​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ

- 111 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ
- Untitled design - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ

  1. ບົ້ງ​ເຈາະ​ລຳຕົ້ນສາລີ (Corm borer: Ostrinia fumacalis Guenee)

​ເປັນ​ແມງ​ໄມ້​ສັດຕູ​ພືດ​ທີ່​ສຳຄັນ​ຊະນິດ​ໜຶ່ງ​ຂອງ​ສາລີ ​ໂດຍ​ສະ​ເພາະ​ໃນ​ສວນ​ທີ່​ມີການປູກ ສາລີ​ມາ​ດົນ​ຫລື​ໃນ​ແຫ​ລ່ງທີ່​ມີ​ການ​ໃຊ້​ສານ​ເຄມີ​ຂ້າ​ແມງ​ໄມ້​ຫລາຍ. ​ເພາະ​ຈະ​ໄດ້​ທຳລາຍ​ແມງ​ໄມ້ ສັດຕູ​ທຳ​ມະ​ຊາດ​ເຊ່ັນ: ​ແຕນ​ບຽນ​ໄຂ່ ​ເຊິ່ງ​ເປັນ​ໂຕ​ຄອຍ​ຄວບ​ຄຸມ​ປະຊາກອນ​ບົ້ງ​ເຈາະ​ລຳຕົ້ນ ​ໄດ້​ດີ ສ້າງ​ຄວາມ​ເສຍ​ຫາຍ​ໂດຍ​ການ​ເຈາະ​ເຂົ້າ​ໄປ​ໃນ​ລຳຕົ້ນຂອງ​ສາລີ​ເຮັດ​ໃຫ້​ຕົ້ນສາລີ​ຫັກ, ລົ້ມງ່າຍ​ເມື່ອ​ຖືກ​ລົມ​ແຮງ. ນອກຈາກ​ນັ້ນ ຍັງ​ເຈາະ​ທຳລາຍ​ຝັກ​ສາລີ​ອີກ​ດ້ວຍ ​ເຊິ່ງມັນ​ເຈາະ ກິນ​ຢູ່​ກ້ານ​ຝັກ ຫລື ​ໂຄນ​ຝັກ. ຫາກ​ມີ​ການລະບາດ​ຮຸນ​ແຮງ​ຈະ​ເຈາະ​ກິນ​ຢູ່​ໃນ​ຝັກ​ເລີຍ​ສາມາດ ​ເຂົ້າ​ໄປ​ທຳລາຍ​ໃນ​ຊ່ວງ​ການຈະ​ເລີ​ນ​ເຕີບ​ໂຕ​ຂອງ​ລຳຕົ້ນ, ​ໄລຍະ​ອອກດອກ ​ແລະ ອອກ​ເມັດ ​ໂດຍ​ທີ່​ບົ້ງຈະ​ເຈາະ​ກິນ​ໃນ​ສ່ວນ​ຂອງ​ຍອດ, ​ເຈາະ​ກິນ​ພາຍ​ໃນ​ຊໍ່​ດອກ ​ແລະ ​ເຈາະ​ເຂົ້າ​ໄປ​ທຳ ລາຍ​ພານ​ໃຍ​ລຳຕົ້ນ. ບົ້ງທີ່​ຟັກ​ອອກ​ຈາກ​ໄຂ່​ໄລຍະ​ທຳ​ອິດ​ຈະ​ກັດ​ກິນ​ໃບ​ທີ່​ມ້ວນ​ຢູ່.

​ແຕ່​ຖ້າ​ລະບາດ​ໄລຍະ​ທີ່​ສາລີ​ກຳລັງ​ອອກ​ເກສອນ​ເພດ​ຜູ້​ຈະ​ອາ​ໄສ​ກິນ​ຢູ່​ທີ່​ຊໍ່​ດອກ​ເກສອນ​ຜູ້​ ຕໍ່ ມາ​ຈຶ່ງ​ເຈາະ​ເຂົ້າລຳຕົ້ນດ້ານ​ບໍລິ​ເວນ​ກ້ານ​ໃບ​ເໜືອ​ຂໍ້​ໃບ ​ແລະ ​ໂຄນ​ຝັກ. ກາ​ນທຳລາຍ​ຂອງ ບົ້ງ​ເຈາະ​ລຳຕົ້ນຈະ​ກັດ​ກິນ​ເປັນ​ຮູ​ເລີຍ​ຂຶ້ນ​ໄປ​ດ້ານ​ເທີ​ງ ​ແຕ່​ຖ້າ​ໃນ​ແຫລ່ງທີ່​ມີ​ການລະບາດ​ຫລາຍ​ຈະ​ເຈາະ​ກິນ​ຝັກ​ດ້ວຍ. ​ໃນ​ສະພາບ​ພື້ນທີ່​ທີ່​ມີ​ການ​ເຈາະ​ທຳລາຍ​ໂດຍ​ສະ​ເລ່ຍ 3-6 ຮູ/ຕົ້ນ, ຈະ​ເຮັດ​ໃຫ້​ຜົນ​ຜະລິດ​ຫລຸດ​ລົງ​ຮ້ອຍ​ລະ 10-40. ນອກ​ນີ້​ຍັງ​ພົບ​ວ່າການ​ປູກ​ສາລີ​ໃນ​ທ້າຍ​ລະດູຝົນ​ຈະ​ມີ ການລະບາດ​ຂອງ​ແມງ​ໄມ້​ສັດຕູ​ພືດດັ່ງກ່າວ​ຫລາຍ​ກວ່າ​ຊ່ວງ​ຕົ້ນລະດູຝົນ.

