ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

- advert banner 728 90 728x90 - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

ລູກເມືອງພວນ

- new3 - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

ເຖິງແມ່ນວ່າ ຈະມີຄວາມຫຍຸ້ງຍາກທາງດ້ານການເງິນການຄຳ ແລະ ຖືກຜູ້ເປັນແມ່ຕິຕຽນຢູ່ຕະຫຼອດເວລາກໍຕາມ, Sanna Marin ກັດແຂ້ວສູ້ຊີວິດບືນຂຶ້ນດ້ວຍຕົນເອງ ຈົນກາຍເປັນນາຍົກລັດຖະມົນຕີ ໜຸ່ມທີ່ສຸດໃນໂລກ ໃນໄວ 34 ປີ.

- c354b5a30 - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

ເມື່ອວັນທີ 8 ທັນວານິ້ໂດຍໄດ້ຮັບແຮງເຊຍ ແລະ ສະໜັບສະໜູນຈາກພັກປະຊາທິປະໄຕສັງຄົມ(SDP)ຊຶ່ງເປັນພັກກວມຫາງສຽງສ່ວນຫຼາຍໃນພັກຮ່ວມລັດຖະບານຂອງ ຟີນແລນ ສະໜັບສະໜູນໃຫ້ເຂົາດຳລົງຕຳແໜ່ງນາຍົກລັດຖະມົນຕີປ່ຽນແທນ ທ່ານ Antti.

ພາຍຫຼັງ ປະທານາທິບໍດີ Sauli Niinistö ຕົກລົງ ໃຫ້ເຂົາດຳລົງຕຳແໜ່ງ ນາຍົກລັດຖະມົນຕີ ໃນວັນທີ 8 ທັນວາທີ່ຜ່ານມາ ເຂົາກໍໄດ້ກາຍເປັນນາຍົກລັດຖະມົນຕີຍິງ ທີ່ໜຸ່ມນ້ອຍທີ່ສຸດໃນໂລກ ໂດຍແຊງໜ້ານາຍົກລັດຖະມົນຕີ ຢູເຄຣນ (Ukraine) Oleksiy Honcharuk ໄວ 35 ປີ.

- dFQROr7oWzulq5FZYjutGfYFhs3z6mbiaX1rB4oeftKEnPw0cpBUSSMkGqVgjmzhoB8 1024x576 - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

“ພວກເຮົາຍັງມີຫຼາຍວຽກທີ່ຈະຕ້ອງໄດ້ເຮັດ ເພື່ອສ້າງຄວາມເຊື່ອໝັ້ນໃຫ້ກັບຄືນມາ. ຂ້ອຍບໍ່ໄດ້ສົນໃຈກັບເລື່ອງອາຍຸກະສຽນ ແລະ ເພດໄວຂອງຕົນແຕ່ຢ່າງໃດ ແຕ່ຫາກຄິດນຳການເຂົ້າສູ່ວົງການການເມືອງຂອງຕົນຫຼາຍກ່ວາ ເພື່ອໃຫ້ໄດ້ຄວາມໄວ້ວາງໃຈຈາກສະມາຊິກສະພາ”(Marin ກ່າວ).

ໃນເພຈ ສ່ວນຕົວຂອງຕົນເອງ Marin ຂຽນວ່າ: ເຂົາເຂົ້າສູ່ວົງການທາງການເມືອງໃນໄວອາຍຸ 20 ເທົ່ານັ້ນ, ພາຍຫຼັງຜ່ານພົ້ນພະຍຸລົມແດງແຫ່ງຊີວິດໃນໄລຍະຜ່ານມາ. ເຂົາເຕີບໃຫ່ຍຂຶ້ນໃນຄອບຄົວ “ສາຍຮຸ້ງ” ຊຶ່ງໄດ້ຮັບການລ້ຽງດູຈາກຜູ້ເປັນແມ່ເປັນຢ່າງດີ.

ຄອບຄົວຂອງເຂົາເປັນຊົນຊັ້ນຊາວຜູ້ອອກແຮງງານໃນຟີນແລນ ດ້ວຍເຮືອນເຊົ່າເຂົ້າຊື້ ທີ່ເມືອງ Espoo, Pirkkala ກ່ອນຈະຍ້າຍໄປຢູ່ Tampere. ແມ່ ແລະ ພໍ່ຂອງເຂົາແຍກທາງກັນແຕ່ເມື່ອນາງຍັງນ້ອຍ ຄອບຄົວຂອງພວກເຂົາປະສົບຄວາມຫຍຸ້ງຍາກທາງດ້ານການເງິນຕະຫຼອດມາ.

