ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

- 2214 - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ
- Untitled design - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

​ໂດຍ: ທິດ​ກ່ຳ

ປະທານ ​ໄກສອນ ພົມວິຫານ ​ເປັນ​ຜູ້ນຳ​ທີ່ຢູ່​ໃນ​ດວງ​ໃຈ​ຂອງ​ປວງ​ຊົນ​ລາວ​ທັງຊາດ. ພາລະກິດ​ອັນ​ສຳຄັນ​ຍິ່ງ​ໃຫຍ່​ຂອງ​ເພິ່ນ​ກໍ​ແມ່ນ​ເປັນ​ຜູ້ນຳ​ພາ​ການ​ປະຕິວັດລາວ​ຮ່ວມ​ກັບ​ຜູ້ນຳ​ອື່ນໆ ຈົນ​ໄດ້​ຮັບ​ໄຊຊະນະ​ນັບ​ແຕ່​ມື້​ເລີ່​ມຕົນ​ຈົນ​ມາ​ຮອດ​ຊີວິດບັ້ນທ້າຍ​ຂອງ​ເພິ່ນ​ເອງ.

- aHR0cHM6Ly9zLmlzYW5vb2suY29tL2xhLzAvdWQvOC80MzU2My80MzU2My5qcGc - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

       ພາຍຫລັງ​ປະ​ເທດ​ຊາດ​ໄດ້​ຮັບ​ການ​ປົດ​ປ່ອຍ​ຢ່າງ​ສົມບູນ​ເພິ່ນ​ໄດ້​ເປັນ​ເລ ຂາ​ທິການ​ໃຫຍ່​ຂອງ​ພັກ​ປະຊາຊົນ​ປະຕິວັດ​ລາວ, ​ເປັນ​ນາຍົກລັດຖະມົນຕີ ​ແລະ ​ເປັນ​ປະທານ​ປະ​ເທດ​ໃນ​ເວລາ​ຕໍ່​ມາ​ຂອງ​ຍຸກ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ.

- description 8074 - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

       ​ໃນ​ບັນດາ​ຜູ້ນຳ​ທີ່​ເປັນ​ກົມ​ການ​ເມືອງ​ຮຸ້ນ​ທຳ​ອິດ​ຂອງ ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ປະທານ​ໄກສອນ ພົມວິຫານ ​ເປັນ​ຜູ້ນຳ​ທີ່​ທິດ​ກ່ຳ ​ໄດ້​ສຳ​ພັດ​ໃກ້​ສິດ​ຫລາຍ​ກວ່າ​ທ່ານ​ອື່ນໆ ທັງ​ໄດ້​ຟັງ​ຄວາມ​ຄິດ​ເຫັນ​ການ​ໂອ້​ລົມ​ເວົ້າວ່າ​ໃນ​ພິທີການ​ໃຫຍ່ໆ​ຫລາຍ​ຄັ້ງ ​ແລະ ນອກຈາກ​ນັ້ນ, ຍັງ​ສຳ​ພັດ​ສ່ວນ​ຕົວ   ​ແບບ​ເປັນ​ກັນ​ເອງ​ຈຶ່ງ​ສາມາດ​ຮູ້​ເຫັນ​ໄດ້​ເຖິງ​ອຸດົມ​ການ​ທີ່​ເພິ່ນ​ໄດ້​ລະບາຍ​ຄວາມ​ຮູ້ສຶກ​ໃນ​ໃຈ​ເລົ່າ​ສູ່​ທິດ​ກ່ຳ​ຟັງ​ກໍ​ແມ່ນ​ມີ​ຢູ່ 2 ຢ່າງ​ສຳຄັນ​ຄື: ອັນ​ທີ​ໜຶ່ງ ​ເພິ່ນ​ຢາກ​ສ້າງ​ປະ​ເທດ​ລາວ​ເປັນ​ໝໍ້​ໄຟ​ໃນ​ອາຊີ​ອາຄະ​ເນອຸດົມ​ການ​ອັນ​ທີ​ສອງ ກໍ​ແມ່ນ​ຕ້ອງການ​ສ້າງ​ນະຄອນຫລວງ​ວຽງ​ຈັນ​ໃຫ້​ເປັນ​ມະຫາ​ນະຄອນ​ທີ່​ສວຍ​ງາມ​ຕາມ ພົງສາວະດານ​ໄດ້​ກ່າວ​ໄວ້​ຄື: ນະຄອນ​ສີ​ສັດຕະ​ນາດ​ຄະນະ​ຫຸດອຸດຕະມະຣະຊາ ທານີສີ​ສຸ​ທຳ​ມະ​ວິສຸດ​ພິ​ເສກ​ນະຄະ​ເຣດພູມິ​ນສິນ​ນະ​ສີ​ສະ​ດານ​ສຸວັນນະ​ເກດ​ປາ ນະ​ເຣດມະ​ເຫ​ສາ​ວັກ​ພະນະ​ຄອນ​ເຊິ່ງທາງ​ທິດ​ເໜືອ​ຕັ້ງ​ແຕ່​ຕີນ​ພູ​ພະ​ລຽບ​ຕາມ​ພູ ​ເຂົາ​ຄວາຍ​ດ້ານ​ຕາ​ເວັນ​ອອກ​ຍາວ​ໄປ​ຮອດ​ທິດ​​ໃຕ້​ເມືອງ​ປາກ​ຊື່​ມ​ເລາະ​ຕາມ​ແມ່ ນ້ຳຂອງ​ເປັນ​ເຂ​ດດ້ານ​ຕາ​ເວັນ​ຕົກ​ໂດຍ​ມີ​ແມ່ນ້ຳງື່ມ​ໄຫລ​ຜ່ານ​ໃຈກາງ​ນະຄອນ ຫລວງ​ວຽງ​ຈັນ.

