ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ

- 4455454545 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ
- Untitled design - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ

ທິບພະຍະປະກັນໄພ ຈໍາກັດ ເປັນບໍລິສັດອັນດັບຕົ້ນໃນປະເທດລາວ ທີ່ມີລູກຄ້າໃຊ້ບໍລິການຫລາຍ ແລະ ໄດ້ຮັບຄວາມໄວ້ວາງໃຈທີ່ສຸດເພາະບໍລິສັດໄດ້ໃສ່ໃຈ ແລະ ບໍລິການລູກຄ້າຢ່າງໃກ້ຊິດ, ມີພະນັກງານໄວ້ຄອຍບໍລິການຕະຫລອດ 24 ຊົ່ວໂມງ, ຊ່ວຍເຫຼືອ ແລະ ເບິ່ງແຍງລູກຄ້າໂດຍທີ່ບໍ່ຖິ້ມລູກຄ້າໄວ້ໃນຈຸດເກີດເຫດຜູ້ດຽວ; ມີຄວາມເຂັ້ມງວດໃນການປະຕິບັດກົດໝາຍວ່າດ້ວຍການປະກັນໄພ, ປະຕິບັດຕາມຫຼັກການຂອງການປະກັນໄພ, ໃຫ້ຄ່າມະນຸດສະທໍາແກ່ຜູ້ເຄາະຮ້າຍໂດຍບໍ່ຖືເອົາຄວາມຜິດ.

ເຖິງຢ່າງໃດກໍຕາມເມື່ອບໍ່ດົນມານີ້ໄດ້ມີລົດລູກຄ້າຂອງບໍລິສັດ ທິບພະຍະປະກັນໄພ ຈໍາກັດ ໄດ້ເກີດອຸປະຕິເຫດ ຕໍາເອົາແບ້ຕາຍຄາທີ່ຢູ່ກາງຖະໜົນຫຼວງ; ພາຍຫຼັງທີ່ບໍລິສັດໄດ້ຮັບແຈ້ງເຫດ ແລ້ວ ບໍລິສັດໄດ້ລົງກວດສອບເບິ່ງຄວາມເສຍຫາຍ ແລະ ມີການແກ້ໄຂເບື້ອງຕົ້ນແລ້ວ ແຕ່ຕໍ່ມາເຈົ້າຂອງລົດໄດ້ເຜີຍແຜ່ຮູບລົດຄັນດັ່ງກ່າວລົງໃນສື່ອອນລາຍເມື່ອວັນທີ 28 ພະຈິກ 2019 ທີ່ຜ່ານມານີ້ໂດຍໄດ້ຂຽນຂໍ້ຄວາມໄປໃນທາງບໍ່ສ້າງສັນຫຼາຍຢ່າງ, ເຮັດໃຫ້ມວນຊົນໄດ້ສະແດງຄຳຄິດເຫັນໃນສື່ອອນລາຍຕໍ່ກັບເຫດການດັ່ງກ່າວໄປຕ່າງໆນານາ ມີທັງດ້ານລົບ ແລະ ບວກຕໍ່ບໍລິສັດ ປະກັນໄພ ຍ້ອນຄວາມເຂົ້າໃຈຕໍ່ລະບຽບ-ກົດໝາຍບໍ່ຈະແຈ້ງ.

- DSC 0075 1024x682 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ
- cd9e60aa 3e5b 4f96 976a 8fdbf9c846fd - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ

