ກະຕັນຍູຮູ້ບຸນຄຸນປະທານໄກສອນ ພົມວິຫານ

- LPN - ກະຕັນຍູຮູ້ບຸນຄຸນປະທານໄກສອນ ພົມວິຫານ
- AGL banner - ກະຕັນຍູຮູ້ບຸນຄຸນປະທານໄກສອນ ພົມວິຫານ

ໂດຍ: ທິດກ່ຳ

ການທີ່ພັກ ແລະ ລັດຖະບານເຮົາສ້າງອານຸສອນສະຖານ, ປັ້ນຮູບຫລໍ່ ແລະ ພໍເຖິງວັນເດືອນປີຄົບຮອບມາກໍໄດ້ຈັດພິທີລະນຶກ, ເລົ່າມູນເຊື້ອ, ເຮັດບຸນ ສິນກິນທານດ້ວຍຮູບການ ແລະ ວິທີການຕ່າງໆ ນັ້ນລ້ວນແລ້ວແຕ່ເປັນການ ສະດຸດີ, ມີຄວາມກະຕັນຍູຮູ້ບຸນຄຸນປະທານໄກສອນ ພົມວິຫານ ຜູ້ນຳທີ່ຍິ່ງໃຫຍ່   ມີບຸນຄຸນຕໍ່ປະເທດຊາດບ້ານເມືອງຂອງພວກເຮົາຢ່າງຫລວງຫລາຍພາຍມາກ, ເພິ່ນເປັນວິລະບູລຸດຂອງຊາດ, ເປັນຜູ້ນຳພາການ  ປະຕິວັດລາວນັບແຕ່ມື້ເລີ່ມຕົ້ນຈົນຮອດມື້ໄດ້ຮັບໄຊຊະນະຢ່າງສົມບູນແບບ.

- description 8074 1 - ກະຕັນຍູຮູ້ບຸນຄຸນປະທານໄກສອນ ພົມວິຫານ

       ການກຳເນີດສາທາລະນະລັດ ປະຊາທິປະໄຕ ປະຊາຊົນລາວ ນັບແຕ່ ປີ 1975 ມາຮອດປັດຈຸບັນແມ່ນໝາກຜົນຂອງການປະຕິວັດ, ເປັນໄຊຊະນະແຫ່ງ  ການຊີ້ນຳ-ນຳພາການປະຕິວັດກຳມະຊີບຂອງປະທານໄກສອນ ພົມວິຫານ ນັບແຕ່ມີຂະບວນການຕໍ່ສູ້ຕ້ານການຮຸກຮານຂອງຈັກກະພັດແບບເກົ່າ ແລະ ແບບ ໃໝ່.

- aHR0cHM6Ly9zLmlzYW5vb2suY29tL2xhLzAvdWQvOC80MzU2My80MzU2My5qcGc - ກະຕັນຍູຮູ້ບຸນຄຸນປະທານໄກສອນ ພົມວິຫານ

       ແນ່ນອນ, ເມື່ອກ່າວເຖິງໝາກຜົນລວມຍອດຂອງການປະຕິວັດແມ່ນ ໄດ້ມາຈາກກ້ອນກຳລັງປະຕິວັດໂດຍມີຜູ້ນຳຫລາຍທ່ານ, ມີກຳລັງສັງລວມ ຂອງປວງຊົນລາວທັງຊາດ, ແຕ່ສິ່ງສຳຄັນປະທານໄກສອນ ພົມວິຫານ  ແມ່ນເປັນເສົາຄ້ຳແກນກາງອັນແນ່ນແກ່ນໃນການຄົ້ນຄິດປະດິດສ້າງກາຍ ເປັນປັດຊະຍາຈາກທິດສະດີເປັນພືດຕິກຳຕົວຈິງຈາກການຊີ້ນຳ-ນຳພາໃນຖາ ນະເປັນເລຂາທິການໃຫຍ່ຂອງພັກປະຊາຊົນ ປະຕິວັດລາວ.

