ສະພາບອັກຄີໄພໄລຍະນີ້ເລີ່ມຖີ່ຂຶ້ນ

- 889 - ສະພາບອັກຄີໄພໄລຍະນີ້ເລີ່ມຖີ່ຂຶ້ນ
- Untitled design - ສະພາບອັກຄີໄພໄລຍະນີ້ເລີ່ມຖີ່ຂຶ້ນ

ກົມຕຳຫລວດສະກັດກັ້ນ ແລະ ມອດໄຟ ໃຫ້ຮູ້ວ່າ: ປັດຈຸບັນ, ສິ່ງທີ່ໜ້າເປັນຫ່ວງຄື: ສະພາບອັກຄີໄພເກີດຂຶ້ນ ປັດຈຸບັນ ນີ້, ນັບມື້ຖີ່ຂຶ້ນດັ່ງໃນອາທິດຜ່ານມາ ທົ່ວປະເທດ ມີອັກຄີໄພເກີດຂຶ້ນເກືອບ 10 ຄັ້ງ: ສ່ວນໃຫຍ່ແມ່ນ ຢູ່ ນະຄອນຫລວງວຽງຈັນ, ແຂວງ ຊຽງຂວາງ, ໄຊຍະບູລີ ແລະ ແຂວງ ຈຳປາສັກ ຊຶ່ງມີຜົນເສຍຫາຍ ເຮືອນຊານປະຊາຊົນ ເກືອບ 10 ຫລັງ, ຫ້ອງພັກ ແລະ ອື່ນໆ ລວມມູນຄ່າເສຍຫາຍຫລາຍຕື້ກີບ, ໂດຍສາເຫດສ່ວນໃຫຍ່ແມ່ນໄຟຟ້າລັດວົງຈອນ ແລະ ໄຕ້ທູບທຽນບູຊາ.

ທ່ານ ຄຳເພັດ ດາລາວົງ ຫົວໜ້າພະແນກ ສະກັດກັ້ນ ແລະ ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ໄລຍະເດືອນພະຈິກຜ່ານມາ, ທົ່ວນະຄອນຫຼວງວຽງຈັນ ມີອັກຄີໄພເກີດຂຶ້ນ 8 ຄັ້ງ; ໃນນີ້, ໄຟໄໝ້ເຮືອນປະຊາຊົນ 2 ຄັ້ງ; ໄໝ້ຮ້ານຂາຍເຄື່ອງ 2 ຄັ້ງ; ໄໝ້ຮ້ານຂາຍຂອງກິນສຸກ 1 ຄັ້ງ, ສາເຫດຫຼັກທີ່ພາໃຫ້ເກີດອັກຄີໄພແມ່ນ ໄຟຟ້າຊັອດ; ໄຟໄໝ້ລົດພວງແກ່ສະແຕັກນໍ້າມັນ 1 ຄັ້ງ, ມີມູນຄ່າເສຍຫາຍປະມານ ສອງຕື້ກີບ, ສາເຫດຍ້ອນອຸບັດຕິເຫດລົດຕໍາກັນ. ນອກນັ້ນ, ຍັງເກີດໄຟໄໝ້ປ່າ-ທົ່ງນາ 1 ຄັ້ງ, ແລະ ໄຟໄໝ້ຮ້ານອາຫານ 8 ຮ້ານ ແລະ ຕູບນ້ອຍ 56 ຫຼັງ ຢູ່ບ້ານສໍາພະນາ ເມືອງສັງທອງ, ສົ່ງຜົນເສຍຫາຍ 499 ລ້ານກວ່າກີບ, ສ່ວນສາເຫດທີ່ພາໃຫ້ເກີດອັກຄີໄພຄັ້ງນີ້ ຍັງຢູ່ໃນຂັ້ນຕອນການສືບສວນ-ສອບສວນ ດຳເນີນຄະດີ ຂອງເຈົ້າໜ້າທີ່.

ຫົວໜ້າພະແນກສະກັດກັ້ນ ແລະ ມອດໄຟ ນະຄອນຫລວງວຽງຈັນ ໃຫ້ຮູ້ວ່າ: ໃນໄລຍະສະເຫຼີມສະຫຼອງສົ່ງທ້າຍປີເກົ່າ ແລະ ຕ້ອນຮັບປີໃໝ່ສາກົນນີ້, ຂໍຮຽກຮ້ອງໃຫ້ທົ່ວສັງຄົມຕ້ອງມີສະຕິກວ່າເກົ່າ ໃນການໃຊ້ຟືນໄຟ; ພ້ອມທັງຕັກເຕືອນລູກຫຼານຫ້າມບໍໃຫ້ຈູດ ຫຼື ຈໍາໜ່າຍໝາກກະໂພກ ແລະ ບັ້ງໄຟດອກທຸກຊະນິດ, ທີ່ຈະເປັນຄວາມສ່ຽງພາໃຫ້ເກີດອັກຄີໄພໄດ້ງ່າຍ ແລະ ຂາດຄວາມເປັນລະບຽບຮຽບຮ້ອຍ. ນອກນັ້ນ, ການໃຕ້ທູບ-ທຽນບູຊາຕ່າງໆ ຄວນມອດໄພໃຫ້ຄັກແນ່ ແລະ ຕ້ອງປິດສະວິກ ຫຼື ຖອດປັກສຽບໄຟໃຫ້ຄັກແນ່ກ່ອນຈະອອກຈາກເຮືອນ ເພື່ອຮັບປະກັນບໍ່ໃຫ້ເກີດເຫດການອັນບໍ່ເພິ່ງປະສົງ, ທີ່ຈະສ້າງຄວາມເສຍຫາຍດ້ານຊັບສິນ ແລະ ຊີວິດຂຶ້ນໄດ້ ແລະ ຖ້າເກີດເຫດໄຟໄໝ້ກໍໃຫ້ຮີບຮ້ອນແຈ້ງເຈົ້າໜ້າທີ່ທັນທີ ຫຼື ໂທແຈ້ງເບີ 1190 ໄດ້ຕະຫຼອດ 24 ຊົ່ວໂມງ ເພື່ອເຂົ້າມອດໄຟໃຫ້ທັນການ; ທັງນີ້ ກໍເພື່ອແນ່ໃສເຮັດໃຫ້ການສະເຫຼີມສະຫຼອງສົ່ງທ້າຍປີເກົ່າ, ຕ້ອນຮັບປີໃໝ່ສາກົນ 2020 ມີຄວາມເບີກບານມ່ວນຊື່ນ ແລະ ຄືກຄື້ນ.

- Wave100S AD to Website 2020 0 - ສະພາບອັກຄີໄພໄລຍະນີ້ເລີ່ມຖີ່ຂຶ້ນ
- WhatsApp Image 2020 05 27 at 5 - ສະພາບອັກຄີໄພໄລຍະນີ້ເລີ່ມຖີ່ຂຶ້ນ
- WhatsApp Image 2020 05 27 at 5 - ສະພາບອັກຄີໄພໄລຍະນີ້ເລີ່ມຖີ່ຂຶ້ນ
error: Alert: ເນື້ອຫາຂ່າວມີລິຂະສິດ !!