວ-ຈີນ ເປັນຜູ້ສຶກສາສໍາຫລວດມາແຕ່ເດືອນເມສາ-ພຶດສະພາຜ່ານມາ ແລະ ຄາດວ່າຈະໄດ້ເລີ່ມປະຕິບັດກ່ອນຢູ່ 30 ກວ່າບ້ານໃນເຂດເມືອງຈັນທະບູລີ, ໄຊເສດຖາ ແລະ ສີສັດຕະນາກ.

ນອກນີ້, ຍັງຈະໄດ້ຍົກລະດັບ ແລະ ປັບປຸງລະບົບໄຟເຍືອງທາງໃນ 7 ເສັ້ນທາງ, ໂດຍຈະຕິດຕັ້ງລະບົບຄວບຄຸມໄຟເຍືອງທາງ, ກ້ອງວົງຈອນປິດ ແລະ ວາງສາຍໄຍແກ້ວຄືນໃໝ່ຢູ່ຖະໜົນລ້ານຊ້າງແຕ່ທໍານຽບປະທານປະເທດ (ຫໍຄໍາ) ຫາປະຕູໄຊ, ຖະໜົນ 23 ສິງຫາແຕ່ 4 ແຍກພະແນກໂຍທາທິການ ແລະ ຂົນສົ່ງນະຄອນຫລວງວຽງຈັນຫາວົງວຽນທາດຫລວງ, ຖະໜົນໄກສອນ ພົມວິຫານ ແຕ່ປະຕູໄຊຫາວົງວຽນ 450 ປີ, ຖະໜົນໜອງບອນ ແຕ່ໄຟອໍານາດໜອງບອນຫາວົງວຽນ 450 ປີ, ຖະໜົນເຈົ້າຟ້າງຸ່ມ ແຕ່ວົງວຽນປາກປາສັກຫາ 3 ແຍກທາດຂາວ, ຖະໜົນຕາຝັ່ງເຈື່ອນແຄມຂອງແມ່ນ ແຕ່ 3 ແຍກປາກປ່າສັກ ຫາ 3 ແຍກດອນຈັນ. ນອກນີ້ ຍັງມີເສັ້ນທາງແຕ່ຫໍຄໍາຫາໄຟອໍານາດມະໂຫສົດຫາ 3 ແຍກຕາຝັງເຈື່ອນ ແລະ ຍັງຈະໄດ້ຊ່ວຍເຫລືອຍົກລະດັບນໍ້າພຸ ແລະ ລະບົບກຫົດນໍ້າສວນດອກໄມ້ບໍລິເວນສວນປະຕູໄຊ ຕື່ມອີກ, ເພື່ອຊ່ວຍໃຫ້ການດໍາລົງຊີດຂອງປະຊາຊົນໃນຕົວເມືອງມີຄວາມສະດວກ ແລະ ປອດໄພ, ໂດຍສະເພາະການສັນຈອນໄປມາໃນຍາມຄໍ່າຄືນ ເພື່ອຫລຸດຜ່ອນບັນຫາອຸປະຕິເຫດ ແລະ ອາຊະຍາກໍາຕ່າງໆ.

error: Content is protected !!