ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ

- 665 - ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ
- Untitled design - ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ

    ປັດຈຸບັນ, ຂະບວນການຄ້າມະນຸດໃຕ້ຮູບແບບການແອບແຟງຂອງຄົນຕ່າງປະເທດແຕ່ງງານ ນັບມື້ມີແຜ່ຫລາຍ ແລະ ກາຍເປັນປະກົດການຫຍໍ້ທໍ້ໜຶ່ງໃນສັງຄົມ ເພື່ອຫວັງຕົວະຍົວະຫລອກລວງເອົາຍິງສາວລາວໄປສູ່ຂະບວນການຄ້າມະນຸດ.

    ທ່ານ ພົນໂທ ວິໄລ ຫລ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ໃນປີ ນີ້, ກະຊວງຂອງຕົນ ໄດ້ມີເອກະສານຂໍອະນຸຍາດດຳລົງຊີວິດຂອງຄົນຕ່າງປະເທດຢູ່ລາວຢ່າງຖາວອນ ຈຳນວນ 95 ຊຸດ, ມີ 125 ຄົນ, ເພດຍິງ 29 ຄົນ, ມີ 13 ສັນຊາດ, ໃນນັ້ນໄດ້ອະນຸມັດ 92 ຊຸດ, ຂະນະດຽວກັນ ກໍມີເອກະສານຂໍອະນຸມັດແຕ່ງງານລະຫວ່າງພົນລະເມືອງລາວ ກັບ ຄົນຕ່າງປະເທດ ແລະ ຄົນບໍ່ມີສັນຊາດເກືອບເຖິງ 2 ພັນຄູ່, ໃນນັ້ນ ຂໍແຕ່ງດອງຢູ່ດິນແດນລາວ 493 ຄູ່, ຂໍແຕ່ງດອງຢູ່ນອກດິນແດນ 1.203 ຄູ່, ມີການແຕ່ງງານບໍ່ຖືກຕ້ອງ 101 ຄູ່ ແລະ ການແຕ່ງງານບໍ່ຖືກຕ້ອງຢູ່ລຽບຊາຍແດນ 1.758 ຄູ່. ພ້ອມດຽວກັນນັ້ນ ຍັງໄດ້ກວດພົບຄົນລາວທີ່ຖືກສົ່ງກັບມາຈາກຕ່າງປະເທດກ່ວາ 4 ພັນຄົນ, ເພດຍິງ 1.900 ກ່ວາຄົນ, ໃນນີ້ມີຜູ້ຖືກເຄາະຮ້າຍຈາກການຄ້າມະນຸດຈຳນວນໜຶ່ງ, ເນື່ອງຈາກຖືກຕົວະໃຫ້ແຕ່ງງານກັບຄົນຕ່າງປະເທດ ແລ້ວຕົກເປັນເຫຍື່ອຂອງຂະບວນການຄ້າມະນຸດ.

    ທ່ານ ລັດຖະມົນຕີ ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ສະພາບຄົນຕ່າງປະເທດຈຳນວນໜຶ່ງທີ່ເຂົ້າມາລາວ ແລ້ວສວຍໃຊ້ຊ່ອງຫວ່າງກົດໝາຍເຄື່ອນໄຫວອອກແຮງງານ, ເຮັດທຸລະກິດ ແລະ ປະກອບອາຊີບອື່ນໆແບບບໍ່ຖືກຕ້ອງຕາມກົດໝາຍ, ນອກນັ້ນ ກໍມີການກໍ່ອາດຊະຍາກຳເຊັ່ນ: ອາດຊະຍາກຳທາງຄອມພິວເຕີ, ຄາດຕະກຳ, ຕົວະຕົ້ມຫລອກລວງ, ແອບແຟງແຕ່ງງານກັບຄົນລາວ ນັບມື້ເພີ່ມຂຶ້ນ. ເນື່ອງຈາກລະບົບການຄຸ້ມຄອງພົນລະເມືອງ ໂດຍສະເພາະການເກັບກຳຕົວເລກເຂົ້າ-ອອກເມືອງບໍ່ທັນເປັນລະບຽບ, ພົນລະເມືອງລາວ ແລະ ຄົນຕ່າງປະເທດຈຳນວນໜຶ່ງ ເຂົ້າ-ອອກ ສປປ ລາວ ບໍ່ຜ່ານປະຕູດ່ານ, ພ້ອມນັ້ນ ບາງມີບໍລິສັດຈຳນວນໜຶ່ງ ຮັບປະກັນເອົາຄົນຕ່າງປະເທດເຂົ້າມາແລ້ວບໍ່ມີການຄຸ້ມຄອງ, ປ່ອຍປະໃຫ້ເຂົາເຈົ້າໄປເຄື່ອນໄຫວຊະຊາຍ ແລະ ໜ້າເປັນຫ່ວງກວ່ານັ້ນ ມີບຸກຄົນ, ນິຕິບຸກຄົນ ຢູ່ພາຍໃນ ຈຳນວນໜຶ່ງອຳນວຍຄວາມສະດວກຊ່ວຍເຫລືອ ແລະ ຮັບປະກັນເອົາບຸກຄົນທີ່ມີລາຍຊື່ໃນບັນຊີຫ້າມເຂົ້າ ເພື່ອໃຫ້ໄດ້ເຂົ້າມາ ສປປ ລາວແລ້ວເຄື່ອນໄຫວກະທຳຜິດ, ຕໍ່ສະພາບດັ່ງກ່າວຂະແຫນງການກ່ຽວຂ້ອງພວກເຮົາຈະຕ້ອງໄດ້ເພີ່ມທະວີສະກັດກັ້ນໃຫ້ມີປະສິດທິພາບກ່ວາເກົ່າ.   

- Wave100S AD to Website 2020 0 - ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ
- WhatsApp Image 2020 05 27 at 5 - ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ
- WhatsApp Image 2020 05 27 at 5 - ຂະບວນການຄ້າມະນຸດໃນຮູບແບບແອບແຟງການແຕ່ງງານນັບມື້ຫລາຍຂຶ້ນ
error: Alert: ເນື້ອຫາຂ່າວມີລິຂະສິດ !!