​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ

- 888 1 - ​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ
- Untitled design - ​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ

  ໃນໂອກາດໂອ້ລົມພະນັກງານຄູອາຈານ ແລະ ນັກສຶກສາມະຫາວິທະຍາໄລແຫ່ງຊາດ ໃນວັນທີ 11 ທັນວານີ້, ທ່ານ ພັນ​ຄຳ ວິພາ​ວັນ ຮອງ​ປະທານ​ປະ​ເທດ ​ໄດ້ເນັ້ນໃຫ້ນັກ​ສຶກສາເອົາໃຈໃສ່ຕັ້ງ​ໜ້າຝຶກຝົນຫລໍ່ຫລອມຕົນເອງໃຫ້ເປັນຄົນດີ ແລະ ຕັ້ງໜ້າສຶກສາຄົ້ນຄວ້າຮໍ່າຮຽນເພື່ອພັດທະນາຄວາມຮູ້ຂອງຕົນ ໃຫ້ທັນ​ຍຸກທັນສະໄໝ ສາມາດເຊື່ອມ​ໂຍງ​ກັບ​ພາກພື້ນ ​ແລະ ສາກົນດີຂຶ້ນ. ​       

      ທ່ານ​ຮອງ​ປະທານ​ປະ​ເທດ ກ່າວວ່າ: ຊາວ​ໜຸ່ມ​ຕ້ອງ​ຮັບ​ຮູ້​ມູນ​ເຊື້ອຂອງ​ພັກ-ຂອງ​ຊາດ, ຮູ້ສົ່ງ​ເສີມ​ວັດທະນະທຳ​ອັນ​ດີງາມ​ຂອງ​ບັນດາ​ເຜົ່າ ​ເພື່ອ​ສະ​ແດງ​ເຖິງ​ຄວາມ​ມີນ້ຳ​ໃຈ​ຮັກ​ຊາດ​ອັນ​ແທ້​ຈິງ ​ແລະ ​ເອົາ​ໃຈ​ໃສ່ຍົກ​ລະດັບ​ຄວາມ​ຮູ້-ຄວາມ​ສາມາດ​ທາງ​ດ້ານ​ເຕັກ​ໂນ​ໂລ​ຊີ, ຂໍ້​ມູນ​ຂ່າວສານ, ພາສາ​ຕ່າງປະ​ເທດ ຄຽງ​ຄູ່​ກັບ​ການ​ເອົາ​ໃຈ​ໃສ່​ຍົກ​ລະດັບ​ສາຍ​ອາຊີວະ​ສຶກສາ​ ​ເປັນຕົ້ນ​ແມ່ນ​ການກະສິກຳ, ອຸດສາຫະກຳ​ໃຫ້​ມີ​ຄວາມ​ເຂັ້ມ​ແຂງ ​ເພື່ອ​ໝູນ​ໃຊ້​ເຂົ້າ​ໃນ​ວຽກ​ງານ​ຕົວ​ຈິງ, ​​ປະກອບສ່ວນ​ເຂົ້າ​ເຮັດ​ວຽກ​ໃນ​ໂຮງ​ຈັກ-​ໂຮງງານ, ບັນດາໂຄງການຕ່າງໆ​ທີ່​ສາມາດ​ລ້ຽງ​ຊີບ​ໄດ້. ສ້າງ​ມາດຕະຖານ​ສີມື​ແຮງ​ງານ, ນັກວິຊາການ​ມື​ອາຊີບ​​ໃຫ້​ເຊື່ອມ​ໂຍງ​ກັບ​ພາກພື້ນ ​ແລະ ສາກົນ​ໄດ້, ​ພ້ອມ​ເພີ່ມ​ທະວີພົວພັນ​ຮ່ວມ​ມື​ກັບ​ຊາວ​ໜຸ່ມເພື່ອນ​ມິດ​ຍຸດ​ທະ​ສາດ, ພາກພື້ນ-ສາກົນ​ຕາມ​ຄວາມ​ສາມາດ ​ເພື່ອ​ຍາດ​ແຍ່ງ​ເອົາ​ການ​ຊ່ວຍ​ເຫລືອ ​ແລະ ​ແລກປ່ຽນ​ບົດຮຽນ​ໃນ​ການ​ພັດທະນາ​ໃຫ້​ນັບ​ມື້ກວ້າງຂວາງ​ຂຶ້ນ​ເລື້ອຍໆ.

