ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021

- 44 1 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021
- AGL banner - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021

     ຣີຄອມ​ໂພສ (Recompose) ສະຖານ​ທີ່ຮັບ​ເຮັດ​ສົບ​ຄົນ​ຕາຍ​ແນວ​ໃໝ່ ​ເຊິ່ງ​ໃຊ້​ວິທີ​ປ່ອຍ​ໃຫ້​ຮ່າງ​ຜູ້​ເສຍ​ຊີວິດ​ຍ່ອຍ​ສະຫລາຍ​ໄປ​ເອງ​ຕາມ​ທຳ​ມະ​ຊາດ​ແທນ​ທີ່​ຈະ​ຝັງ ຫລື ​ຈູດ ປະກາດ​ກຽມ​ຈະ​ເປີດ​ໃຫ້​ບໍລິການ​ເປັນ​ແຫ່ງ​ທຳ​ອິດ​ຂອງ​ໂລກ​ໃນ​ອີກ​ປະມານ​ໜຶ່ງ​ປີ​ຕໍ່ໜ້າ ຫລັງ​ຈາກ​ລັດ​ວໍ​ຊິງ​ຕັນ​ຂອງ​ອາ​ເມ​ລິ​ກາ ຜ່ານ​ກົດໝາຍ​ອະນຸຍາດ​ໃຫ້​ໃຊ້​ວິທີ​ນີ້​ໃນ​ການ​ກຳຈັດ​ສົບ​ຄົນ​ຕາຍ​ໄດ້.

- 114 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021

     ຂໍ້​ກົດໝາຍ​ເບື້ອງຕົ້ນຈະ​ມີ​ຜົນ​ບັງຄັບ​ໃຊ້​ໃນ​ເດືອນ​ພຶດສະພາ​ 2020 ​ແລະ ​ເປີດ​ທາງ​ໃຫ້​ບໍລິສັດ​ຂອງ​ນາງ ​ແຄ​ດຣິນາ ສະ​ເປ​ກ ຜູ້​ບໍລິຫານຣີຄອມ​ໂພສ ​ເຊິ່ງຖື​ເປັນ​ກິດຈະການ​ເພື່ອ​ຜົນ​ປະ​ໂຫຍ​ດສາທາລະນະ ສາມາດ​ເລີ່​ມ​ໃຫ້​ບໍລິການ​ຮັບ​ເຮັດ​ສົບ​ຄົນ​ຕາຍ​ດ້ວຍ​ການ​ໝັກ​ໃຫ້​ເປັນ​ປຸ໋ຍມະນຸດ​ໄດ້​ຢ່າງ​ຖືກຕ້ອງ​ຕາມ​ກົດໝາຍ ຫລັງ​ຈາກ​ນາງກະກຽມ​ມາ​ກ່ອນ​ໜ້າ​ນີ້​ແລ້ວ​ຫລາຍ​ປີ.

    ສະຖານ​ທີ່​ຮັບ​ເຮັດ​ສົບ​ຄົນ​ຕາຍ​ແບບ​ພິ​ເສດ​ນີ້​ຈະຕັ້ງຢູ່​ນະຄອນ​ຊີ​ແອດ​ເທິ​ລຂອງ​ອາ​ເມ​ລິ​ກາ ​ໂດຍ​ຈະ​ໃຫ້​ບໍລິການ​ໝັກ​ຊາກ​ສົບ​ໃຫ້​ຍ່ອຍ​ສະຫລາຍ​ກາຍ​ເປັນ​ດິນ​ປຸ໋ຍຢ່າງ​ດີ ​ເໝາະ​ສຳລັບ​​ເອົາ​ໄປ​ຫົດສວນ ​ແລະ ປູກຝັງ ​ເຊິ່ງທາງ​ບໍລິສັດຣີຄອມ​ໂພສ​ເອີ້ນ​ຂະ​ບວນການ​ດັ່ງກ່າວ​ວ່າ: “ການ​ປະກອບ​ສ້າງ​ໃໝ່” (Recomposition) ​ແລະ “ການ​ຫລຸດ​ຮູບ​ແບບ​ອິນ​ຊີ​ຕາມ​ທຳ​ມະ​ຊາດ” (Natural organic reduction).

     ກ່ອນ​ເອົາ​ສົບ​ເກັບ​ໄວ້​ໃນ​ບ໊ອກຮູບ​ຫົກ​ຫລ່ຽມ​ທີ່​ສ້າງ​ໃຫ້​ນຳ​ກັບ​ມາ​ໃຊ້​ໃໝ່​ໄດ້ ຈະ​ມີ​ການ​ຖົມ​ຮ່າງ​ຂອງ​ຜູ້​ເສຍ​ຊີວິດ​ດ້ວຍ​ເສດ​ໄມ້​ຝັກ​ເປັນອັນ​ນ້ອຍໆ​ໃນ​ສະພາບ​ທີ່​ປ່ອຍ​ໃຫ້​ອາກາດ​ຜ່ານ​ໄດ້​ສະດວກ ​ເພື່ອ​ໃຫ້​ເກີດ​ສະພາບ​ແວດ​ລ້ອມ​ທີ່​ເໝາະ​ສົມ​ກັບ​ການ​ເຕີບ​ໃຫຍ່​ຂອງ​ຈຸລິນ​ຊີ ​ແລະ ​ແບກ​ທີ​ເຣຍທີ່​ເປັນ​ປະ​ໂຫຍ​ດ​.