ເມື່ອປີ 2015 ຕອບສຳພາດນັກຂ່າວ,Marin ໃຫ້ຮູ້ວ່າ: ເຂົາຮູ້ສຶກວ່າຕົນເອງ ຄືກັບຄົນທີ່ “ບໍ່ມີວິນຍານ”. ເມື່ອຢູ່ໃນໂຮງຮຽນຂ້ອຍກໍບໍ່ໄດ້ເລົ່າເລື່ອງຄອບຄົວຂອງຕົນໃຫ້ໃຜຟັງ, ການທີ່ “ມິດງຽບເປັນສິ່ງອັນຕະລາຍທີ່ສຸດ”. ການທີ່ບໍ່ມີວິນຍານນັ້ນ ໄດ້ເຮັດໃຫ້ຂ້ອຍໝົດຫົນທາງສູ້. ຄອບຄົວຂອງຂ້ອຍ ຖືກສັງຄົມເບິ່ງຂ້າມ ແລະ ບໍ່ມີສິດສະເໝີພາບເທົ່າທຽມກັບຄົນອື່ນໆ. ແຕ່ເມື່ອຍັງນ້ອຍຂ້ອຍເປັນຄົນຂີ້ດຶ້ ແຕ່ໂຊກດີທີ່ບໍ່ຖືກລັງແກ.

- 384562 - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

ເມື່ອອາຍຸໄດ້ 15 ປີ, ເຂົາໄປເປັນຄົນຮັບຈ້າງຢູ່ຮ້ານຂາຍເຂົ້າໜົມແຫ່ງໜຶ່ງໃນໂອກາດພັກຮຽນ ແລະ ໄປຂາຍໜັງສືພິມ ເພື່ອຫາເງິນໃຊ້ຈ່າຍປະຈຳວັນຂອງຕົນເອງ. ໃນເມື່ອສຳເລັດການສຶກສາຊັ້ນມັດທະຍົມປາຍ, ເຂົາກໍໄປ້ເປັນການເງິນຢູ່ຮ້ານຄ້າແຫ່ງໜຶ່ງເປັນເວລາສອງສາມປີ ກ່ອນທີ່ຈະເສັງເຂົ້າຮຽນມະຫາວິທະຍາໄລTampere. ພາຍຫຼັງຈົບມະຫາວິທະຍາໄລແລ້ວ ເຂົາກໍຮຽນຕໍ່ຊັ້ນປະລິນຍາໂທ ສາຂາບໍລິຫານ.

Marin ໃຫ້ຮູ້ວ່າ: ແຕ່ເມື່ອຍັງນ້ອຍ ຕົນເອງຄິດຢູ່ແລ້ວວ່າ ຈະເດີນຕາມເສັ້ນທາງການເມືອງ. “ໃນເມື່ອເວລາຮຽນຢູ່ຊັ້ນມັດທະຍົມປາຍ, ຂ້ອຍເຫັນຜູ້ທີ່ເຮັດວຽກໃນວົງການການເມືອງ ເປັນຄົນແຕກຕ່າງກັບຄົນອື່ນໆ ແລະ ພວກເຂົາກໍມາຈາກຊັ້ນຄົນທີ່ແຕກຕ່າງກັບຕົນເອງ, ເວລານັ້ນ ຂ້ອຍຄິດວ່າຕົນເອງຈະບໍ່ສາມາດເດີນຕາມເສັ້ນທາງການເມືອງໄດ້”

ຜູ້ເປັນແມ່ຂອງເຂົາ ຊຶ່ງເປັນຜູ້ທີ່ໃຫ້ກຳລັງໃຈ ແລະ ລະດົມໃຫ້ເຂົາເກີດຄວາມເຊື່ອໝັ້ນໃນຕົວຕົນເອງ ເພື່ອບືນໃຫ້ໄປເຖິງຝັນ. Marin ໄດ້ຂຽນລົງໃນເວບໄຊ ສ່ວນຕົວຂອງຕົນເອງວ່າ: ສິ່ງທີ່ດຶງດູດໃຫ້ເຂົາເດີນຕາມເສັ້ນທາງການເມືອງກໍຍ້ອນຢາກ “ສ້າງໃຫ້ສັງຄົມຮູ້ເຫັນ ແລະ ມີສິດເສລີພາບເທົ່າທຽມກັນ”

ເມື່ອຢ່າງເຂົ້າສູ່ວົງການການເມືອງໃນໄວອາຍຸ 20 ປີ ເຂົາໄດ້ເຂົ້າຊີງຕຳແໜ່ງເປັນສະມາຊິກສະພານະຄອນTampere ຢູ່ທາງພາກເໜືອຂອງ Helsinki ໃນໄວ 22 ປີ ແຕ່ບໍ່ຕິດ, ເມື່ອເປັນເຊັ່ນນັ້ນ, Marin ກໍບໍ່ໄດ້ທໍ້ຖອຍກຳລັງໃຈແຕ່ຢ່າງໃດ, ຫຼັງຈາກນັ້ນ 5 ປີຕໍ່ມາ ເຂົາກໍຖືກເລືອກໃຫ້ເປັນສະມາຊິກສະພາ ນະຄອນ ແລະ ຍັງຖືກເລືອກໃຫ້ເປັນປະທານສະພານະຄອນອີກດ້ວຍ ໃນໄວອາຍຸ 27 ປີ.

