ວິທີປ້ອງກັນ ແລະ ກຳຈັດ ບົ້ງກະທູ້​ຫອມ

- 4236 - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ
- AGL banner - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ

ບົ້ງກະທູ້​ຫອມ ຫລື ບົ້ງຫລອດ​ຫອມ​ເປັນ​ສັດຕູ​ສຳຄັນ​ຂອງ​ສາລີ​ໃນ​ໄລຍະ 7-30 ວັນ ກັດ​ກິນ​ໃບ ​ແລະ ຕົ້ນ​ເຮັດ​ໃຫ້​ເກີດ​ຄວາມ​ເສຍ​ຫາຍ​ຫລາຍ ຖ້າ​ປ່ອຍ​ໃຫ້​ພວກ​ມັນ​ທຳລາຍ​ໂດຍ​ບໍ່ ມີ​ການ​ປ້ອງ​ກັນ​ກຳຈັດ​ສາລີ​ຈະ​ຕາຍ​ໃນ​ທີ່​ສຸດ.

- 2569 - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ

ບົ້ງກະທູ້​ຫອມ​ໃຫຍ່​ເຕັມ​ໄວ​ເປັນ​ແມງກະ​ເບື້ອກາງຄືນ​ສີນ້ຳຕານ​ເຂັ້ມປົນ​ເທົາ ​ເມື່ອ​ກາງ​ປີກ​ເຕັມທີ 20-25 ມິນ​ລີ​ແມັດ. ມີ​ສີນ້ຳຕານ​ອ່ອນ​ຢູ່​ກາງ​ປີກ​ຄູ່​ໜ້າ 2 ຈຸດ ອາຍຸ​ໃຫຍ່​ເຕັມ​ໄວ 7-10ວັນ, ​ໂຕ​ແມ່​ວາງ​ໄຂ່​ເປັນ​ກຸ່ມ, ກຸ່ມ​ລະ​ປະມານ 20-25 ໜ່ວຍ​ປົກ​ຄຸມ​ດ້ວຍ​ຂົນ​ສີນ້ຳ ຕານອ່ອນ, ​ໄລຍະ​ວາງ​ໄຂ່ 2-3 ວັນ ບົ້ງທີ່​ແຕກ​ອອກ​ຈາກ​ໄຂ່​ໃໝ່ໆ ຈະ​ຢູ່​ລວມກັນ​ເປັນ​ກຸ່ມ    ກັດ​ກິນ​ຜິວ​ໃບ 1-2 ວັນ​ຈຶ່ງ​ຈະກະຈາຍ​ໄປ​ໃບ​ອື່ນ ຫລື ຕົ້ນ​ໃກ້​ຄຽງ. ລັກສະນະ​ບົ້ງມີ​ຜີວ​ລຽບ​ມັນ​ຫລາຍ​ສີຂຶ້ນກັບ​ອາຫານ ​ແລະ ​ໄລຍະ​ການ​ລອກຄາບຄື: ຂຽວອ່ອນ, ເທົາປົນດຳ, ນ້ຳຕານອ່ອນ ແລະ ນ້ຳຕານດຳມັກອອກທຳລາຍພືດໃນເວລາກາງຄືນ. ສ່ວນກາງເວັນ ມັກຫລົບລີ້ຢູ່ຕາມຊອກໃບ ແລະ ຍອດສາລີຂະໜາດໂຕເຕັມທີ່ 2X20 ມິນລີແມັດ, ໄລຍະ ໜອນ 15-18 ວັນ ໜອນເຂົ້າດັກແດ້ໃຕ້ດິນໃກ້ຕົ້ນພືດ, ໄລຍະດັກແດ້ 5-7 ວັນ.

ການປ້ອງກັນກຳຈັດ.

ແມງໄມ້ສັດຕູທຳມະຊາດທີ່ສຳຄັນ ພົບພຽງຊະນິດດຽວຄື: ແຕນບຽນໜອນ (Larval parasite) Apanteles sp. ຊ່ວຍຄວບຄຸມປະຊາກອນບົ້ງໄດ້ເຖິງ 15% ສຳລັບພະ ຍາດຂອງບົ້ງກະທູ້ຫອມພົບພຽງຊະນິດດຽວຄື: ໄວຣັສ NPV (nuclear polyhedrosis virus)ເຮັດໃຫ້ບົ້ງກະທູ້ຫອມເປັນພະຍາດຕາຍໃນສະພາບທຳມະຊາດ. ການປ້ອງກັນກຳຈັດບົ້ງກະທູ້ຫອມໄດ້ຜົນດີຄື: ໃຊ້ເຊື້ອໄວຣັສ NPV (nuclear polyhedrosis virus)ບົ້ງກະທູ້ຫອມອັດຕາ 20 ມິນລີລິດ/ນ້ຳ 20 ລິດ ສິດ 3 ຄັ້ງໃນ ຕອນແລງແຕ່ລະຄັ້ງຫ່າງກັນ 7 ວັນ. ສ່ວນສານຂ້າແມງໄມ້ທີ່ໃຫ້ຜົນດີໃນການປ້ອງກັນ ກຳຈັດ ແລະ ມີພິດໜ້ອຍຕໍ່ແຕນບຽນໄດ້ແກ່: flufenoxuron (Cascade 5% EC) ຫລື chlorfluazuron (Atabron 5% EC) ອັດຕາ 30 ມິນລີລິດຕໍ່ນ້ຳ 20 ລິດ ຫລື betacyfluthrin (folitec 025 EC)ອັດຕາ40 ມິນລີລິດຕໍ່ນ້ຳ 20 ລິດ ສີດເມື່ອພົບບົ້ງສະເລ່ຍ 2-3 ໂຕຕໍ່ຕົ້ນພຽງ 1-2 ຄັ້ງຫ່າງກັນ 7 ວັນ, ສີດໃນໄລຍະສາລີ ຍາຍຸປະມານ 1-2 ອາທິດ ຫລັງຈາກນັ້ນຈະມີແຕນບຽນຊ່ວຍຄວບຄຸມບົ້ງ ບໍ່ມີຄວາມ ຈຳເປັນຕ້ອງໃຊ້ສານເຄມີຂ້າອີກ./.

- 4236 - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ

-    AD conten website - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ
- lattana banner - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ
- lattana banner 1 - ວິທີປ້ອງກັນ ແລະ ກຳຈັດ ບົ້ງກະທູ້​ຫອມ
error: Alert: ເນື້ອຫາຂ່າວມີລິຂະສິດ !!