ລາວຈະເອົາໃຈໃສ່ຄຸ້ມຄອງການເຂົ້າອອກ-ເມືອງໃຫ້ເຂັ້ມງວດ

- advert banner 728 90 728x90 - ລາວຈະເອົາໃຈໃສ່ຄຸ້ມຄອງການເຂົ້າອອກ-ເມືອງໃຫ້ເຂັ້ມງວດ

ທ່ານ ພົນໂທ ວິໄລ ຫລ້າຄໍາຟອງ ລັດຖະມົນຕີກະຊວງປ້ອງກັນຄວາມສະຫງົບ ໃຫ້ຮູ້ວ່າ: ໃນຕໍ່ໜ້ານີ້, ຈະເພີ່ມທະວີຄຸ້ມຄອງການເຂົ້າ-ອອກເມືອງໃຫ້ເຂັ້ມງວດກວ່າເກົ່າ, ເພື່ອຮັບປະກັນຄວາມສະຫງົບທາງດ້ານການເມືອງໃຫ້ໜັກແໜ້ນແລະສັງຄົມມີຄວາມປອດໄພດີຂຶ້ນ, ຂະນະດຽວກັນກໍສຸມໃສ່ແກ້ໄຂຄົນຕ່າງປະເທດທີ່ເຂົ້າເມືອງຜິດກົດໝາຍທີ່ຍັງເຫລືອປະມານ 3.330 ກວ່າຄົນໃຫ້ສໍາເລັດໂດຍໄວ.

- new3 - ລາວຈະເອົາໃຈໃສ່ຄຸ້ມຄອງການເຂົ້າອອກ-ເມືອງໃຫ້ເຂັ້ມງວດ

ທ່ານ ລັດຖະມົນຕີກະຊວງດັ່ງກ່າວ ໃຫ້ຮູ້ວ່າ: ວຽກງານຄຸ້ມຄອງຄົນຕ່າງປະເທດກໍຄືການເຂົ້າ-ອອກເມືອງແມ່ນວຽກງານສໍາຄັນຂອງການຜັນຂະຫຍາຍນະໂຍບາຍການຕ່າງປະເທດຂອງພັກແລະລັດຖະບານ, ທັງເປັນການເປີດປະຕູສູ່ໂລກພາຍນອກເພື່ອຮ່ວມມືກັບຕ່າງປະເທດໃຫ້ກວ້າງຂວາງຂຶ້ນ. ໃນຜ່ານມາ, ວຽກງານດັ່ງກ່າວໄດ້ຊ່ວຍດຶງດູດການທ່ອງທ່ຽວ, ການລົງທຶນຂະຫຍາຍຕົວດີຂຶ້ນເປັນລໍາດັບ, ອັນໄດ້ນໍາເອົາຜົນປະໂຫຍດມາສູ່ປະຊາຊົນບັນດາເຜົ່າແລະການພັດທະນາເສດຖະກິດ-ສັງຄົມຂອງຊາດ. ທັງສາມາດສະກັດກັ້ນກຸ່ມຄົນບໍ່ຫວັງດີທີ່ຈະເຂົ້າມາເຄື່ອນໄຫວກໍຄວາມບໍ່ສະຫງົບຢູ່ພາຍໃນໄດ້ຢ່າງທັນການແລະ ແກ້ໄຂໄດ້ບັນດາປາກົດການຫຍໍ້ທໍ້ທີ່ພົວພັນເຖິງຄົນຕ່າງປະເທດໃຫ້ເຂົ້າສູ່ລະບຽບກົດໝາຍແລະເພື່ອໃຫ້ວຽກງານດັ່ງກ່າວມີປະສິດທິຜົນສູງກວ່າເກົ່າ, ຂະແໜງການກ່ຽວຂ້ອງຈະສູ້ຊົນປະກອບພາຫະນະ, ອຸປະກອນຮັບໃຊ້ວິຊາສະເພາະໃຫ້ຄົບຊຸດແລະທັນສະໄໝ, ເພື່ອເພີ່ມຂີດຄວາມສາມາດໃນການປະຕິບັດໜ້າທີ່ກວດກາຄົນເຂົ້າ-ອອກເມືອງເປັນຕົ້ນ: ໂຄງການກວດກາຂໍ້ມູນຜູ້ໂດຍສານລ່ວງໜ້າກ່ອນຂຶ້ນເຮືອບິນແລະລະບົບບັນທຶກຂໍ້ມູນຜູ້ໂດຍສານ, ໂຄງການຢຸດເທື່ອດຽວ-ກວດກາເທື່ອດຽວຢູ່ດ່ານຊາຍແດນສະຫວັນ-ລາວບາວ, ໂຄງການໜັງສືຜ່ານແດນທັນສະໄໝແລະໂອໂຕເກດ, ໂຄງການວີຊາອນລາຍແລະໂຄງການພັດທະນາປື້ມຜ່ານແດນທັນສະໄໝເພື່ອແນໃສ່ອໍານວຍຄວາມສະດວກວ່ອງໄວໃຫ້ແກ່ການເຂົ້າ-ອອກຜ່ານປະຕູດ່ານ.

ນອກນີ້, ຈະສືບຕໍ່ຫັນກໍາລັງສັນຕິບານລົງກໍ່ສ້າງຮາກຖານ, ໂດຍສະເພາະເຂດພື້ນທີ່ຫລໍ່ແຫລມ, ເພີ່ມທະວີການກວດກາ, ຄຸ້ມຄອງບັນດາຫົວໜ່ວຍທຸລະກິດທ່ອງທ່ຽວ, ພັກແຮມ, ບັນເທີງ-ກິນດື່ມ, ແຫລ່ງທ່ອງທ່ຽວ, ຂົນສົ່ງໂດຍສານແລະຜູ້ປະກອບການອື່ນໆ ໃຫ້ເຄື່ອນໄຫວຖືກຕ້ອງຕາມລະບຽບກົດໝາຍ, ອັນສໍາຄັນແມ່ນສືບຕໍ່ເຮັດສັນຍາຮັບປະກັນຄວາມສະຫງົບ-ປອດໄພ, ຄວາມເປັນລະບຽບຮຽບຮ້ອຍກັບຜູ້ປະກອບການທຸລະກິດເພື່ອໃຫ້ເຂົາເຈົ້າປະຕິບັດພັນທະວຽກງານປກສ-ປກຊຢ່າງຕັ້ງໜ້າ.

error: Content is protected !!