ເຊກອງສຸມໃສ່ແກ້ໄຂຄວາມທຸກຍາກ

- 00124 - ເຊກອງສຸມໃສ່ແກ້ໄຂຄວາມທຸກຍາກ
- Untitled design - ເຊກອງສຸມໃສ່ແກ້ໄຂຄວາມທຸກຍາກ

      ວັນທີ 11 ທັນວານີ້, ກຳມະບານຮາກຖານພັດທະນາຊົນນະບົດ ແລະ ສະຫະກອນ ພະ​ແນ​ກກະສິກຳ-ປ່າ​ໄມ້​ແຂວງ​ເຊ​ກອງໄດ້ໄຂກອງປະຊຸມໃຫຍ່ຄັ້ງທຳ​ອິດ ຂອງຕົນຂຶ້ນ ທີ່​ເທສະບານ​ແຂວງ ໂດຍການເຂົ້າຮ່ວມຂອງທ່ານ ຄໍາຫວາງ ຈັນທະວົງ ຄະນະບໍລິຫານງານສະຫະພັນກຳມະບານແຂວງ, ມີຄະນະປະທານກຳມະບານຮາກຖານ​ແຂວງເຂົ້າຮ່ວມ​ເປັນ​ຈຳນວນ​ຫລາຍ.

- 79663974 813387902443342 1702461547927830528 o - ເຊກອງສຸມໃສ່ແກ້ໄຂຄວາມທຸກຍາກ

      ​ໃນ​ກອງ​ປະຊຸມທ່ານ ປະທານກຳມະບານຮາກຖານພະ​ແນ​ກດັ່ງກ່າວ ໄດ້ຂຶ້ນຜ່ານບົດສະຫຼຸບການເຄື່ອນ ໄຫວວຽກງານຂອງ​ຕົນໃນໄລຍະ 5 ປີຜ່ານມາ (2015-2019) ແລະ ວາງທິດທາງແຜນການ 5 ປີຕໍ່ໜ້າ (2020-2024) ​ເຊິ່ງໃຫ້ຮູ້ວ່າ: ຕະຫລອດ​ໄລຍະ​ເວລາ​ດັ່ງກ່າວ​ໜ່ວຍ​ງານກໍາມະບານຮາກຖານຂອງຕົນ ​ໄດ້ ເປັນເຈົ້າການຈັດຕັ້ງປະຕິບັດວຽກງານວິຊາສະເພາະຂອງຕົນ ຕິດພັນກັບການສ້າງຂະບວນການຮັກຊາດ ແລະ ພັດທະນາ ດ້ວຍການຜັນຂະຫຍາຍບັນດາມະຕິຕ່າງໆຂອງພັກ, ແຜນພັດທະນາເສດຖະ ກິດ-ສັງຄົມຂອງລັດ, ແຜນການເຄື່ອນໄຫວວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກ​ໃນແຕ່ລະປີເຂົ້າໃນວຽກງານຕົວຈິງ ໂດຍໄດ້ສຸມໃສ່ການກໍ່ສ້າງ ແລະ ຂະຫຍາຍພື້ນຖານໂຄງລ່າງໄປສູ່ເຂດຊົນນະບົດຫ່າງໄກສອກຫຼີກໃຫ້ທົ່ວເຖິງ, ເຕົ້າໂຮມບ້ານນ້ອຍເຂົ້າເປັນບ້ານໃຫຍ່ ແລະ ຈັດສັນພູມລຳເນົາ   ການ ທຳມາຫາກິນຖາວອນ, ​ແລະ ອາຊີບທີ່ໝັ້ນທ່ຽງໃຫ້ແກ່ປະຊາຊົນ, ສ້າງເງື່ອນໄຂ ແລະ ສົ່ງເສີມການຜະລິດເປັນສິນຄ້າ ສ້າງລາຍໄດ້ໃຫ້ແກ່ຄອບຄົວ ເພື່ອ ຍົກລະດັບຊີວິດການເປັນຢູ່ໃຫ້ດີຂຶ້ນ ແລະ ສາມາດຫຼຸດພົ້ນອອກຈາກຄວາມທຸກຍາກ​ໄດ້ເທື່ອລະກ້າວ. ​ເຊິ່ງປັດຈຸບັນທົ່ວແຂວງ ມີບ້ານທຸກຍາກ 51 ບ້ານ ເທົ່າກັບ 25,89% ຂອງບ້ານທັງໝັດ ທຽບໃສ່ປີ 2015 ຫຼຸດລົງ 10 ບ້ານ, ຄອບຄົວທຸກຍາກ 2.077 ຄອບຄົວ ເທົ່າກັບ 8,4% ຂອງຄອບຄົວທັງໝັດ ທຽບໃສ່ປີ 2015 ຫຼຸດລົງ 335 ຄອບຄົວ, ​ແລະ ສ້າງບ້ານພັດທະນາ​ໄດ້ 66 ບ້ານ, ທຽບໃສ່ປີ 2015 ເພີ່ມຂຶ້ນ 10 ບ້ານ./.

- Wave100S AD to Website 2020 0 - ເຊກອງສຸມໃສ່ແກ້ໄຂຄວາມທຸກຍາກ
- WhatsApp Image 2020 05 27 at 5 - ເຊກອງສຸມໃສ່ແກ້ໄຂຄວາມທຸກຍາກ
- WhatsApp Image 2020 05 27 at 5 - ເຊກອງສຸມໃສ່ແກ້ໄຂຄວາມທຸກຍາກ
error: Alert: ເນື້ອຫາຂ່າວມີລິຂະສິດ !!