ຂໍຝາກ​ຄວາມ​ໄວ້​ວາງ​ໃຈ​ກັບ​ນິຕິ​ໃໝ່

- advert banner 728 90 728x90 - ຂໍຝາກ​ຄວາມ​ໄວ້​ວາງ​ໃຈ​ກັບ​ນິຕິ​ໃໝ່

​​ໂດຍ: ທິດ​ກ່ຳ

- new3 - ຂໍຝາກ​ຄວາມ​ໄວ້​ວາງ​ໃຈ​ກັບ​ນິຕິ​ໃໝ່

      ນັບ​ວ່າ​ເປັນ​ນິຕິ​ໃໝ່​ໃນ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ 8 ຂອງ​ສະພາ​ແຫ່ງ​ຊາດ​ຊຸດ​ທີ VIII ​ໄດ້​ມີ​ການປະ​ເມີນ​ຜົນ​ການ​ປະຕິບັດ​ໜ້າ​ທີ່​ຂອງ​ບຸກຄະລາ​ກອນ​ຜູ້​ດຳລົງ​ຕຳ​ແໜ່​ງທີ່​ສະພາ​ແຫ່ງ​ຊາດ​ເປັນ​ຜູ້​ເລືອກ​ຕັ້ງ ​ແລະ ຮັບຮອງ, ຈຸດປະສົງ​ກໍ​ເພື່ອ​ແນ​ໃສ່​ປະ​ເມີນ​ຜົນ​ການ​ຜະ​ຕິ​ບັດ​ໜ້າ​ທີ່​ຂອງ​ບຸກຄະລາ​ກອນ​ຕາມ​ເນື້ອ​ໃນມາດຕະຖານ​ທີ່​ສະພາ​ໄດ້​ກຳນົດ​ໄວ້​ຄື: ອັນ​ທີ​ໜຶ່ງ​ແມ່ນ​ຄຸນ​ທາດ​ການ​ເມືອງ ​ແລະ ຄຸນສົມບັດ​ສິນ​ທຳ​ປະຕິບັດ.

       ​ໃນ​ນີ້​ປະກອບ​ມີ​ຄວາມ​ຊື່ສັດ​ບໍລິສຸດ​ຕໍ່​ປະ​ເທດ​ຊາດ, ຕໍ່​ປະຊາຊົນ, ຕໍ່​ລະບອບ​ປະຊາທິປະ​ໄຕ, ຄວາມ​ເປັນ​ແບບຢ່າງ​ໃນ​ການຈັດຕັ້ງປະຕິບັດ​ແນວທາງນະ​ໂຍບາຍ​ຂອງ​ພັກ, ກົດໝາຍ​ຂອງ​ລັດ​ໃນ​ການ​ດຳລົງ​ຊີວິດ.

       ສອງ​ແມ່ນ​ຄວາມ​ຮູ້​ຄວາມ​ສາມາດ ​ແລະ ປະສົບ​ປະການ, ປະກອບ​ດ້ວຍຄວາມ​ຮູ້​ໃນ​ວຽກ​ງານ​ທີ່​ຕົນ​ຮັບຜິດຊອບ, ມີ​ປະສົບ​ປະການ​ໃນ​ການຈັດຕັ້ງປະຕິ​ບັດ​ວຽກ​ງານ​ຕົວ​ຈິງ, ສາມ​ແມ່ນ​ຜົນສຳ​ເລັດ​ຕົວ​ຈິງ​ໃນ​ການ​ປະຕິບັດ​ໜ້າ​ທີ່, ໃຫ້​ບັນລຸ​ຄາດໝາຍ, ຕາມ​ແຜນການ​ທີ່​ໄດ້​ກຳນົດ​ໄວ້​ຢູ່​ໃນ​ຂະ​ແໜງ​ການ​ທີ່​ຕົນ​ເອງ​ຮັບຜິດຊອບ​ຢ່າງ​ມີ​ປະສິດທິພາບ ​ແລະ ປະສິດທິ​ຜົນ ​ເຊິ່ງ​ໄດ້​ກຳນົດ​ໃນ​ມະຕິ​ສະບັບ​ເລກທີ 104/ຄປຈ ລົງ​ວັນ​ທີ 21/6/2019 ຂອງ​ຄະນະ ປະຈຳ​ສະພາ​ແຫ່ງ​ຊາດ​ວ່າ​ດ້ວຍ​ການ​ປະ​ເມີນ​ຜົນ.

