ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ

- 77 1 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ
- 174233 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ

    ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ໃຫ້ສໍາພາດໃນກອງປະຊຸມ ວຽກງານການຕ່າງປະເທດ ຄັ້ງທີ 14 ທີ່ໄດ້ຈັດຂຶ້ນໃນວັນທີ 12-13 ທັນວ່ານີ້ ວ່າ: ໃນປັດຈຸບັນ ຖ້າວຽກງານການຕ່າງປະເທດ ແມ່ນເນັ້ນໃສ່ແຕ່ການທູດດ້ານການເມືອງ ແລະ ການທູດຄວາມໝັ້ນຄົງ ເທົ່ານັ້ນແມ່ນບໍ່ໄດ້, ສະນັ້ນ ໃນຍຸກສະໄໝນີ້ພວກເຮົາຕ້ອງໄດ້ດຶງດູດເອົາການທູດເສດຖະກິດ ແລະ ການທູດວັດທະນະທໍາ ເຂົ້າມາມີສ່ວນຮ່ວມເພາະການເຄື່ອນໄຫວການທູດກໍລວນແລ້ວແຕ່ເພື່ອສ້າງສະພາບແວດລ້ອມທີ່ດີ, ເພື່ອເຮັດແນວໃດໃຫ້ເສດຖະກິດຂອງຊາດໄດ້ຮັບການພັດທະນາໃຫ້ຂະຫຍາຍຕົວ, ສະທ້ອນໃຫ້ເຫັນເຖິງໝາກຜົນຂອງເສດຖະກິດ.

ດັ່ງນັ້ນ, ໃນປີນີ້ ຈຶ່ງໄດ້ຈັດກອງປະຊຸມ ຊຶ່ງເອີ້ນວ່າເວທີປຶກສາຫາລື ລະຫວ່າງ ການທູດ ກັບພາກສ່ວນທຸລະກິດຂຶ້ນ ແລະ ກອງປະຊຸມຄັ້ງນີ້ໄດ້ສະເໜີຫຼາຍຂໍ້ລິເລີ່ມໃໝ່ ຄື: ການປຶກສາຫາລື ລະຫວ່າງ ນັກການທູດ ແລະ ນັກທຸລະກິດ, ຫົວໜ່ວຍທຸລະກິດ ແລະ ນັກລົງທຶນຂອງລາວ ເຫັນວ່າໄດ້ຮັບຜົນເກີນຄາດໃນການປຶກສາຫາລືກ່ຽວກັບກົນໄກການປະສານງານ ລະຫວ່າງ ສະຖານທູດ, ກະຊວງການຕ່າງປະເທດ ແລະ ພາກສ່ວນທຸລະກິດ ເຮັດແນວໃດສະຖານທູດຈະສາມາດອໍານວຍຄວາມສະດວກໃຫ້ແກ່ການດໍາເນີນທຸລະກິດ, ການຕິດຕໍ່ປະສານງານ ຫຼືການດໍາເນີນການຮ່ວມມືທາງດ້ານການຄ້າ, ການລົງທຶນ ລະຫວ່າງພາກສ່ວນທຸລະກິດ, ນັກລົງທຶນຂອງລາວ ກັບພາກສ່ວນທຸລະກິດ ແລະ ນັກລົງທຶນຂອງຕ່າງປະເທດ, ໂດຍສະເພາະແມ່ນການຮ່ວມມື ລະຫວ່າງ ສະພາການຄ້າ ແລະ ອຸດສາຫະກໍາແຫ່ງຊາດຂອງລາວ ແລະ ສະພາການຄ້າ ແລະ ອຸດສາຫະກໍາຂອງຕ່າງປະເທດ. ນີ້ຈະເປັນກົນໄກໜຶ່ງ ທີ່ພວກເຮົາໄດ້ຕົກລົງສ້າງຕັ້ງກົນໄກປະສານງານທີ່ມີລັກສະນະເປັນປະຈໍາພໍສົມຄວນ ແລະ ຈະເປັນອີກການບຸທະລຸໜຶ່ງທີ່ສະແດງໃຫ້ເຫັນວ່າ ພວກເຮົາເຮັດວຽກການທູດ ຊຶ່ງບໍ່ແມ່ນແຕ່ການທູກການເມືອງ ແຕ່ເຮັດວຽກການທູດທຸລະກິດໄປພ້ອມກັນ ແລະ ຮຽກຮ້ອງໃຫ້ນັກການທູດທຸກຄົນ ຕ້ອງໄດ້ຮຽນຮູ້ທັກສະໃນການຂົນຂວາຍໃນການຕິດຕໍ່ປະສານງານ ແລະ ເປັນຂົວຕໍ່ ລະຫວ່າງທຸລະກິດຂອງລາວ ແລະ ທຸລະກິດຂອງຕ່າງປະເທດໃຫ້ຫຼາຍຂຶ້ນ.