ການ​ປັບປຸງ​ວຽກ​ງານ​ກິລາ-ກາ​ຍະ​ກຳ​ຕ້ອງ​​ໄດ້ເອົາ​ໃຈ​ໃສ່​ແຕ່​ສູນ​ກາງ​ລົງ​ທ້ອງຖິ່ນ, ສະໜອງ​ພື້ນຖານ​ໂຄງ​ລ່າງ, ອຸປະກອນ​ກິລາ​ໃຫ້​ໄດ້​ຕາມ​ເງື່ອນ​ໄຂ​ທີ່​ເໝາະ​ສົມ​ຕົວ​ຈິງ, ຍາດ​ແຍ່ງ​ການ​ຊ່ວຍ​ເຫລືອ​ຈາກ​ສັງຄົມ ​ແລະ ອົງການ​ທັງ​ພາຍ​ໃນ ​ແລະ ຕ່າງປະ​ເທດ. ພ້ອມ​ນັ້ນ ຊາວ​ໜຸ່ມ-​ໄວ​ໜຸ່ມ​ຕ້ອງ​ຄຽງ​ຄູ່​ກັບ​ການ​ພັດທະນາ​ກິລາ-ກາ​ຍະ​ກຳ​ໃຫ້​ມີ​ການ​ຂະຫຍາຍຕົວ​ຢ່າງ​ກວ້າງຂວາງ ນັບ​ທັງ​ຊົນນະບົດ, ຕົວ​ເມືອງໃຫ້​ມີ​ລັກສະນະ​ວິທະຍາສາດ​ກວ້າງ​ໄກ ສາມາດ​ເຊື່ອມ​ໂຍງ​ລະຫວ່າງ​ປະ​ເທດ​ເພື່ອນ​ມິດສາ​ກົນ, ​ໃຫ້​ສາມາດ​ເຂົ້າຮ່ວມ​ການ​ແຂ່ງຂັນ​ກິລາ​ປະ​ເພດ​ຕ່າງໆ​ໃນ​ລະດັບ​ພາກພື້ນ-ສາກົນ ​ເພື່ອ​ເຮັດ​ໃຫ້​ບົດບາດ​ກິລາ​ຂອງ​ລາວ​ເຮົາ​ສູງ​ຂຶ້ນຢ່າງ​ຕໍ່​ເນື່ອງ. ນອ​ກນີ້ ຕ້ອງ​ເອົາ​ໃຈ​ໃສ່​ໃນ​ການຈັດຕັ້ງປະຕິບັດ​ພາລະກິດ​ຂອງ​ຕົນ​ໃນ​ການ​ພັດທະນາ​ວຽກ​ງານ​ການ​ສຶກສາ​ໃຫ້​ມີ​ຄຸນ​ນະພາ​ບສູງ​ຂຶ້ນນັບ​ມື້.

- Wave100S AD to Website 2020 0 - ​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ
- WhatsApp Image 2020 05 27 at 5 - ​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ
- WhatsApp Image 2020 05 27 at 5 - ​ຮອງ​ປະທານປະເທດເນັ້ນໃຫ້​ນັກສຶກສາ​ຕັ້ງໜ້າພັດທະນາ​ຄວາມ​ຮູ້ໃຫ້ທັນຍຸກທັນ​ສະ​ໄໝ
error: Alert: ເນື້ອຫາຂ່າວມີລິຂະສິດ !!