- 61dWHWUFfXL - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

       ຕາມ​ທິດ​ກ່ຳວ່າ, ​ໃນ​ອຸດົມ​ການ​ຂອງ​ເພິ່ນ​ສິ່ງ​ທີ່​ເກີດ​ເປັນ​ຈິງ​ຂຶ້ນມາ​ໃຫ້​ເຫັນ   ນັ້ນຄື​ໝໍ້​ໄຟ​ອາ​ຊຽນປັດຈຸບັນ​ລັດຖະບານ​ເຮົາ​ມີ​ໂຄງການ​ສ້າງ​ເຂື່ອນ​ໄຟຟ້າ​ພະລັງ​ນ້ຳ, ພະລັງ​ຖ່ານ​ຫີນ ​ແລະ ​ແສງ​ອາທິດ​ຫລາຍ​ກວ່າ 60 ກວ່າ​ໂຄງການ. ປັດຈຸບັນ, ​ໄດ້​ມີ​ຫລາຍ​ແຫ່ງ​ໄດ້​ສຳ​ເລັດ​ເປີດ​ນຳ​ໃຊ້​ຂາຍ​ໃຫ້​ປະ​ເທດ​ອ້ອມ​ຂ້າງ​ໄປ ​ແລ້ວ​ຈຳນວນ​ບໍ່​ໜ້ອຍ​ເມື່ອ​ກ້າວ​ໄປ​ຮອດ​ປີ 2025 ​ໂຄງການ​ສ້າງ​ເຂື່ອນ​ໄຟຟ້າ ທຸກ​ແຫ່ງ​ກໍ​ຈະ​ສຳ​ເລັດ​ຕາມ​ແຜນ​ທີ່​ໄດ້​ຄາດກະ​ເອົາ​ໄວ້.

       ສ່ວນ​ວ່າການ​ສ້າງ​ວຽງ​ຈັນ​ເປັນ​ມະຫາ​ນະຄອນ​ນັ້ນກໍ​ໃກ້​ຈະ​ເປັນຄວາມ ຈິງ​ຂຶ້ນມາ​ແລ້ວ​​ເພາະວ່າ​ໃນ​ປັດຈຸບັນ​ມີ​ຫລາຍ​ສຳນັກງານ​ອົງການ​ໄດ້​ຂະຫຍັບ ຂະຫຍາຍ​ອອກ​ໄປ​ແຖວ​ນອກໆ ​ໃນ​ຂອບ​ເຂດ​ຕົວ​ເມືອງ​ຕ່າງໆ ທີ່​ຂຶ້ນກັບ​ນະຄອນ ຫລວງ​ວຽງ​ຈັນ ​ແລະ ສ່ວນ​ໜຶ່ງ​ຂອງ​ແຂວງ​ວຽງ​ຈັນ ກໍ​ມີ​ການ​ສ້າງສາ​ພັດທະ ນາ​ຈະ​ເລີ​ນຮຸ່ງ​ເຮືອງ​ກັນ​ໄປ​ໝົດ​ແລ້ວ​ຄາດ​ວ່າ​ອີກ 100 ປີ​ຫລື 200 ປີ​ຂ້າງ​ໜ້າ ນະຄອນຫລວງ​ວຽງ​ຈັນ​ກໍ​ຈະ​ເປັນ​ມະຫາ​ນະຄອນ​ຢ່າງ​ແນ່ນອນ.