ທ່ານ ສະ​ເຫລີ​ມ​ໄຊ ກົມມະ​ສິດ ເນັ້ນວ່າ: ວຽກງານ​ຊາຍ​ແດນ ​ເປັນວຽກງານໜຶ່ງທີ່​ສຳຄັນ ​ເນື່ອງ​ຈາກ​ວ່າ​ພົວພັນ​ເຖິງ​ການ​ປົກ​ປັກ​ຮັກສາ ອະທິປະ​ໄຕ ແລະ ຜືນ​ແຜນ​ດິນ​ອັນ​ຄົບ​ຖ້ວນ​ຂອງ​ປະ​ເທດ​ຊາດ, ມາ​ຮອດ​ປັດຈຸບັນ ​ລາວໄດ້​ສຳ​ເລັດການ​ປັກ​ຫລັກ​ໝາຍຊາຍ​ແດນ​ຮ່ວມກັບ 3 ປະ​ເທດ​. ​ສ່ວນ​ການ​ແກ້​ໄຂບັນຫາ​ຊາຍ​ແດນ ກັບ ຣາຊະອານາຈັກ ກໍາປູເຈຍ ​ແລະ ຣາຊະ​ອານາຈັກ​ໄທ  ​ມາ​ຮອດ​ປັດຈຸບັນ ​​ມີ​ສະພາບ​ການ​ປົກກະຕິ, ເຊິ່ງການ​ແກ້​ໄຂບັນຫາ​ດັ່ງກ່າວ ໄດ້​ຜ່ານ​ກົນ​ໄກ​ການເຮັດ​ວຽກ​ ແລະ ​ປຶກສາ​ຫາລືຂອງຄະນະ​ກຳມະການ​ ຮ່ວມ​ຊາຍ​ແດນ​ລາວ-​ກຳປູ​ເຈຍ, ກຳປູ​ເຈຍ-​ລາວ ແລະ ປັດຈຸບັນ ​ໄດ້ສຳ​ເລັດ​ການ​ປັກ​ຫລັກໝາຍ​ແລ້ວ 86%  ຍັງ​ເຫລືອ 14%  ທີ່​ຈະ​ຕ້ອງ​ສືບ​ຕໍ່​ປຶກ​ສາ​ຫາລື ​ໃນ​ຈຸດ​ທີ່​ຍັງ​ຕົກລົງ​ກັນ​ບໍ່​ໄດ້ ແລະ ສ່ວນ​ຈຸດ​ທີ່​ຕົກ​ລົງ​ເປັນ​ເອກະ​ພາບ​ກັນກໍ​​ໃຫ້ລົງມື​ຈັດ​ຕັ້ງ​ປະຕິບັດ. ສຳລັບ​ວຽກງານປັກ​ຫລັກ​ຊາຍ​ແດນ​ ລາວ-​ໄທ ​ເຫັນ​ວ່າ​ມີ​ຄວາມ​ຄືບໜ້າພໍ​ສົມ​ຄວນ ໄດ້ສະ​ແດງ​ອອກ​ໂດຍ ຊາຍ​ແດນ​ທາງບົກ ​ເຊິ່ງກວມ​ເອົາ​ປະມານ 30% ຂອງ​ຊາຍ​ແດນ​ທັງໝົດສຳ​ເລັດ​ 93% ສ່ວນຊາຍ​ແດນ​ທາງ​ນໍ້າທີ່​ມີ​ຄວາມ​ຍາວ 67% ກວ​ມ​ເອົາ​ເນື້ອ​ທີ່​ຊາຍ​ແດນ​ທັງໝົດ ຍັງ​ສືບ​ຕໍ່​ປຶກສາຫາລື ຮ່ວມ​ກັນ​ ລະຫວ່າງ  ຄະນະ​ກຳມະການ​ຮ່ວມ​ຊາຍ​ແດນ​ລາວ-​ໄທ, ​ໄທ-​ລາວ.