     ​ເມື່ອ​ຄົບ​ກຳນົດ​ທີ່​ຮ່າງ​ຜູ້​ຕາຍ​ໄດ້​ຍ່ອຍ​ສະຫລາຍ​ລົງ​ຢ່າງ​ສົມບູນ ​ເຊິ່ງຄາດ​ວ່າ​ໃຊ້​ເວລາ​ປະມານ 30 ວັນ, ຍາດ​ພີ່ນ້ອງ​ຈະ​ສາມາດ​ນຳ​ເອົາ​ດິນ​ປຸ໋ຍທັງ​ໝົດ ຫລື ບາງ​ສ່ວນ​ທີ່​ໄດ້​ຈາກ​ການ​ໝັກ​ສົບ​ໄປ​ໃຊ້​ປູກ​ຕົ້ນ​ໄມ້ ​ແລະ ປູກ​ຜັກ​ໄດ້ ​ໂດຍ​ຈະ​ມີ​ດິນ​ປຸ໋ຍ​ເກີດ​ຂຶ້ນປະມານ 1 ພັນກິ​ໂລກຣາມ​ຕໍ່​ການ​ຍ່ອຍ​ສະຫລາຍ​ສົບ 1 ຄົນ ​ແລະ ຖ້າ​ຍັງ​ມີ​ດິນ​ທີ່​ເຫລືອ​ຫລັງ​ຈາກ​ມອບ​ໃຫ້​ຍາດ​ພີ່ນ້ອງ​ຂອງ​ຜູ້​ຕາຍ​ຢູ່​ອີກ ທາງ​ບໍລິສັດ​ຈະ​ນຳ​ໄປ​ໃຊ້​ປະ​ໂຫຍ​ດ​ໃນ​ການ​ອະນຸລັກ​ທຳ​ມະ​ຊາດ​ຕໍ່​ໄປ.

- Wave100S AD to Website 2020 0 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021

     ວິທີ​ການ​ແບບ​ນີ້​ຖື​ວ່າ​ເປັນ​ມິດ​ຕໍ່​ສິ່ງ​ແວດ​ລ້ອມ​ຫລາຍ​ກວ່າ​ການ​ສັກ​ນ້ຳຢາ​ໃຫ້​ສົບ​ແລ້ວ​ໃສ່​ໂລງ​ຝັງ​ດິນ ຫລື ວິທີ​ຊາ​ປະ​ນາ​ກິດ​ທີ່​ຕ້ອງ​ມີ​ການ​ຈູດ​ສິ້ນ​ເປືອງພະລັງງານ ທັງ​ຍັງ​ປ່ອຍ​ກາກ​ບອນ​ໄດ​ອົກ​ໄຊ​ອອກ​ສູ່​ຊັ້ນບັນຍາກາດ​ໃນ​ປະລິມານ​ມະຫາສານ.

     ທາງ​ບໍລິສັດ​ຄາດ​ຄະ​ເນ​ວ່າ: ຜູ້​ໃຊ້​ບໍລິ​ການ​ຍ່ອຍ​ສະຫລາຍ​ສົບ​ແບບ​ທຳ​ມະ​ຊາດ 1 ຄົນ ຈະ​ຊ່ວຍ​ຫລຸດ​ປະລິມານ​ການ​ປ່ອຍ​ກາກ​ບອນ​ລົງ​ໄດ້​ເຖິງ 1 ​ໂຕນ ​ໂດຍ​ຕ້ອງ​ເສຍ​ຄ່າ​ໃຊ້​ຈ່າຍ​ປະມານ 5.500 ​ໂດ​ລາ​ສະຫະລັດ.

- WhatsApp Image 2020 05 27 at 5 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021
- WhatsApp Image 2020 05 27 at 5 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021
- WhatsApp Image 2020 05 27 at 5 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021
- WhatsApp Image 2020 05 27 at 5 - ສະຖານ​ທີ່​ເຮັດ​ສົບຄົນ​ຕາຍ​ໃຫ້​ເປັນ​ປຸ໋ຍ​ແຫ່ງ​ທຳ​ອິດ​ຂອງ​ໂລກກຽມ​ເປີດ​ໃຫ້​ບໍລິການ​ໃນ​ປີ 2021
error: Alert: Content is protected !!