- Wave100S AD to Website 2020 0 - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ

       ນີ້​ຄື​ຄວາມ​ໃນ​ໃຈ​ຂອງ​ຜູ້ນຳ​ທີ່​ເພິ່ນ​ມີ​ວິ​ໄສ​ທັດ​ໄວ້​ລ່ວງ​ໜ້າ​ຕໍ່​ອະນາຄົດ​ຂອງ​ບ້ານ​ເມືອງ, ຕາມ​ທິດ​ກ່ຳ​ຄິດ​ມາ​ເຖິງ​ຍຸກ​ນີ້​ແມ່ນ​ເຖິງ​ບັ້ນ​ເຖິງ​ຄາວ​ບ້ານ​ເມືອງ​ຈະ ​ເລີ​ນ​ແລ້ວ. ມັນ​ຖືກຕ້ອງ​ສອດຄ່ອງ​ກັບ​ພື້ນ​​ແຜ່ນ​ຕຳນານ, ສິນ​ທຳ​ລຳມະ​ສ​ູດທີ່ ​ໄດ້​ກ່າວ​ໄວ້​ໃນ​ຕຳ​ຫລັກ​ຕຳລາ​ເປັນຕົ້ນຄື: ມ້າ​ປົ່ງ​ເຂົາ, ​ເສົາ​ອອກດອກ, ຍຸກ​ຫູ ທິບ​ຕາ​ທິບ, ທາງ​ສິບ​ຄືນ​ຊາວ​ຄືນ​ໄປ​ພຽງ​ຄາວ​ມື້, ບ້າງ​ເຈົ້າບ້າງ​ປາງ​ລາດ​ຊະ​ວົງ​ຂົງ​ເຂດ​ແດນ​ລາວ​ຄົນ​ລາວ​ຊິ​ເປັນ​ເຈົ້າ, ​ໃຜ​ວ່າ​ເມືອງ​ລາວ​ເສົ້າ​ເຊົາ​ເດີ​ຢ່າ ຟ້າວ​ວ່າ, ມັນ​ຊິ​ໂປ້​ບາດ​ຫລ້າ​ໝາກ​ແຕ່ງ​ຊ້າງ​ໜ່ວຍ​ປາຍ.

​       ​ໃນ​ອະນາຄົດ​ຂ້າງ​ໜ້າ​ປະ​ເທດ​ລາວ​ລ້ານ​ຊ້າງ​ຂອງ​ພວກ​ເຮົາ​ຍິ່ງ​ຈະ​ມີ​ ຄວາມ​ຈະ​ເລີ​ນຮຸ່ງ​ເຮືອງ​ໄປ​ໜ້າ​ເລື້ອຍໆ​ອາດ​ຈະ​ຢ້ອນ​ຍຸກ​ຕາມ​ຮອຍ​ພະ​ເຈົ້າຟ້າ ງຸ່ມ​ມະຫາລາດ, ​ເຈົ້າ​ໄຊ​ເສດ​ຖາ​ທິລາດ, ​ເຈົ້າສຸລິຍະ​ວົງສາ​ທຳ​ມິ​ກະລາດ​ຈະ​ເລີ​ນ   ຮຸ່ງ​ເຮືອງ​ດ້ວຍ​ອະລິຍະ​ທຳ, ວັດທະນະທຳ​ຕາມ​ອັດ​ຕະລັກ​ຂອງ​ຄົນ​ລາວ​ຢ່າງ​ ແທ້ຈິງ.

