ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ

- 001 - ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ
- Untitled design - ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ

ລັດຖະມົນຕີກະຊວງສາທາລະນະສຸກໄດ້ກ່າວໃນກອງປະຊຸມຄະນະກໍາມະການແຫ່ງຊາດດ້ານໂພຊະນາການປະຈໍາປີ 2019 ໃນວັນທີ 10 ທັນວານີ້ວ່າ: ການປະຕິບັດວຽກງານໂພຊະນາການຢູ່ປະເທດເຮົາໃນໄລຍະຜ່ານມາຍັງມີຫລາຍຕົວຊີ້ວັດມີຄວາມຄືບໜ້າຊ້າ, ຍ້ອນວ່າກົນໄກການປະສານງານໃນວຽກງານດັ່ງກ່າວຂອງແຕ່ລະຂະແໜງການຍັງບໍ່ຈອດກັນດີ.

ທ່ານລັດຖະມົນຕີໃຫ້ຮູ້ວ່າ: ປັດຈຸບັນ, ບັນຫາຫຍຸ້ງຍາກທີ່ພົບເຫັນແມ່ນໂຮງຮຽນຈໍານວນໜຶ່ງຍັງຂາດເຂີນນໍ້າຊະອາດ, ລະບົບສຸຂາອານາໄມບໍ່ດີ, ການຜະລິດກະສິກໍາເພື່ອໂພຊະນາການຂອງປະຊາຊົນຍັງບໍ່ບັນລຸເປົ້າໝາຍກໍານົດໄວ້, ຄວາມຮັບຮູ້ເຂົ້າໃຈຂອງພະນັກງານຢູ່ສູນກາງແລະທ້ອງຖິ່ນຈໍານວນໜຶ່ງຍັງຈໍາກັດ, ຖືເບົາຕໍ່ຄວາມຮັບພິຊອບ, ຂະນະດຽວກັນການຊະໜັບຊະໜູນຈາກອົງການສາກົນແມ່ນປະຕິບັດໄປຕາມນະໂຍບາຍຂອງອົງການທີ່ໃຫ້ທຶນຫລາຍກວ່າການປະຕິບັດຕາມແຜນຍຸດທະສາດແຫ່ງຊາດດ້ານໂພຊະນາການ, ຍ້ອນແນວນັ້ນຈຶ່ງເຮັດໃຫ້ການປະຕິບັດວຽກງານດັ່ງກ່າວ, ໂດຍຊະເພາະການເຝົ້າລະວັງໃນຮອບວຽນທີ 1 ກ່ຽວກັບອັດຕາການຂາດສານອາຫານລວງສູງບໍ່ໄດ້ມາດຕະຖານໃນເດັກອາຍຸ 6 ເດືອນແລະລຸ່ມ 2 ປີຫລຸດຈາກ 25,4% ມາຢູ່ພຽງແຕ່ 24,3%,​ ອັດຕາການຂາດສານອາຫານນໍ້າໜັກຫລຸດມາດຕະຖານໃນເດັກ 6-23 ເດືອນຍັງຢູ່ລະດັບ 20,1%, ອັດຕາການຂາດສານອາຫານກະທັນຫັນແບບຈ່ອຍຢູ່ລະດັບ 9,9% ຊຶ່ງເຫັນວ່າມີອັດຕາສູງສົມຄວນ. ສ່ວນອັດຕາປົກຄຸມການແຈກຢາຍວິຕາມິນ A ໃນເດັກອາຍຸ 6-59 ເດືອນປະຕິບັດໄດ້ພຽງ 67%ຫລຸດຈາກຄາດໝາຍວາງໄວ້ເຖິງ 11%, ອັດຕາການແຈກຢາຍຢາຂ້າແມ່ທ້ອງໃນເດັກອາຍຸແຕ່ 6-59 ເດືອນປະຕິບັດໄດ້ພຽງ 24%ຂອງຄາດໝາຍ,ຂະນະທີ່ອັດຕາການແຈກຢາຍຢາທາດເຫລັກໃຫ້ແມ່ຍິງຖືພາບັນລຸໄດ້ 100%.ຕໍ່ບັນຫາດັ່ງກ່າວ, ທຸກຂະແໜງການທີ່ເປັນຄະນະກໍາມະການແຫ່ງຊາດເພື່ອວຽກງານນີ້ຕ້ອງໄດ້ເພີ່ມທະວີການປັບປຸງກົນໄກປະສານງານໃຫ້ດີກວ່າເກົ່າ, ຫັນເອົາວິຊາການຈາກສູນກາງລົງຊ່ວຍເຫລືອທ້ອງຖິ່ນໃຫ້ຫລາຍເພື່ອຈັດຕັ້ງປະຕິບັດເປົ້າໝາຍສາກົນແລະແຜນຍຸດທະສາດແຫ່ງຊາດເພື່ອໂພຊະນາການຢູ່ປະເທດເຮົາໃຫ້ມີປະສິດທິຜົນແລະບັນລຸເປົ້າໝາຍກໍານົດໄວ້.

- Wave100S AD to Website 2020 0 - ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ
- WhatsApp Image 2020 05 27 at 5 - ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ
- WhatsApp Image 2020 05 27 at 5 - ລັດຖະມົນຕີສາທາຍອມຮັບວຽກໂພຊະນາການເດີນໜ້າຊ້າຍ້ອນກົນໄກການເຮັດວຽກບໍ່ດີເທົ່າທີ່ຄວນ
error: Alert: ເນື້ອຫາຂ່າວມີລິຂະສິດ !!