ສຕລ ຊີ້ແຈງຜົນງານໃນຊີເກມຄັ້ງທີ 30.

- Lpn4 - ສຕລ ຊີ້ແຈງຜົນງານໃນຊີເກມຄັ້ງທີ 30.
- Untitled design - ສຕລ ຊີ້ແຈງຜົນງານໃນຊີເກມຄັ້ງທີ 30.

    ໃນໂອກາດຈັດກອງປະຊຸມສະຫລຸບວຽກງານຂອງສະຫະພັນບານເຕະແຫ່ງຊາດລາວໃນວັນທີ 14 ທັນວານີ້ ທ່ານ ວີເພັດ ສີຫາຈັກ ປະທານສະຫະພັນດັ່ງກ່າວໄດ້ໃຫ້ສຳພາດຕໍ່ນັກຂ່າວລາວພັດທະນາ ກ່ຽວກັບຜົນງານການແຂ່ງຂັນຂອງທີມຊາດລາວ ໃນງານຊີເກມ ຄັ້ງນີ້ວ່າ: ທີມຊາດລາວ ສາມາດເກັບຄະແນນການແຂ່ງຂັນໂດຍ ການສະເໝີທີມຊາດສິງກະໂປ 0-0, ຊະນະທີມຊາດບູໄນ 3-0 , ເສຍໃຫ້ທີມຊາດຫວຽດນາມ 6-1, ເສຍທີມຊາດໄທ 2-0,ແລະເສຍໃຫ້ທີມຊາດອິນໂດເນເຊຍ 4-0 ໄດ້ພຽງ 4 ຄະແນນ, ຊຶ່ງເປັນຜົນງານທີ່ໜ້າພໍໃຈ ແລະ ໝັ້ນໃຈວ່າໃນຕໍ່ໜ້າທີມຊາດລາວຈະມີຜົນງານດີຂຶ້ນ ໂດຍສະເພາະການແຂ່ງຂັນກິລາບານເຕະຮຸ່ນອາຍຸ ບໍ່ເກີນ 19 ປີ ແລະ ຮຸ່ນອື່ນໆ

    ປະທານສະຫະພັນບານເຕະແຫ່ງຊາດລາວ ໃຫ້ຮູ້ວ່າ: ໃນການແຂ່ງຂັນກິລາຊີເກມຄັ້ງທີ 30 ນີ້, ທີມຊາດລາວ ໄດ້ໃຊ້ຜູ້ຫລີ້ນໜ້າໃຫມ່ເປັນສ່ວນຫລາຍ, ບວກກັບ ນັກເຕະມີອາຍຸນ້ອຍ ແລະ ການເກັບໂຕມີໄລຍະເວລາສັ້ນພຽງ 3 ເດືອນ, ເຮັດໃຫ້ນັກເຕະບາງຄົນບໍ່ສາມາດປັບຕົວເຂົ້າກັບກົນລະຍຸດຂອງຄູຝຶກ ແລະ ອື່ນໆໄດ້, ພ້ອມດຽວກັນນັ້ນ ການພັດທະນາບານເຕະຂອງແຕ່ລະຊາດເລີ່ມມີການແຂ່ງຂັນສູງຂຶ້ນ ເຮັດໃຫ້ເຮົາຕ້ອງໄດ້ປັບປຸງເປັນຕົ້ນແມ່ນດ້ານທັກສະ, ພະລະກຳລັງ ແລະ ອື່ນໆໃຫ້ໂດດເດັ່ນໃນການແຂ່ງຂັນ.

    ແນວໃດກໍດີ, ທາງສະຫະພັນໄດ້ວາງແຜນພັດທະນາທີມຊາດລາວ ໃຫ້ສາມາດແຂ່ງຂັນ ແລະ ສ້າງຜົນງານໂດດເດັ່ນໃນການແຂ່ງຂັນທຸກລາຍການ, ເປັນຕົ້ນຈະໄດ້ຈັດສົ່ງນັກກິລາເຂົ້າເກັບຕົວຢູ່ຕ່າງປະເທດ, ພ້ອມກັນນັ້ນ ກໍຍັງວາງແຜນສ້າງນັກກິລາຮຸ່ນສືບທອດ ເພື່ອຕິດທີມຊາດ ເຂົ້າແຂ່ງຂັນລາຍການສຳຄັນຂອງອາຊຽນ ແລະ ຕ່າງປະເທດໃຫ້ຫລາຍຂຶ້ນ.

- Wave100S AD to Website 2020 0 - ສຕລ ຊີ້ແຈງຜົນງານໃນຊີເກມຄັ້ງທີ 30.

    ສຳລັບການກຽມຄວາມພ້ອມແຂ່ງຂັນຂອງທີມຊາດລາວ ໃນປີ 2020 ຄື: ຈະເຂົ້າຮ່ວມແຂ່ງຂັນລາຍການນອກປະເທດທີ່ ຟີຟ່າ (FIFA) ຈະຈັດຂຶ້ນອີກ 10 ລາຍການປະກອບມີ: ລາຍການ Jenesys U-19 Invitational Tournament, AFF U15 Girls Championship, FIFA Days (ຊຸດໃຫຍ່), AFF U18 Women’s Championship, AFF Women’s Championship (ຊຸດໃຫຍ່),  AFF U16 Championship, AFF U19 Championship, AFC U-19 Championship (final rounds), AFF Suzuki Cup (ຊຸດໃຫຍ່) ແລະ AFC Solidarity Cup (ຊຸດໃຫຍ່) ໃຫ້ມີຜົນງານດີຂື້ນ.

- WhatsApp Image 2020 05 27 at 5 - ສຕລ ຊີ້ແຈງຜົນງານໃນຊີເກມຄັ້ງທີ 30.
- WhatsApp Image 2020 05 27 at 5 - ສຕລ ຊີ້ແຈງຜົນງານໃນຊີເກມຄັ້ງທີ 30.
error: Alert: ເນື້ອຫາຂ່າວມີລິຂະສິດ !!