       ສ່ວນ​ຈຳນວນ​ບຸກຄະລາ​ກອນ​ທີ່​ຖືກ​ປະ​ເມີນ​ຜົນ​ນັ້ນກໍ​ມີ​ທັງ​ໝົດ 69 ທ່ານ, ​ໃນ​ນີ້, ຢູ່​ຂົງ​ເຂດ​ສະພາ​ແຫ່ງ​ຊາດ 30 ທ່ານ, ຂົງ​ເຂດ​ບໍລິຫານ​ລັດ 28 ທ່ານ, ຂົງ​ເຂດ​ຕຸລາການ ​ແລະ ກວດ​ສອບ​ແຫ່ງ​ລັດ 11 ທ່ານ.

       ຈາກ​ນັ້ນ, ບັນດາ ສສຊ ກໍ​ໄດ້​ພ້ອມ​ກັນ​ພິຈາລະນາ​ຄົ້ນຄວ້າ​ຢ່າງ​ເລິກ​ເຊິ່ງຖີ່ ຖ້ວນ​ແລ້ວ​ກໍ​ພ້ອມ​ກັນ​ລົງ​ຄະ​ແນນ​ປະ​ເມີນ​ຜົນ​ຂອງ​ບຸກຄະລາ​ກອນ​ຜູ້​ດຳລົງ​ຕຳ ​ແໜ່​ງທີ່​ສະພາ​ແຫ່ງ​ຊາດ​ໄດ້​ເລືອກ​ຕັ້ງ ​ແລະ ຮັບຮອງ​ເຊິ່ງ​ໄດ້​ຈັດ​ຂຶ້ນ​ໃນ​ວັນ​ທີ 4 ທັນວາ 2019 ຈົນ​ຮອດ​ຕອນ​ບ່າຍ​ວັນ​ທີ 6 ທັນວາ 2019 ອັນ​ເປັນ​ວາລະ​ສຸດ ທ້າຍ​ຂອງ​ກອງ​ປະຊຸມ ຈຶ່ງ​ໄດ້​ແຈ້ງ​ຜົນ​ຂອງ​ການ​ປະ​ເມີນ​ໃນ​ຈຳນວນ 69 ທ່ານ, ໃນນັ້ນ ມີ 6 ທ່ານ​ໄດ້​ຄະ​ແນນ​ດີ​ເລີດ​ ​ແລະ 63 ທ່ານ​ໄດ້​ຄະ​ແນນ​ປະ​ເພດ​ດີ.

       ​ແນວ​ໃດ​ກໍ​ຕາມ, ຖື​ວ່າຄັ້ງນີ້ ​ເປັນຄັ້ງທຳ​ອິດ​ທີ່​ມີ​ການ​ປະ​ເມີນ​ຜົນ ຕໍ່​ບຸກຄະລາ​ກອນ​ຜູ້​ດຳລົງ​ຕຳ​ແໜ່​ງທີ່​ສະພາ​ແຫ່ງ​ຊາດ​ໄດ້​ແຕ່ງຕັ້ງ ​ແລະ ຮັບຮອງ​ອັນ​ເປັນ​ການ​ພິສູດ​ໃຫ້​ເຫັນ​ຕົວ​ຊີ້ວັດ​ຄຸນ​ທາດ​ການ​ເມືອງ, ຄຸນງາມ ຄວາມ​ດີ, ຄວາມ​ສັດ​ຊື່​ບໍລິສຸດ​ຕໍ່ໜ້າ​ທີ່​ຊາດ ​ແລະ ປະຊາຊົນ​ໄດ້​ມອບ​ໝາຍ, ທັງ​ເປັນ​ການ​ເປີດ​ປະຊາທິປະ​ໄຕ ຕໍ່​ຄວາມ​ໄວ້​ວາງ​ໃຈ​ຂອງ​ສະມາຊິກ​ສະພາ​ທີ່​ໄດ້​ຕາງໜ້າ​ໃຫ້​ປະຊາຊົນ​ບັນດາ​ເຜົ່າ​ໃນ​ທົ່ວ​ປະ​ເທດ.