       ພຽງ​ຊ່ວງ​ໄລຍະ 40 ກວ່າ​ປີ​ມາ​ນີ້, ການ​ສ້າງສາ​ພັດທະນາ​ປະ​ເທດ​ຊາດ ​ໄດ້​ມີ​ຄວາມ​ຈະ​ເລີ​ນກ້າວ​ກຸ່ງຮຸ່ງ​ເຮືອງ​ໄດ້​ສ່ຳ​ນີ້​ກໍ​ຖື​ວ່າ​ເປັນ​ບຸນ​ຕາ​ຍັງ​ດີ​ລື່ນ​ກວ່າ ຍຸກ​ລ້ານ​ຊ້າງ​ຕອນ​ປາຍ ​ແລະ ຍຸກ​ສົງຄາມ​ເຢັນ​ໃນ​ລະບອບ​ສັກ​ດີ​ນາ​ປົກຄອງ ບ້ານ​ເມືອງ​ມາ​ເປັນ​ເວລາ 200 ກວ່າ​ປີ. ​ເມື່ອ​ຕັ້ງ​ໂຈດ​ກັນ​ວ່າ​ທຸກ​ສິ່ງ​ທຸກ​ຢ່າງ ​ໄດ້​ມາ​ຍ້ອນ​ຫຍັງ? ຍ້ອນ​ພວກ​ເຮົາ​ມີ​ຜູ້ນຳ​ທີ່​ເກັ່ງ, ທີ່​ດີ, ມີ​ຄວາມ​ຮູ້​ຄວາມ​ສາມາດ​ມີ ​ໄຫວ​ພິບ, ມີ​ຄວາມ​ສະຫລາດ​ຫລັກ​ແຫລມ ​ແລະ ມີ​ຄວາມ​ຈົງ​ຮັກ​ພັກດີ​ຕໍ່​ປະ​ເທດ ຊາດ​ບ້ານ​ເມືອງ​ໂດຍ​ສະ​ເພາະ​ແມ່ນ​ປະທານ​ໄກສອນ ພົມວິຫານ ​ເປັນ​ຜູ້ນຳ​ໃນ​ຍຸກ​ພິກ​ປິ້ນປະຫວັດສາດ​ຈາ​ກລະບອບ​ສັກ​ດີ​ນາ​ກ້າວ​ສູ່​ລະບອບ ປະຊາທິປະ​ໄຕ ປະຊາຊົນ ​ເປັນ​ສາທາລະນະ​ລັດ ປະຊາທິປະ​ໄຕ ປະຊາຊົນ​ລາວ ມາ​ຮອດ​ປັດ     ຈຸບັນ.

       ​ເພາະ​ສະນັ້ນ, ຈຶ່ງ​ເວົ້າ​ໄດ້​ວ່າ​ປະທານ​ໄກສອນ ພົມວິຫານ ​ເປັນ​ຜູ້ນຳ​ທີ່​ຍິ່ງ ​ໃຫຍ່​ຂອງ​ຊາດ​ລາວ​ໃນ​ຍຸກ​ໜຶ່ງ​ທີ່​ຈາລຶກ​ໃນ​ປະຫວັດສາດ, ​ເພິ່ນ​ເປັນ​ຜູ້ນຳ​ທີ່​ຊົງ ​ເຄົາລົບ​ນັບຖື​ຂອງ​ປວງ​ຊົນ​ລາວ​ທັງ​ຊາດ. ກວ່າ​ປະ​ເທດ​ຊາດ​ບ້ານ​ເມືອງ​ຈະ​ມີ ຄວາມ​ເປັນ​ມາ​ຄື​ດັ່ງທຸກ​ວັນ​ນີ້​ປະທານ​ໄກສອນ ພົມວິຫານ ຜູ້​ຫົວ​ຫອກ​ເສົາຄ້ຳ ຮ່ວມ​ກັບ​ຜູ້ນຳ​ອື່ນໆ ​ໄດ້​ອຸທິດ​ສະຕິ​ປັນຍາ, ​ເສຍສະຫລະ​ທັງ​ນຳພາການ​ຕໍ່ສູ້ປະຕິ​ວັດ ປະ​ເທ​ດຊາດ​ບ້ານ​ເມືອງ​ຂອງ​ພວກ​ເຮົາ ຈຶ່ງ​ໄດ້​ຫລຸດ​ພົ້ນອອກຈາກ​ການ​ເປັນ ຫົວ​ເມືອງ​ຂຶ້ນ, ມີ​ເອກະລາດ, ອິດສະຫລະພາບ ​ແລະ ຈະ​ເລີ​ນຮຸ່ງ​ເຮືອງ​ມາ​ເຖິງ ທຸກ​ວັນ​ນີ້.

- WhatsApp Image 2020 05 27 at 5 - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ
- WhatsApp Image 2020 05 27 at 5 - ອຸດົມ​ການ​ທີ່​ສະຖິດ​ຢູ່​ໃນ​ໃຈ​ປະທານ​ໄກສອນ ພົມວິຫານ
error: Alert: ເນື້ອຫາຂ່າວມີລິຂະສິດ !!