ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ

- 669 2 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ
- AGL banner - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ

ລູກເມືອງພວນ

       ເດັກອັດສະຣິຍະ ໄວ 9 ປີ ຮຽນຈົບມະຫາວິທະຍາໄລແລ້ວ ຊຶ່ງໄດ້ເຮັດໃຫ້ນ້ອງກາຍເປັນຄົນອາຍຸນ້ອຍທີ່ສຸດໃນໂລກທີ່ຮຽນຈົບປະລິນຍາຕຣີ.

        ສຳນັກຂ່າວຕ່າງປະເທດລາຍງານເມື່ອວັນທີ 11 ທັນວານີ້ວ່າ: ໂຣລອງ ຊີມອ໊ງ ເດັກຍອດອັດສະຣິຍະ 9 ຂວບໄດ້ກາຍເປັນຂ່າວໂດ່ງດັງ ເມື່ອເດືອນ ພະຈິກຜ່ານມາວ່າ ເຂົາກຳລັງຈະກາຍເປັນຄົນອາຍຸນ້ອຍທີ່ສຸດໃນໂລກທີ່ຮຽນຈົບມະຫາວິທະຍາໄລ ແລະ ຕັດສິນໃຈລາອອກຈາກມະຫາວິທະຍາໄລເທັກໂນໂລຢີ ໄອໂຮເຟນ (TUE) ໃນປະເທດ ນີເທີແລນ ແລ້ວ ຫຼັງຈາກມີບັນຫາເລື່ອງວັນຈົບການສຶກສາຂອງເຂົາ.

- Wave100S AD to Website 2020 0 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ

        ທີ່ຜ່ານມາໜຸ່ມນ້ອຍຄົນນີ້ຮຽນຢູ່ໃນພາກວິຊາ ວິທະຍາກຳໄຟຟ້າຂອງມະຫາວິທະຍາໄລ TUE ແລະ ຄາດວ່າຈະຮຽນຈົບພາຍໃນທ້າຍປີນີ້. ຢ່າງໃດກໍຕາມທາງມະຫາວິທະຍາໄລໄດ້ແນະນຳໃຫ້ ໂຣລອງ ຈົບການສຶກສາໃນຊ່ວງກາງປີ 2020 ຈະດີກ່ວາ ເນື່ອງຈາກວ່າຍັງຈະມີການສອບເສັງອີກຫຼາຍຢ່າງທີ່ເຂົາຕ້ອງດຳເນີນການ ເຖິງຢ່າງໃດກໍຕາມ ທາງມະຫາວິທະຍາໄລອ້າງວ່າ ອາເລັກຊານເຣີ ຊີມ໊ອງ ຜູ້ເປັນພໍ່ຂອງເຂົາ ຢືນຢັນວ່າຕ້ອງໃຫ້ເຂົາຈົບປະລິນຍາຕຣີໃນໄວອາຍຸ 9 ຂວບ ໝາຍຄວາມວ່າເດັກຄົນນີ້ໃຊ້ເວລາຮຽນມະຫາວິທະຍາໄລພຽງແຕ່ 10 ເດືອນເທົ່ານັ້ນ ແທນທີ່ຈະເປັນ 3 ປີຕາມປົກະຕິ.

       ອາເລັກຊານເຣີ ຜູ້ເປັນພໍ່ຂອງເຂົາບອກກັບສຳນັກຂ່າວ ຊີເອັນເອັນວ່າ: ກ່ອນໜ້ານີ້ເຂົາກັບມະຫາວິທະຍາໄລບໍ່ມີບັນຫາເລື່ອງກອບເວລາຮຽນຂອງເດັກ ແຕ່ມາເຖິງປັດຈຸບັນ ຄອບຄົວໄດ້ຕັດສິນໃຈ ໃຫ້ລູກຊາຍອອກຈາກມະຫາວິທະຍາໄລ ເພາະພວກເຂົາໄດ້ຮັບຂໍ້ສະເໜີຈາກມະຫາວິທະຍາໄລຫຼາຍແຫ່ງໃນສະຫະລັດ ເພື່ອໃຫ້ ໂຣລອງ ໄປສຶກສາຕໍ່ໃນລະດັບ ດອກເຕີ ຊື່ງລູກຊາຍຂອງເຂົາບໍ່ສາມາດທີ່ຈະແບ່ງເວລາຮຽນຢູ່ທັງສອງມະຫາວິທະຍາໄລໄດ້.

- WhatsApp Image 2020 05 27 at 5 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ
- WhatsApp Image 2020 05 27 at 5 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ
- WhatsApp Image 2020 05 27 at 5 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ
- WhatsApp Image 2020 05 27 at 5 - ເດັກອັດສະຣິຍະ 9 ປີ ຮຽນຈົບມະຫາວິທະຍາໄລ
error: Alert: Content is protected !!