ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ

- 666 - ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ
- AGL banner - ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ

ລູກເມືອງພວນ

ເມື່ອວັນທີ 11 ທັນວານີ້, ວາລະສານທາມ ໄດ້ປະກາດຊື່ບຸກຄົນແຫ່ງປີຂອງ ທາມ ຊຶ່ງປີນີ້ Greeta Thunberg ເຍົາວະຊົນໄວ 16 ປີ ນັກເຄື່ອນໄຫວເລື່ອງວິກິດການ ການປ່ຽນແປງຂອງດິນຟ້າອາກາດໂລກ ຈາກປະເທດ ສະວິເດັນ ໄດ້ເລືອກໃຫ້ເປັນບຸກຄົນແຫ່ງປີ ປະຈຳປີ 2019 ຈາກວາລະສານ ທາມ.

Greeta Thunberg ມີຊື່ສຽງໂດ່ງດັງຂຶ້ນມາຈາກ ການປະລະ ແລະ ລາອອກຈາກໂຮງຮຽນ ເພື່ອໄປນັ່ງ ຢູ່ທີ່ໜ້າ ອາຄານລັດຖະສະພາ ສະວິເດັນ ໃນກຸງສະຕອກໂຄມ ທຸກວັນ ເພື່ອຮຽກຮ້ອງໃຫ້ ຫຼຸດການປ່ອຍກາກບອນ ໄດອອກຊາຍ ໃຫ້ໄດ້ຕາມຂໍ້ຕົກລົງທີ່ເຄີຍສັນຍາໄວ້ ໂດຍ Greeta Thunberg ຈະນັ່ງຢູ່ຕໍ່ໜ້າອາຄານ ລັດຖະສະພາ ຈົນເຖິງເວລາເລີກຮຽນ ຈື່ງກັບບ້ານ.  ການກະທຳດັ່ງກ່າວຂອງເຂົາໄດ້ກາຍເປັນ ທີ່ຮັບຮູ້ກັນໄປໃນທົ່ວໂລກ ແລະ ກະຕຸ້ນໃຫ້ເຍົາວະຊົນໃນທົ່ວໂລກ ຫັນມາສົນໃຈເລື່ອງການປ່ຽນແປງຂອງດິນຟ້າອາກາດໂລກໃຫ້ຫຼາຍຂຶ້ນ ແລະ ນຳໄປເຖິງການເດີນຂະບວນປະທ້ວງ ຢູ່ໃນຫຼາຍຕົວເມືອງ.

ຄຳຖະແຫຼງຂອງ Greeta Thunberg ໄດ້ເຮັດໃຫ້ຜູ້ນຳໃນທົ່ວໂລກ ຕື່ນສະດຸ້ງຂຶ້ນມາຕາມໆກັນ ຄືເມື່ອຄັ້ງທີ່ Greeta Thunberg ເດີນທາງໄປຮ່ວມກອງປະຊຸມສຸດຍອດ ຂອງການປະຊາມະຕິວ່າ ດ້ວຍການປ່ຽນແປງດິນຟ້າອາກາດ ເມື່ອວັນທີ 23 ກັນຍາຜ່ານມາ ທີ່ສຳນັກງານໃຫ່ຍສະຫະປະຊາຊາດ ນະຄອນນິວຢອກ ສະຫະລັດອາເມລິກາ Greeta Thunberg ໄດ້ປະນາມບັນດາ ຜູ້ນຳໂລກທີ່ຫຼົ້ມເຫຼວ ໃນການຈັດການກັບການປ່ຽນແປງຂອງສະພາບດິນຟ້າອາກາດ ແລະ ທໍລະຍົດຄົນຮຸ່ນໃໝ່ ດ້ວຍການທີ່ບໍ່ສາມາດ ຄວບຄຸມການປ່ອຍ ກາສເຮືອນແກ້ວໄດ້ ອີກທັງກ່າວວ່າ:  ພວກຜູ້ໃຫ່ຍເວົ້າແຕ່ເລື່ອງເງິນຄຳ ແລະ ການເຕີບໂຕທາງເສດຖະກິດ ທີ່ບໍ່ມີຍາມສິ້ນສຸດນັ້ນ ມັນດີຢ່າງໃດ?

- lattana banner - ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ
-    AD conten website - ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ
- lattana banner 1 - ສາວນ້ອຍ Greeta Thunberg ໄດ້ຮັບເລືອກໃຫ້ເປັນ ບຸກຄົນແຫ່ງປີ ຂອງ ວາລະສານ ທາມ
error: Alert: ເນື້ອຫາຂ່າວມີລິຂະສິດ !!