ຮູບ​ຮ່າງ​ລັກສະນະ.

​​ໃຫຍ່​ເຕັມ​ໄວ​ເປັນ​ແມງກະ​ເບື້ອກາງຄືນ​ໂຕ​ບົ້ງ​ເຈາະ​ເຂົ້າ​ໄປ​ທຳລາຍ​ພາຍ​ໃນ​ລຳຕົ້ນ, ​ແມ່​ແມງ ກະ​ເບື້ອວາງ​ໄຂ່​ເປັນ​ກຸ່ມ​ຊ້ອນ​ກັນ​ຄື​ເກັດ​ປາ​ສີຂາວ​ນຸ່ມ​ຢູ່​ກ້ອງ​ໃບ​ສາລີ​ຕັ້ງ​ແຕ່​ສາລີ​ອາຍຸ​ປະມານ 30 ວັນ​ຈົນ​ຮອດ​ໄລຍະ​ອອກດອກ​ໄຂ່​ຟັກ​ເປັນ​ໂຕ​ພາຍ​ໃນ 3-4 ວັນ ຖ້າ​ມີ​ໜອນ​ລະບາດ​ໄລຍະ​ທີ່ ສາລີ​ອາຍຸ​ປະມານ 30-45 ວັນ ໜອນ​ຂະໜາ​ດ​​ໃຫຍ່​ເຕັມທີ່​ຍາວ​ປະມານ 20 ມິນ​ລີ​ແມັດ, ​ໂຕ​ມີ​ສີຂາວ​ນວນ​ອົມ​ສີ​ບົວ ​ແລະ ມີ​ຈຸດ​ຕາມ​ໂຕ, ​ໄລຍະ​ຕໍ່​ມາ​ຈະ​ເຂົ້າດັກ​ແດ້ພາຍ​ໃນ​ລຳຕົ້ນ​ໄລຍະ​ຂອງ​ການ​ເປັນ​ໂຕ​ບົ້ງ 15-21 ວັນ, ດັກ​ແດ້​ເປັນ​ສີນ້ຳຕານ​ອ່ອນ ​ແລະ ສີ​ຈະ​ເຂັ້ມຂຶ້ນ​ເລື້ອຍໆ ຈົນ​ເປັນ​ສີນ້ຳຕານ​ໄໝ້​ເກືອບ​ດຳ ​ແຕ່​ທາງ​ດ້ານ​ທ້ອງ​ມີ​ສີ​ຈາງ​ກວ່າ​ຮອຍ​ບປິກ, ໜວດ ​ແລະ ຕາ​ເຫັນ​ໄດ້​ຊັດ​ເຈນ. ຕາມ​ປົກກະຕິ​ດັກ​ແດ້ຈະ​ມີ​ໄຍຂາວ​ຫຸ້ມ​ຢູ່​ຮອບໆ ​​ໃຫຍ່​ໄລຍະ​ທີ່​ດັກ​ແດ້ອອກ​ເປັນ ​ແມງກະ​ເບື້ອປະມານ 5-7 ວັນ ຫລື ​​ໃຫຍ່​ເຕັມ​ໄວ ​ເຊິ່ງ​ຈະ​ມີ​ອາຍຸ​ປະມານ 7-14 ວັນ, ​ໂຕ​ເຕັມ​ໄວ​ໂຕ​ແມ່​ປິກ​ຄູ່​ທຳ​ອິດ​ມີ​ສີ​ເຫລືອງ​ອ່ອນ​ມີ​ລາຍ​ເສັ້ນ​ເປັນ​ຢັກໆ ສີນ້ຳຕານ​ພາດ​ຂວາງ​ຢູ່​ປາຍ​ປີກ, ກາງ​ປີກ​ຈະ​ມີ​ສີນ້ຳຕານ 2 ຈຸດ​ຢູ່​ໃກ້ໆ​ກັນ, ປີກ​ຄູ່​ຫລັງ​ພື້ນສີ​ເຫລືອງ​ເຂັ້ມກວ່າ​ຄູ່​ທຳ​ອິດ​ເລັກ​ນ້ອຍ​ລຳ​ໂຕ​ດ້ານ​ເທີ​ງສີນ້ຳຕານ​ອ່ອນ​ທາງ​ດ້ານ​ທ້ອງ​ມີ​ສີນ​ວນ ​ແລະ ​ໂຕ​ຍ່າວ​ປະມານ 1,45 ຊມ, ​ໂຕ​ຜູ້​ມີ​ສີ​ເຂັ້ມກວ່າ​ໂຕ​ແມ່​ເລັກ​ນ້ອຍ ​ແລະ ​ໂຕ​ຍາວ​ປະມານ 1,35 ຊມ.