       ປະທານໄກສອນ ພົມວິຫານ ເກີດເມື່ອວັນທີ 13 ເດືອນທັນວາ ປີ 1920  ເພິ່ນໄດ້ເສຍຊີວິດໃນວັນທີ 21 ພະຈິກ 1992 ລວມອາຍຸໄດ້ 72 ປີ ແລະ ປີນີ້ຖືວ່າຄົບຮອບ 99 ປີ, ຈົນຮອດປັດຈຸບັນ ປະທານໄກສອນ ພົມວິຫານ ເກີດຢູ່ບ້ານນາເຊັງ, ເມືອງຄັນທະບູລີ ປັດຈຸບັນເປັນນະຄອນໄກສອນ ພົມວິຫານ ແຂວງສະຫວັນນະ ເຂດ. ເມື່ອອາຍຸ 7 ປີ ເພິ່ນໄດ້ເຂົ້າໂຮງຮຽນຊັ້ນປະຖົມພາສາລາວແລ້ວຍັງເຂົ້າ ຮຽນຊັ້ນປະຖົມພາສາຝຣັ່ງທີ່ສະຫວັນນະເຂດ.

- 61dWHWUFfXL - ກະຕັນຍູຮູ້ບຸນຄຸນປະທານໄກສອນ ພົມວິຫານ

       ຈາກນັ້ນໄປຮຽນຕໍ່ວິທະຍາໄລໂປຼເຕັກໂຕຣາທີ່ຮ່າໂນ້ຍ ສສ ຫວຽດ ນາມ ເຊິ່ງສະໄໝນັ້ນຫວຽດນາມຍັງຢູ່ໃນເຄືອສະຫະພັນອິນດູຈີນ ອັນມີລາວ, ຫວຽດນາມ ແລະ ກຳປູເຈຍ, ປີ 1943 ເພິ່ນມີອາຍຸໄດ້ 23 ປີຮຽນຈົບອຸດົມ ສຶກສາແລ້ວຮຽນຕໍ່ມະຫາວິທະຍາໄລກົດໝາຍທີ່ຮ່າໂນ້ຍ, ແຕ່ຮຽນໄດ້ພຽງ 2 ປີໂຮງຮຽນຖືກປິດຍ້ອນການລັດຖະປະຫານຂອງຍີ່ປຸ່ນໂຄ້ນລົ້ມການປົກຄອງ ຝຣັ່ງໃນອິນດູຈີນ.

       ຊຸມປີ 1936-1936 ເກີດມີຂະບວນການຕໍ່ສູ້ເພື່ອເສລີພາບ ປະຊາທິປະ ໄຕ ໃນຫວຽດນາມ ປະທານໄກສອນ ພົມວິຫານ ກໍໄດ້ເຂົ້າຮ່ວມໃນຂະບວນ ການດັ່ງກ່າວປີ 1940 ເຂົ້າຮ່ວມການປະຕິວັດຕ້ານຝຣັ່ງ ແລະ ຍີ່ປຸ່ນ.

       ໃນວັນທີ 23 ສິງຫາ 1945 ປະທານໄກສອນ ພົມວິຫານ ເປັນຜູ້ໜຶ່ງ ໃນບັນດາຜູ້ຮັກຊາດຮ່ວມກັນຢຶດອຳນາດຈາກຍີ່ປຸ່ນຢູ່ທີ່ສະຫວັນນະເຂດ. ຕົ້ນປີ 1947 ເຮັດວຽກຢູ່ອົງການໂຄສະນາເຂດ 12 ພາກເໜືອຫວຽດນາມ, ວັນທີ 27 ກຸມພາ 1948 ສູນກາງພັກກອມມູນິດ ອິນດູຈີນ ໄດ້ຕົກລົງສ້າງຕັ້ງກອງ ຕະລຸມບອນເຂດລາວເໜືອປະທານໄກສອນ ພົມວິຫານ ໄດ້ຖືກມອບໝາຍໃຫ້ ເປັນຫົວໜ້າ, ໄດ້ເຂົ້າເປັນສະມາຊິກພັກສົມບູນຂອງພັກກອມມູນິດອິນດູຈີນ ໃນວັນທີ 28 ກໍລະກົດ 1940.

