ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ

- 114 1 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
- 174233 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ

   ໃນໂອກາດເຂົ້າຮ່ວມ ແລະ ໂອ້ລົມຕໍ່ກອງປະຊຸມຕິດຕາມ,​ ກວດກາ ​ແລະ ​ແຜນ​ວຽກ​ຈຸດ​ສຸມ​ຂອງ​ຂະ​ແໜງ​ສ່ວຍ​ສາ​ອາກອນຄັ້ງທີ 4 ປະຈຳ​ປີ 2019 ທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ ໃນທ້າຍອາທິດຜ່ານມານີ້ ໄດ້ຊີ້ນໍາໃຫ້ພະນັກງານສ່ວຍສາອາກອນນັບທັງສູນກາງ ແລະ ທ້ອງຖິ່ນເພີ່ມທະວີຄວາມເອົາໃຈໃສ່ໃນການປະຕິບັດໜ້າທີ່ດ້ວຍຄວາມຮັບຜິດຊອບສູງ ໂດຍສະເພາະສູ້ຊົນການຈັດເກັບລາຍຮັບສ່ວຍສາອາກອນໃຫ້ໄດ້ຕາມ ແຜນວາງໄວ້, ພາຍຫລັງເຫັນວ່າ​ຈັດ​ເກັບ​ລາຍ​ຮັບ​ສ່ວຍ​ສາ​ອາກອນໃນ 11 ​ເດືອນຜ່ານມາ​ບັນລຸໄດ້ພຽງ 9.500 ຕື້ກວ່າກີບ ​ເທົ່າ​ກັບ 77% ຂອງແຜນການປີ​ເທົ່າ​ນັ້ນ. ໃນນີ້, ​ກົມ​ສ່ວຍ​ສາ​ອາກອນ​ປະຕິບັດ​ໄດ້ 5.593 ຕື້ກວ່າກີບ, ທ້ອງຖິ່ນຕ່າງໆ​ປະຕິບັດ​ໄດ້ 3.916 ຕື້ກວ່າກີບ ແລະ ພູດລາຍ​ຮັບ​ວິຊາ​ການ, ຄ່າ​ທຳນຽມ ​ແລະ ວີຊາ​ຂອງ​ກົມ​ສ່ວຍ​ສາ​ອາກອນ ປະຕິບັດ​ໄດ້ 1.500 ຕື້ກວ່າກີບ.

  ທ່ານລັດຖະມົນຕີກະຊວງການເງິນ ໄດ້ເນັ້ນວ່າ: ​ເພື່ອຮັບປະກັນການເກັບລາຍຮັບຈາກສ່ວຍສາອາກອນບັນລຸແຜນການວາງໄວ້ໃນ​ເດືອນ​ທັນວານີ້, ຂະແໜງການກ່ຽວຂ້ອງຕ້ອງເລັ່ງ​ຕິດຕາມ​ການ​ແບ່ງ​ຄວາມ​ຮັບຜິດຊອບ​ໃຫ້​ວິຊາ​ການ​ຢ່າງ​ຂາດ​ຕົວໃນຈຳນວນ 438 ຫົວໜ່ວຍ ເພື່ອ​ເລັ່ງຕິດຕາມ​ການ​ປະຕິບັດ​ລາຍ​ຮັບ-ລາຍ​ຈ່າຍ, ຄ່າ​ທຳນຽມ ​ແລະ ກອງ​ທຶນ​ຕ່າງໆ ​ນັບແຕ່​ສູນ​ກາງ​ຮອດ​ທ້ອງ​ຖິ່ນ​ໃຫ້​ທັນ​ເວລາ, ສືບ​ຕໍ່​ໂຄສະນາ​ຄ່າ​ທຳນຽມ​ທາງ ​ແລະ ພາສີ​ທີ່​ດິນ​ໃຫ້​ສັງຄົມ​ຮັບ​ຮູ້​ກວ້າງຂວາງຫລາຍ​ຂຶ້ນ, ສືບ​ຕໍ່​​ເລັ່ງທວງ​ໜີ້​ຄ້າງ​ມອບ​ຈາກ​ການ​ກວດກາ​ທີ່​ມີ​ບົດ​ບັນທຶກ​ແລ້ວ, ພ້ອມທັງສົມທົບ​ກັບ​ກົມ​ພາສີ​ອອກ​ມາດ​ຕະການ​ນຳ​ເຂົ້າສິນຄ້າ ແລະ ​ລົງ​ຊຸກຍູ້​ບັນດາ​ຫົວໜ່ວຍ​ວິ​ສາ​ຫະກິດ​ໃຫ້​ປະຕິບັດ​ອາກອນ​ມູນ​ຄ່າ​ເພີ່ມ, ຂຶ້ນທະບຽນ​ນໍາ​ໃຊ້​ເຄື່ອງ​ບັນທຶກ​ການ​ຂາຍ-ບໍລິການ ​ແລະ ຮັບຮອງ​ໃບ​ເກັບ​ເງິນ​ໃນນະຄອນຫລວງວຽງຈັນໃຫ້ສໍາເລັດ. ​

- Wave100S AD to Website 2020 0 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
- WhatsApp Image 2020 05 27 at 5 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
- WhatsApp Image 2020 05 27 at 5 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
- WhatsApp Image 2020 05 27 at 5 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
- WhatsApp Image 2020 05 27 at 5 - ຮອງນາຍົກຊີ້ນໍາຂະແໜງສ່ວຍ​ສາ​ອາກອນສູ້ຊົນເກັບລາຍຮັບໃຫ້ໄດ້ຫລາຍ
error: Alert: Content is protected !!