ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ

- 1452 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
- Untitled design - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ

ໃນວັນທີ 9 ທັນວານີ້, ສູນກາງສະຫະພັນແມ່ຍິງລາວ ໄດ້ຈັດພິທີສະຫລຸບ ການເຄື່ອນໄຫວວຽກງານປະຈຳປີ 2019 ແລະ ປະດັບຫລຽນໄຊ-ຍ້ອງຍໍໃຫ້ຜູ້ມີຜົນງານດີເດັ່ນໃນ 5 ປີ ຂຶ້ນຢູ່ສູນອົບຮົມແມ່ຍິງລາວ ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ປະທານຄະນະກຳມາທິການແຫ່ງຊາດເພື່ອຄວາມກ້າວໜ້າຂອງແມ່ຍິງ, ແມ່ ແລະ ເດັກ ພ້ອມດ້ວຍຄະນະບໍລິຫານງານສູນກາງສະຫະພັນແມ່ຍິງລາວ ແລະ ພະນັກງານສະຫະພັນແມ່ຍິງລາວເຂົ້າຮ່ວມຢ່າງພ້ອມພຽງ.

- IMG 8558 1024x683 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ

ໃນກອງປະຊຸມ, ທ່ານ ນາງ ອິນລາວັນ ແກ້ວບຸນພັນ ປະທານຄະນະບໍລິຫານງານສູນກາງສະຫະພັນແມ່ຍິງລາວ (ສສຍລ) ໃຫ້ຮູ້ວ່າ: ຕະຫລອດໄລຍະ 5 ປີຜ່ານມາ, ສະຫະພັນແມ່ຍິງລາວມີຜົນງານດີເດັ່ນຫລາຍດ້າຍ, ໂດຍສະເພາະແມ່ນເອົາໃຈໃສ່ປົກປ້ອງສິດຜົນປະໂຫຍດຂອງແມ່ຍິງ ແລະ ເດັກນ້ອຍ ດ້ວຍການໂຄສະນາ, ເຜີຍ​ແຜ່​ແນວ​ທາງ​ນະ​ໂຍ​ບາຍ​ຂອງ​ພັກ, ລັດ​ຖະ​ທຳ​ມະ​ນູນ, ກົດ​ໝາຍ​ຂອງ​ລັດ, ສົນ​ທິ​ສັນ​ຍາ​ສາ​ກົນ​ຕ່າງໆ​ທີ່​ພົວ​ພັນ​ເຖິງ​ການປົກ​ປ້ອງ​ສິດ​ຜົນ​ປະ​ໂຫຍດ​ຂອງ​ແມ່​ຍິງ ແລະ ເດັກ​ນ້ອຍ ກົດໝາຍວ່າດ້ວຍການຕ້ານ ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງແລະເດັກໃຫ້​ສະມາຊິກສະຫະພັນແມ່ຍິງ ແລະ ແມ່ຍິງ ຮັບຮູ້ເຂົ້າໃຈເພື່ອປົກປ້ອງ ແລະ ພັດທະນາຕົນເອງ.

- IMG 8567 1024x683 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ

ໃນໂອກາດນີ້, ທ່ານ ຮອງນາຍົກລັດຖະມົນຕີ ສອນໄຊ ສີພັນດອນ ໄດ້ ສະແດງຄວາມຍ້ອງຍໍຊົມເຊີຍຕໍ່ຄະນະບໍລິຫານງານສູນກາງສະຫະພັນແມ່ຍິງລາວ ທີ່ຍາດແຍ່ງຜົນງານດີເດັ່ນດັ່ງກ່າວ, ຊຶ່ງເປັນການຢັ້ງຢືນເຖິງຜົນງານການເຄື່ອນໄຫວຂອງຕົນໃນການປະກອບສ່ວນປະຕິບັດສອງໜ້າທີ່ຍຸດທະສາດຄືປົກປັກຮັກສາ ແລະ ສ້າງສາພັດທະນາປະເທດຊາດພາຍໃຕ້ການນໍາພາອັນປີຊາສາມາດສະຫລາດສ່ອງໃສຂອງພັກປະ ຊາຊົນປະຕິວັດລາວ ເຮັດໃຫ້ການຈັດຕັ້ງສະຫະພັນແມ່ຍິງລາວໄດ້ຮັບການປັບປຸງດີຂຶ້ນຄື: ຕະຫລອດໄລຍະ 5 ປີຜ່ານມາ, ມີ 13 ກົມ​ກອງໄດ້ຮັບການປະດັບຫລຽນໄຊດີເດັ່ນ ໃນນີ້ມີຫລຽນໄຊແຮງງານຊັ້ນ I ຈໍານວນ 4 ກົມກອງ, ຫລຽນໄຊແຮງງານຊັ້ນ II ມີ 6 ກົມກອງ ແລະ ຫລຽນໄຊແຮງງານຊັ້ນ III ມີ 3 ກົມກອງ, ສຳລັບປະເພດບຸກຄົນດີເດັ່ນ ທີ່ໄດ້ຮັບຫລຽນໄຊໃນ​ຄັ້ງ​ນີ້​ມີ: ຫລຽນໄຊແຮງງານຊັ້ນ I ຈໍານວນ 14 ທ່ານ, ຫລຽນໄຊແຮງງານຊັ້ນ II ຈຳນວນ 25 ທ່ານ,ຫລຽນໄຊແຮງງານ ຊັ້ນ III ຈໍານວນ 22 ທ່ານ, ຫລຽນກາແຮງງານ 51 ທ່ານ, ໃບຍ້ອງຍໍລັດຖະບານມີ 78 ທ່ານ ແລະ ໃບຍ້ອງ​ຍໍ​ຂອງ​ສູນ​ກາງ​ສະ​ຫະ​ພັນ​ແມ່​ຍິງ​ລາວຢ່າງ​ສົມກຽດ.