ນັບຕັ້ງແຕ່ຈຸດນີ້ເປັນຕົ້ນມາMarin ກາຍເປັນຄົນທີ່ຮຸ່ງເຮືອງໃນວົງການການເມືອງ. ປີ 2014 ເຂົາຖືກເລືອກໃຫ້ເປັນຮອງປະທານພັກSDP ຜູ້ທີສອງ ແລະ ກໍເຂົ້າໄປຢູ່ໃນສະພາຫຼັງຈາກນັ້ນໜຶ່ງປີ. Marin ເປັນຜູ້ປ່ຽນແທນທ່ານ Rinneເພື່ອນຳພາພັກ ໃນຂະນະທີ່ເຂົາລາພັກປິ່ນປົວສຸຂະພາບຍາວນານ, ຫຼັງຈາກນັ້ນ ເຂົາກໍຖືກແຕ່ງຕັ້ງໃຫ້ເປັນລັດຖະມົນຕີກະຊວງຄົມມະນາຄົມ ໃນເດືອນມີຖຸນາຜ່ານມາ.

- c - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

Marin ເປັນນັກການເມືອງທີ່ບໍ່ມີການປິດລັບເລື່ອງລາວຊີວິດສ່ວນຕົວ. Instagram ສ່ວນຕົວຂອງເຂົາ ເຜີຍແຜ່ການປະຊຸມກ່ຽວກັບເລື່ອງການເມືອງ, ການຢູ່ກັບລູກ ແມ່ນແຕ່ການໄປພັກຜ່ອນສ່ວນຕົວ ແລະ ຢູ່ກັບຜົວ Markus Räikköne ເປັນປະຈຳ

- 01575908840 Thumb - ປະຫວັດຊີວິດຂອງນາຍົກຜູ້ໜຸ່ມນ້ອຍທີ່ສຸດໃນໂລກ

ນອກຈາກ Marin ແລ້ວ, ຢູ່ໃນ 4 ພັກຮ່ວມລັດຖະບານ ກໍລ້ວນແຕ່ເປັນເພດຍິງ, ໃນນັ້ນມີເຖິງ 3 ຄົນທີ່ເປັນເພດຍິງອາຍຸຕໍ່າກ່ວາ 34 ປີ. ອະດີດນາຍົກລັດຖະມົນຕີ ຟີນແລນLan Alexander Stubb ຂຽນລົງໃນ ທະວິດເຕີສ່ວນຕົວ ຕີລາຄາລັດຖະບານ ນຳໂດຍຜູ້ຍິງໜູ່ມນ້ອຍຄົນນີ້ວ່າ: “ທັນສະໄໝ ແລະ ມີຄວາມກ້າວໜ້າ”. “ເຖິງວັນໃດວັນໜຶ່ງ, ເລື່ອງເພດຈະບໍ່ເປັນບັນຫາອີກໃນລັດຖະບານ, ຂໍພຽງແຕ່ເປັນຜູ້ທີ່ຫ້າວຫັນ ແລະ ນຳໜ້າພາທາງເທົ່ານັ້ນ”. “ນາຍົກລັດຖະມົນຕີຂອງ ຟີນແລນ ຄົນນີ້ ມີອາຍຸພຽງ 34 ປີເທົ່ານັ້ນ ແລະ ກຳລັງນຳພາ 5 ພັກຮ່ວມລັດຖະບານລ້ວນແຕ່ເປັນຜູ້ຍິງທັງນັ້ນ. ບັນຫາດັ່ງກ່າວບົ່ງບອກວ່າ ການເມືອງກຳລັງມີການປ່ຽນແປງ”

ໃນຈົດໝາຍສົ່ງເຖິງສະມາຊິກພັກ SDP ໃນວັນທີ 8 ທັນວາ ນັ້ນ, Marin ຂຽນວ່າ: “ບັນຫາໃຈກາງການເມືອງຂອງພັກ SDP ແມ່ນສືບຕໍ່ກໍ່ສ້າງສັງຄົມໃຫ້ມີຄວາມສະເໝີພາບ”.ລັດຖະບານພາຍໃຕ້ການນຳພາຂອງເຂົາ ແມ່ນເລັ່ງໃສ່ຊອກວຽກເຮັດງານທຳໃຫ້ຄົນໃນຊາດ ແລະ ປົກປັກຮັກສາສິ່ງແວດລ້ອມເປັນຫຼັກ.

error: Content is protected !!