- 223 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ

ການ​ປ້ອງ​ກັນ​ກຳຈັດ.

​ໃນ​ທຳ​ມະ​ຊາດ​ແມງ​ໄມ້​ດ້ວຍ​ກັນ ທີ່​ຄອຍ​ທຳລາຍ​ບົ້ງ​ເຈາະ​ລຳຕົ້ນສາລີ​ໃຫ້​ມີ​ປະລິມານ​ໜ້ອຍ ລົງ​ແມງ​ໄມ້​ທີ່​ມີ​ປະ​ໂຫຍ​ດ​ເຫລົ່າ​ນີ້​ໄດ້​ແກ່: ​ແຕນ​ບຽນ​ໃນ​ວົງ​ຕະກູນ​ໄທ​ຣ​ໂຄຣ​ແກຣມມາ​ແມງ​ຫາງ​ໜີບ (Proreus simulans stallen) ​ແມງ​ຊ້າງ (Chrysopabasalis walker)Ant hicus ruficollis sand ​ແລ​ະ Formicous braminus La ferte-senectere (​ແມງ​ປິກ​ແຂງ​ໃນ​ວົງ​ຕະກູນ Anthicidae) ​ແລະ ​ແມງ​ມູນ Cyckisa sp.

- Wave100S AD to Website 2020 0 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ

ແມງ​ຫາງ​ໜີບ.

ບົ້ງ​ເຈາະ​ລຳຕົ້ນສາລີ​ຖ້າ​ບໍ່​ລະບາດ​ຮຸນ​ແຮງ​ແທ້ໆ ກໍ​ບໍ່​ຈຳ​ເປັນຕ້ອງ​ໃຊ້​ສານ​ເຄມີ​ໃນ​ການ​ຈຳກັດ​ເນື່ອງ​ຈາກ​ຄວາມ​ເສຍ​ຫາຍ​ທີ່​ເກີດ​ຂຶ້ນນັ້ນມັກ​ຈະ​ເກີດ​ຢູ່​ທີ່​ປາຍ​ຝັກ​ສາລີ ຫລື ສ່ວນ​ຂອງ​ລຳຕົ້ນ ​ໂດຍ​ສະ​ເພາະ​ຫາກ​ການລະບາດ​ເກີດ​ຫລັງ​ຈາກ​ໄລຍະ​ຕິດ​ເມັດ​ຮຽບຮ້ອຍ​ແລ້ວ ​ເຊິ່ງບໍ່​ມີ​ຜົນ​ກະ ທົບ​ຕໍ່​ຜົນ​ຜະລິດ​ຫລາຍ. ​ໃນ​ກໍລະນີ​ທີ່​ສັງ​ເກດ​ເຫັນ​ວ່າ​ມີ​ການລະບາດ​ຫລາຍ​ພໍ​ສົມຄວນ ​ແລະ ມີ​ໂອກາດ​ເກີດ​ຄວາມ​ເສຍ​ຫາຍ​ກໍ​ອາດ​ປ້ອງ​ກັນ​ຄວາມ​ເສຍ​ຫາຍ​ທີ່​ເກີດ​ຂຶ້ນ​ໂດຍ​ມີ​ການ​ປ້ອງ​ກັນ ກຳຈັດ 2 ວິທີ​ຄື:

  • ​ເລືອກ​ແນວ​ພັນ​ສາລີ​ທີ່​ຂ້ອນ​ຂ້າງ​ຕ້ານທານ​ຕໍ່​ບົ້ງ​ເຈາະ​ລຳຕົ້ນ​ເຊ່ັນ: ພັນ​ສຸວັນ 1 ຫລື ພັນ​ສຸວັນ 2.
  • ​ໂດຍ​ທົ່ວ​ໄປ​ໃນ​ສະພາບ​ທຳ​ມະ​ຊາດ​ແມງ​ໄມ້​ສັດຕູ​ທຳ​ມະ​ຊາດ​ທີ່​ຄອຍ​ທຳລາຍ​ບົ້ງ​ເຈາະ​ລຳ ຕົ້ນສາລີ​ໃຫ້​ມີ​ປະລິມານ​ຫລຸດ​ລົງ​ແລ້ວ ບໍ່​ຈຳ​ເປັນ​ຕ້ອງ​ໃຊ້​ສານ​ເຄມີ​ໃນ​ການ​ປ້ອງ​ກັນ​ກຳຈັດ. ນອກຈາກ​ໃນ​ພື້ນທີ ຫລື ບາງ​ລະດູ​ການ​ທີ່​ມີ​ການລະບາດ​ຮຸນ​ແຮງ​ແທ້ໆ ທີ່​ມີ​ຜົນ ກະທົບ​ຕໍ່​ຜົນ​ກະທົບ​ສາລີ​ໄດ້​ໂດຍ​ອາ​ໄສ​ຫລັກການ​ສຳ​ຫລວດ​ກຸ່ມ​ໄຂ່​ຢູ່ສະ​ເໝີ​ໂດຍ​ແມງກະ ​ເບື້ອຈະ​ເລີ່​ມວາງ​ໄຂ່​ຢູ່​ກ້ອງ​ໃບ​ສາລີ​ຕັ້ງ​ແຕ່​ອາຍຸ​ສາລີ​ປະມານ 21 ວັນ ​ເປັນຕົ້ນ​ໄປ​ເມື່ອພົບ ​ເຫັນ​ກຸ່ມ​ໄຂ່​ປະມານ 15 ກຸ່ມ​ຕໍ່ 100 ຕົ້ນ ຫລື ອາຍຸ​ສາລີ​ປະມານ 30-40 ວັນ. ​ເມື່ອ​ພົບ​ຮູ​ທຳລາຍ​ລຳຕົ້ນ 2 ຮູ​ຕໍ່ຕົ້ນ ຫລື ບົ້ງ 2 ​ໂຕ​ຕໍ່ຕົ້ນຈິ່ງ​​ເລີ່​ມ​ໃຊ້​ສານ​ຂ້າ​ແມງ​ໄມ້​ຊ່ວຍ​ປ້ອງ​ການ ກຳຈັດ​ເພາະ​ເມື່ອ​ເຫັນ​ບົ້ງ​ເຂົ້າທຳລາຍ​ພາຍ​​ໃນ​ລຳຕົ້ນ​ແລ້ວ ຈະ​ບໍ່​ມີ​ປະ​ໂຫຍ​ດ​ໃນ​ການ​ໃຊ້ ສານ​ຂ້າ​ແມງ​ໄມ້​ໄປ​ກຳຈັດ​ໂດຍ​ອາດ​ໃຊ້​ສານ​ຂ້າ​ແມງ​ໄມ້​ຊະນິດ​ໃດ​ໜຶ່ງ​ໄດ້​ແກ່: triflumuron (Alsystin 25% WP) ​ໃນ​ອັດຕາ 30 ກຣາມ ຫລື teflubenzuron (Z-killer 5% EC) ​ໃນ​ອັດຕາ 20 ມິນ​ລີ​ລິດ ຫລື chlorfluazuron (Atabron 5% EC) ​ໃນ​ອັດຕາ 20 ມິນລີລິດ ຫລື deltamethrin (Decis 3% EC) ​ໃນ​ອັດຕາ 10 ມິນລີລິດ ຫລື  cyperme-thrin (Ripcord 15% EC) ​ໃນ​ອັດຕາ 8 ມິນ​ລີ​ລິດ/ນ້ຳ 20 ລິດ./.

- 111 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ

(ທ່ານ ສາມາດຕິດຕາມອ່ານບົດກະສິກຳນີ້ໄດ້ທຸກໆ ວັນຈັນ, ພຸດ, ສຸກ)

- WhatsApp Image 2020 05 27 at 5 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ
- WhatsApp Image 2020 05 27 at 5 - ​ວິທີ​ປ້ອງ​ກັນ​ ​ແລະ ກຳຈັດ​ແມງ​ໄມ້​ສັດຕູ​ພືດ​ຂອງ​ສາລີ
error: Alert: ເນື້ອຫາຂ່າວມີລິຂະສິດ !!