- Wave100S AD to Website 2020 0 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
- IMG 8592 1024x683 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
- IMG 8654 1 1024x683 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
- IMG 8622 1024x683 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ

ຄຽງຄູ່ກັນນັ້ນ, ທ່ານ ຮອງນາຍົກໄດ້ເນັ້ນໃຫ້ສືບຕໍ່ເອົາ​ໃຈ​ໃສ່​ປັບ​ປຸງ​ກົງ​ຈັກ​ການ​ຈັດ​ຕັ້ງໃຫ້​ໄດ້​ຕາມ​ມາດ​ຖານ​, ອອກ​ແຮງ​ຊຸກ​ຍູ້ ແລະຕິດ​ຕາມກອງ​ປະ​ຊຸມ 3 ຂັ້ນຂອງ​ພັກ ແລະ ຂອງ​ສະ​ຫະ​ພັນ​ແມ່​ຍິງເພື່ອ​ເຮັດ​ໃຫ້​ພະ​ນັກ​ງານ​ນຳ​ພາ-ຄຸ້ມ​ຄອງ​ເພດ​ຍິງທີ່​ມີ​ເງື່ອນ​ໄຂ​ໄດ້​ເຂົ້າ​ບັນ​ຈຸ​ຊັບ​ຊ້ອນເຂົ້າໃນວຽກງານຕ່າງໆຫລາຍ​ຂຶ້ນ, ກຽມ​ພ້ອມ​ປະ​ຕິ​ບັດ​ໜ້າ​ທີ່ພັກ-ລັດ​ມອບ​ໝາຍ​ໃຫ້ໄດ້ຜົນສຳເລັດໃຫຍ່ຫລວງກວ່າເກົ່າໃນຂະ​ບວນແຂ່ງຂັນຮັກຊາດແລະພັດທະນາ, ສືບຕໍ່ເສີມ​ຂະ​ຫຍາຍ 5 ຄຸນລັກສະນະທີ່ເປັນມູນເຊື້ອຂອງແມ່ຍິງລາວ, ປົກປັກຮັກສາວັດທະນະທຳອັນດີງາມຂອງແມ່ຍິງແລະຂອງຊາດ, ພັດທະນາຕົນເອງຢ່າງຮອບດ້ານ; ສຸມ​ໃສ່​ສ້າງແຜນພັດທະນາ​ແມ່​ຍິງ​ລາວ, ແຜນດຳເນີນງານແຫ່ງຊາດເພື່ອຄວາມສະ ເໝີພາບຍິງ-ຊາຍ, ແຜນດຳເນີນງານແຫ່ງຊາດວຽກງານ ແມ່ ແລະ ເດັກ ໃຫ້​ສອດ​ຄ່ອງ​ກັບ​ແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມແຫ່ງ​ຊາດ 5 ປີຄັ້ງ​ທີ IX (2021-2025), ປະຕິບັດຄຳຂວັນແຂ່ງຂັນ 3 ດີຕິດພັນກັບການປັບປຸງການຈັດຕັ້ງໃຫ້ມີຄວາມເຂັ້ມແຂງ ແລະ ໜັກ​ແໜ້ນ.

- WhatsApp Image 2020 05 27 at 5 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
- WhatsApp Image 2020 05 27 at 5 - ສູນກາງສະຫະພັນແມ່ຍິງລາວ ປະ ດັບຫລຽນໄຊ ແລະ ມອບໃບຍ້ອງຍໍໃຫ້ຜູ້ມີຜົນງານດີເດັ່ນ
error: Alert: ເນື້ອຫາຂ່າວມີລິຂະສິດ !!