ຕໍ່ເຫດການດັ່ງກ່າວທ່ານປະຖົມຊານເທບຫັດສະດິນນະອາຍຸດທະຍາ ຜູ້ອໍານວຍການຝ່າຍແກ້ໄຂອຸປະຕິເຫດຂອງບໍລິສັດທິບພະຍະປະກັນໄພໄດ້ໃຫ້ຮູ້ວ່າ: ໃນຄັ້ງວັນທີ 28 ພະຈິກ 2019 ລົດລູກຄ້າໄດ້ຂີ້ລົດຕໍາເອົາແບ້ຕາຍຄາທີ່ຢູ່ກາງຖະໜົນຫຼວງຊຶ່ງພະນັກງານຂອງບໍລິສັດປະກັນໄພໄດ້ສອບຖາມປະຊາຊົນຄົນອ້ອມຂ້າງບ່ອນເກີດເຫດ ແຕ່ບໍ່ມີໃຜຮູ້ວ່າໃຜເປັນເຈົ້າຂອງສັດດັ່ງກ່າວ; ສະນັ້ນ, ຈຶ່ງໄດ້ແຈ້ງຕໍ່ອໍານາດການປົກຄອງບ້ານ ເພື່ອເຮັດບົດບັນທຶກໄວ້ເປັນຫຼັກຖານ. ອຸປະຕິເຫດທີ່ເກີດຂື້ນໃນຄັ້ງນີ້ ເຈົ້າຂອງສັດຕ້ອງຮັບຜິດຊອບຕໍ່ຜົນເສຍຫາຍທີ່ເກີດຂື້ນທັງໝົດໃນຄັ້ງນີ້ເນື່ອງຈາກເຈົ້າຂອງສັດ ເປັນຜູ້ລະເມີດກົດໝາຍວ່າດ້ວຍການຈະລາຈອນທາງບົກຕາມ ມາດຕາ 11 ລະບຽບການຄຸ້ມຄອງສັດລ້ຽງໄດ້ກໍານົດວ່າ: ບໍ່ອະນຸຍາດໃຫ້ລ້ຽງ ແລະ ປ່ອຍສັດທຸກຊະນິດຕາມເສັ້ນທາງຫຼວງ ແລະ ລະເມີດຕໍ່ດໍາລັດວ່າດ້ວຍການປັບໃໝ ແລະມາດຕະການຕ່າງຯຕໍ່ຜູ້ລະເມີດລະບຽບກົດໝາຍກ່ຽວກັບການຈະລາຈອນທາງບົກ, ການຂົນສົ່ງທາງບົກ ແລະ ປົກປັກຮັກສາທາງຫຼວງ ຕາມມາດຕາ 21 ການລ້ຽງສັດ ແລະ ການປ່ອຍສັດລ້ຽງຢູ່ຕາມເສັ້ນທາງ ກໍານົດວ່າ: ໃນກໍລະນີທີ່ສັດຫາກເປັນຕົ້ນເຫດຂອງການເກີດອຸປະຕິເຫດ ຫຼື ໄດ້ສ້າງຄວາມເສຍຫາຍແກ່ສິ່ງປະກອບຕ່າງໆຂອງທາງ ເຈົ້າຂອງ ຫຼື ຜູ້ຄອບຄອງສັດ ຕ້ອງຮັບຜິດຊອບຕໍ່ຄວາມເສຍຫາຍທີ່ເກີດຂື້ນແລະ ລະເມີດຕໍ່ກົດໝາຍວ່າດ້ວຍຂໍ້ຜູ້ພັນໃນສັນຍາ ແລະ ນອກສັນຍາ ຕາມມາດຕາ 94 ຄວາມຮັບຜິດຊອບຂອງຜູ້ເປັນເຈົ້າຂອງ ຫຼື ຜູ້ຄອບຄອງສັດໄດ້ກໍານົດວ່າ: ເຈົ້າຂອງ ຫຼື ຜູ້ຄອບຄອງສັດ ຕ້ອງຮັບຜິດຊອບ ຕໍ່ຄວາມເສຍຫາຍທີ່ສັດນັ້ນໄດ້ກໍ່ຂື້ນ ຍ້ອນຄວາມຜິດຂອງເຈົ້າຂອງ ຫຼື ຜູ້ຄອບຄອງສັດນັ້ນ.