- Wave100S AD to Website 2020 0 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ

ທ່ານ ສະ​ເຫລີ​ມ​ໄຊ ກົມມະ​ສິດ ​​ໃຫ້​ຮູ້​ອີກ​ວ່າ: ໃນ​ໄລຍະ 3 ປີຜ່ານມາ​ການ​ຮ່ວມ​ມືສອງ​ຝ່າຍ​ມີຄວາມ​​ພົ້ນ​ເດັ່ນ​ຫຼາຍ​ດ້ານ ​​ໂດຍ​ສະ​ເພາະ ການພົວພັນ​ຮ່ວມ​ມືກັບປະ​ເທດ​ຍຸດ​ທະ​ສາດ ສະ​ແດງ​ອອກ​ໂດຍ​ ການ​ນຳ​ຂັ້ນ​ສູງ​ ​ ​ໄດ້​ມີ​ການ​ພົບ​ປະ​ຢ້ຽມຢ້າມ​ເຊິ່ງກັນ ​ແລະ ກັນ,​ ໄດ້​ຍົກ​ລະ​ດັບການ​ພົວພັນ​ຮ່ວມ​ມື​ສອງ​ຝ່າຍ ​ໃຫ້​ເປັນ​ຄູ​ຮ່ວມ​ຍຸດ​ທະ​ສາດ​ກັບ​ສອງ​ປະ​ເທດ​ຄື ລາວ-​ຮົງ​ກາລີ ​ແລະ ລາວ-ກຳ​ປູ​ເຈຍ, ​ ນອກ​ນີ້, ຍັງ​ໄດ້​ພົວພັນ​ຮ່ວມ​ມື​ກັບປະ​ເທດ​​ອື່ນໆ ທີ່​ມີ​ການ​ພົວພັນ​ຮ່ວມ​ມື​ທີ່​ດີ ​ແລະ ​ໃຫ້ການ​ຊ່ວຍ​ເຫລືອລາວຕະຫລອດມາ ​ເປັນ​ຕົ້ນ​ ປະ​ເທດ​ຍີ່ປຸ່ນ ແລະ ​ສ ​ເກົາຫລີ, ຄະນະ​ດຽວກັນ ການ​ພົວພັນ​ຮ່ວມ​ມື ລະຫວ່າງລາວ ກັບອາຊຽນ, ອົງການ​ສະຫະ​ປະຊາ​ຊາດ, ​ແລະ ບັນດາ​ອົງການ​ຈັດ​ຕັ້ງ​ສາກົນ​ອື່ນ​ໆ ທີ່​ລາວ​ເຂົ້າ​ຮ່ວມ​ເປັນພາຄີ ກໍ​ໄດ້​ຮັບ​ການ​ຍົກ​ລະດັບ​ເປັນ​ກ້າວໆມາ.

- WhatsApp Image 2020 05 27 at 5 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ
- WhatsApp Image 2020 05 27 at 5 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ
- WhatsApp Image 2020 05 27 at 5 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ
- WhatsApp Image 2020 05 27 at 5 - ວຽກງານການທູດລາວ ມີບົດບາດສໍາຄັນໃນການປະກອບສ່ວນສ້າງຊາດ
error: Alert: Content is protected !!