       ​ໃນ​ການ​ປະ​ເມີນ​ຜົນຄັ້ງນີ້, ກ່ອນ​ຈະ​ກ້າວ​ມາ​ເຖິງ​ຂັ້ນຕອນ​ລົງ​ຄະ​ແນນ​ສຽງ​ກໍ​ໄດ້​ຜ່ານ​ຫລາຍ​ຂັ້ນຕອນ​ໂດຍ​ມີ​ກອງ​ເລຂານຸການ​ເປັນ​ເສນາ​ທິການຄົ້ນ ຄວ້າ​ຈັດຕັ້ງປະຕິບັດ​ອອກ​ນິຕິ​ກຳ​ຕ່າງໆ ​ເປັນຕົ້ນນັບ​ແຕ່​ການຈັດຕັ້ງໜ່ວຍ​ງານ ສະ​ເພາະ​ກິດ, ​ເສນາ​ທິການຄົ້ນຄວ້າ​ເນື້ອ​ໃນ​ຕາມ​ມາດຕະຖານ, ​ເງື່ອນ​ໄຂ​ໃຫ້​ສອດຄ່ອງ​ກັບ​ໜ້າ​ທີ່​ຂອງ​ຜູ້​ດຳລົງ​ຕຳ​ແໜ່​ງ​ແຕ່ລະ​ທ່ານ ​ແລະ ​ແຕ່ລະ​ຂົງ​ເຂດເພື່ອຈະ​ເປັນ​ພື້ນຖານ​ໃຫ້ການ​ມີ​ປະຊາທິປະ​ໄຕ ​ໃນ​ສະພາ​ຫລາຍ​ຂຶ້ນນອກຈາກ​ການ​ປະກອບ​ຄຳ​ເຫັນ​ຂອງ​ຜູ້​ແທນ​ໃນ​ທຸກໆ ບັນຫາ​ແລ້ວ​ແຕ່​ສິ່ງ​ທີ່​ຫລາຍ​ຄົນ​ຍັງ​ແຄງ​ໃຈນັນ​ແມ່ນ​ຢາກ​ຮູ້​ລະອຽດ​ກ່ຽວ​ກັບ​ລາຍ​ຊື່ຜູ້ ​ໄດ້​ຄະ​ແນນ​ດີ​ເລີດ​ກັບ​ຄະ​ແນນ​ດີ​ນັ້ນມີ​ທ່ານ​ໃດ​ແດ່ ​ແລະ ​ແຕ່ລະ​ທ່ານ​ໄດ້​ຫລາຍ, ໜ້ອຍ​ປານ​ໃດ, ຕໍ່​ບັນຫາ​ທີ່​ໄດ້​ກ່າວ​ມາ​ນີ້, ບັນຊີ​ລາຍ​ຊື່​ກໍ​ອາດ​ມີ​ຄັກ​ແນ່​ແຕ່​ບໍ່​ປາ ກົດ​ເຫັນ​ອອກ​ຂ່າວ​ຄາວ​ໃຫ້​ສັງຄົມ​ໄດ້​ຮັບ​ຮູ້ ​ແລະ ບໍ່​ປາກົດ​ເຫັນ​ໃນ​ແຕ່ລະ​ແຫ​ລ່ງ ສື່​ເພື່ອ​ແຈ້ງ​ໃຫ້​ກັນຊາ​ບ​ໂດຍ​ສະ​ເພາະ​ແມ່ນ​ສື່​ຂອງ​ລັດ​ທີ່​ເປັນ​ສື່​ກົກໆ ຂອງ​ສື່​ມວນ​ຊົນ​ລາວ.

error: Content is protected !!