ສະຫລຸບ 16 ສະໂມສອນ ເຂົ້າຮອບນ໊ອກເອົາ ຢູຟາ ແຊມປ້ຽນລີກ ຈັບສະຫລາກ 16 ທັນວານີ້

- advert banner 728 90 728x90 - ສະຫລຸບ 16 ສະໂມສອນ ເຂົ້າຮອບນ໊ອກເອົາ ຢູຟາ ແຊມປ້ຽນລີກ ຈັບສະຫລາກ 16 ທັນວານີ້

     ການ​ແຂ່ງຂັນ​ເຕະບານ ຢູຟາ ​ແຊມ​ປ້ຽນລີກ (UCL)  ລະດູ​ການ 2019-20 ຮອບ​ແບ່ງ​ກຸ່ມ​ໄດ້​ສຳ​ເລັດ​ເມື່ອ​ວັນ​ທີ 10 ​ແລະ 11 ທັນວາ​ນີ້ ​ໄດ້ 16 ທີ​ມສຸດ​ທ້າຍ ​ເຊິ່ງການ​ຈັບ​ສະຫລາກ​ຮອບ 16 ທີ​ມ​ແບ່ງ​ເປັນ 2 ​ໂຖ, ​ໂຖ​ທີ 1 ​ແມ່ນ​ທີ​ມທີ່​ເປັນ​ທີ​ໜຶ່ງ​ຂອງ 8 ກຸ່ມ ​ແລະ ​ໂຖ​ທີ 2 ​ແມ່ນ​ທີ​ມທີ່​ເປັນ​ທີ​ສອງ​ຂອງ 8 ກຸ່ມ. ໝາຍວ່າ​ທີ​ໜຶ່ງ​ຂອງ​ແຕ່​ລະ​ກຸ່ມ​ບໍ່​ພົບ​ກັນ​ເດັດຂາດ​ໃນ​ຮອບ 16 ທີ​ມ ​ແລະ ທີ​ສອງ​ຂອງ​ແຕ່​ລະ​ກຸ່ມ​ກໍ​ຈະ​ບໍ່​ພົບ​ກັນ​ໃນ​ຮອບ 16 ທີ​ມ ລວມ​ໄປ​ເຖິງ​ທີ 1 ​ແລະ ທີ 2 ຂອງ​ກຸ່ມ​ດຽວ​ກັນ​ຮອບ​ແບ່ງ​ກຸ່ມ​ຜ່ານ​ມາ​ກໍ​ຈະ​ບໍ່​ພົບ​ກັນ​ໃນ​ຮອບ 16 ທີ​ມ. ພ້ອມ​ກັນ​ນີ້ ທີ​ມສັນຊາດ​ດຽວ​ກັນ​ກໍ​ຈະ​ບໍ່​ພົບ​ກັນ​ເດັດຂາດ. ຕົວຢ່າງ: ທີ​ມຈາກ​ອັງກິດ ​ແລະ ​ແອັສປາຍ ທີ່​ເຂົ້າມາ​ຮອບ​ນີ້​ປະ​ເທດ​ລະ 4 ທີ​ມ.

- new3 - ສະຫລຸບ 16 ສະໂມສອນ ເຂົ້າຮອບນ໊ອກເອົາ ຢູຟາ ແຊມປ້ຽນລີກ ຈັບສະຫລາກ 16 ທັນວານີ້

     ​ໂຖ​ທີ 1 ​ແມ່ນ​ທີ​ມທີ່​ເປັນ​ທີ​ໜຶ່ງ​ຂອງ 8 ກຸ່ມ​ປະກອບ​ມີ: ປາຣີສ ​ແຊງ-​ແຊກ​ແມງ, ບາ​ເຢິນ ມິ​ວນິກ, ​ແມນ​ເຊັສ​ເຕີ ຊິ​ຕີ້, ຢູ​ເວນ​ຕຸ​ສ, ລິ​ເວີ​ພູລ, ບາ​ເຊ​ໂລ​ນາ, ​ອາຣ​ແບ​ໄລ​ຊິກ ​ແລະ ບາ​ເລັນ​ເຊຍ. ​ໂຖ​ທີ 2 ​ແມ່ນ​ທີ​ມທີ່​ເປັນ​ທີ​ສອງ​ຂອງ 8 ກຸ່ມ​ປະກອບ​ມີ: ຣີລ ມາດຣິດ, ສະ​ເປີ, ອັດຕາ​ລັນ​ຕ້າ, ​ແອັດ​ເລ​ຕິ​ໂກ້ ມາດຣິດ, ນາ​ໂປ​ລີ, ດັອດມູນ, ລີ​ຢົງ ​ແລະ ​ເຊ​ລຊີ.

     ການ​ຈັບ​ສະຫລາກ​ຮອບ 16 ທີ​ມຈະ​ມີ​ຂຶ້ນ​ໃນ​ວັນ​ທີ 16 ທັນວາ​ນີ້ ທີ່​ສຳນັກງານ​ໃຫຍ່​ສະຫະພັນ​ບານ​ເຕະ​ເອີຣົບ ຢູ່​ເມືອງ​ນີອົງ ປະ​ເທດ​ສະ​ວິດ​ເຊີ​ແລນ ​ເວລາ 18:00 ​ໂມງ ຕາມ​ເວລາ​ໃນ​ປະ​ເທດ​ລາວ ​ແລະ ການ​ແຂ່ງຂັນ​ຮອບ 16 ທີ​ມ ນັດ​ທີ 1 ຈະ​ແຂ່ງຂັນ​ໃນ​ວັນ​ທີ 18-19 ​ແລະ 25-26 ກຸມພາ 2020, ນັດ​ທີ 2 ຈະ​ແຂ່ງຂັນ​ໃນ​ວັນ​ທີ 10-11 ​ແລະ 17-18 ມີນາ 2020.

error: Content is protected !!