ເດືອນສິງຫາປີ 1950 ກອງປະຊຸມ ໃຫຍ່ແນວລາວຕໍ່ຕ້ານ ປະທານໄກ ສອນ ພົມວິຫານ ໄດ້ຮັບການເລືອກຕັ້ງເປັນກຳມະການໃນຄະນະອຳນວຍ ການສູນກາງແນວລາວອິດສະຫລະ ແລະ ເປັນລັດຖະມົນຕີວ່າ ການກະຊວງ ປ້ອງກັນຊາດລັດຖະບານລາວຕໍ່ຕ້ານ. ໃນວັນທີ 11-19 ກຸມພາ 1951 ກອງ ປະຊຸມໃຫຍ່ຄັ້ງທີ II ຂອງພັກກອມມູນິດອິນດູຈີນໄດ້ມີມະຕິຕົກລົງສ້າງຕັ້ງສາມ   ພັກຂອງໃຜມັນຄືພັກກອມມູນິດຫວຽດນາມ, ພັກປະຊາຊົນລາວ ແລະ ພັກປະ ຊາຊົນກຳປູເຈຍ ປະທານໄກສອນ ພົມວິຫານ ໄດ້ຖືກມອບໝາຍຈາກກອງປະ ຊຸມໃຫ້ພ້ອມກັບບັນດາສະຫາຍລາວສ້າງຕັ້ງພັກຂອງຕົນຂຶ້ນຈົນມາຮອດວັນທີ  22 ມີນາ 1955 ຈຶ່ງໄດ້ປະກາດສ້າງຕັ້ງພັກປະຊາຊົນລາວຢ່າງເປັນທາງການ ແລະ ເພິ່ນເອງກໍໄດ້ຮັບການເລືອກຕັ້ງເປັນເລຂາທິການໃຫຍ່ຂອງພັກຈົນ ຕະຫລອດຊີວິດບັ້ນປາຍຂອງເພິ່ນ.

ຍ້ອນມີພັກປະຊາຊົນລາວ ໃນເມື່ອກ່ອນຄືພັກປະຊາຊົນ ປະຕິວັດລາວ ໃນປັດຈຸບັນເປັນຂໍຄຸນແຈໃນການນຳພາການປະຕິວັດລາວ ໄດ້ຮັບໄຊຊະ ນະ ແລະ ສຳເລັດຜົນນັບແຕ່ເວລາເລີ່ມຕົ້ນຈົນຮອດມື້ປະເທດຊາດໄດ້ຮັບການ ປົດປ່ອຍ ແລະ ໄດ້ຍືນຍົງຄົງຕົວມາຮອດປັດຈຸບັນອັນມີປະທານໄກສອນ ພົມວິ ຫານ ເປັນແກນນຳຂອງພັກ, ເປັນຜູ້ວາງແນວທາງຍຸດທະສາດໃນການປະຕິວັດ ຈຶ່ງສາມາດໄດ້ຮັບໄຊຊະນະແຕ່ລະຂັ້ນຕອນບໍ່ວ່າໃນຍຸກການຕໍ່ສູ້ກູ້ຊາດກໍມີຍຸກ ປົກປັກຮັກສາ ແລະ ສ້າງສາປະເທດຊາດ.

ເພາະສະນັ້ນ, ຈຶ່ງເວົ້າໄດ້ວ່າໝາກຜົນອັນລວມຍອດຂອງໄຊຊະນະ ການປະຕິວັດລາວແມ່ນປະທານ ໄກສອນ ພົມວິຫານ ໄດ້ມີຜົນງານອັນຍິ່ງໃຫຍ່ ຕໍ່ການປະຕິວັດລາວ, ສົມກັບເພິ່ນເປັນປັນຍາຊົນ, ມີຄວາມຮູ້ຄວາມສາມາດ ສະຫລາດຫລັກແຫລມກູ້ເອົາບ້ານເອົາເມືອງ, ເປັນວິລະບູລຸດຂອງຊາດລາວ, ຄຸນງາມຄວາມດີຂອງເພິ່ນຕົກນ້ຳບໍ່ໄຫລ, ຕົກໄຟບໍ່ໄໝ້ ເຊິ່ງຍາມໃດພາລະກິດ ປະຕິວັດຂອງເພິ່ນກໍຍັງຢືນຍົງກັບພວກເຮົາຕະຫລອດໄປ./.

- lattana banner 1 - ກະຕັນຍູຮູ້ບຸນຄຸນປະທານໄກສອນ ພົມວິຫານ
- lattana banner - ກະຕັນຍູຮູ້ບຸນຄຸນປະທານໄກສອນ ພົມວິຫານ
-    AD conten website - ກະຕັນຍູຮູ້ບຸນຄຸນປະທານໄກສອນ ພົມວິຫານ
error: Alert: ເນື້ອຫາຂ່າວມີລິຂະສິດ !!