- 4546 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ

ແຕ່ມາຮອດປັດຈຸບັນ ຍັງບໍ່ທັນພົບເຫັນເຈົ້າຂອງສັດດັ່ງກ່າວ ດັ່ງນັ້ນ, ບໍລິສັດ ທິບພະຍະປະກັນໄພ ຈຶ່ງຕ້ອງເອົາສັດຕົວທີ່ເກີດເຫດມາຮັກສາໄວ້ເພື່ອສືບຕໍ່ຕິດຕາມເອົາເຈົ້າຂອງສັດມາຮັບຜິດຊອບຕໍ່ຄວາມເສຍຫາຍໃນຄັ້ງນີ້ ສ່ວນລົດທີ່ເສຍຫາຍບໍລິສັດ ທິບພະຍະປະກັນໄພ ໄດ້ສ້ອມແປງລົດໃຫ້ແກ່ລູກຄ້າຕາມປົກກະຕິ ໃນຄວາມເສຍຫາຍຕົວຈິງ .

- Wave100S AD to Website 2020 0 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ

ຕໍ່ກັບເຫດການດັ່ງກ່າວ ເຫັນວ່າຜູ້ທີ່ເຜີຍແຜ່ເອົາຮູບ ແລະ ຂໍ້ຄວາມລົງໃນສື່ອອນລາຍ ໂດຍບໍ່ມີເຂົ້າໃຈຕໍ່ບັນດາເງື່ອນໄຂຂອງປະເພດການຄຸ້ມຄອງຕ່າງໆຂອງບໍລິສັດ ທິບພະຍະປະກັນໄພ ເມື່ອໄດ້ເຜີຍແຜ່ລົງສື່ອອນລາຍຈຶ່ງເຮັດໃຫ້ມວນຊົນເຂົ້າໃຈຜິດ ແລະ ຫຼົງເຊື່ອ ໂດຍໄດ້ສະແດງຄໍາຄິດເຫັນໄປທັງໃນທາງທີ່ບໍ່ສ້າງສັນນານາ  ຊຶ່ງໄດ້ສ້າງຄວາມເສື່ອມເສຍກຽດສັກສີ ແລະ ຄວາມເຊື່ອຖືຂອງສັງຄົມຕໍ່ກັບບໍລິສັດ ທິບພະຍະປະກັນໄພ ຢ່າງຮ້າຍແຮງ ຊຶ່ງເປັນການກະທໍາທີ່ຜິດຕໍ່ດໍາລັັດວ່າດ້ວຍ ການຄຸ້ມຄອງຂໍ້ມູນຂ່າວສານ ຜ່ານອິນເຕີເນັດ ມາດຕາ 10 ເນື້ອໃນທີ່ບໍ່ອະນຸຍາດເຜີຍແຜ່ ຜ່ານອິນເຕີເນັດ ຂໍ້ 6 ເຜີຍແຜ່ຂໍ້ມູນຂ່າວສານທີ່ບໍ່ຖືກຕ້ອງ ແລະ ບິດບືນຄວາມຈິງ ເພື່ອຈຸດປະສົງສ້າງຄວາມເຊື່ອເສຍຕໍ່ກຽດສັກສີ ຫຼື ສິດທິຂອງບຸກຄົນອື່ນ ແລະ ສ້າງຄວາມເສຍຫາຍໃຫ້ແກ່ບໍລິສັດ.

ຖ້າທ່ານໃດຍັງມີຄວາມສົນໃຈກໍສາມາດຕິດຕໍ່ສອບຖາມລາຍລະອຽດກັບບໍລິສັດ ທິບພະຍະປະກັນໄພ ຈໍາກັດ ຕາມເບີໂທລະສັບ: +856 21 455 101 – 7ສາຍດ່ວນ: 1676 ໄດ້ທຸກ ເວລາ.

- WhatsApp Image 2020 05 27 at 5 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ
- WhatsApp Image 2020 05 27 at 5 - ທິບພະຍະປະກັນໄພ ຄຸ້ມຄອງລູກຄ້າທຸກກໍລະນີ
error: Alert: ເນື້ອຫາຂ່າວມີລິຂະສິດ !!