ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ

- 314 - ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ
- Untitled design - ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ

  ເມື່ອບໍ່ດົນມານີ້, ເຈົ້າໜ້າທີ່ ປກສ ແຂວງຊຽງຂວາງ ໄດ້ນໍາຕົວທ້າວ ວ່າ​ປາວ ອາຍຸ 36 ປີຢູ່​ບ້ານ​ໂພນ​ສະຫວັນ​ເໜືອ, ​ເມືອງ​ແປກ​ແຂວງ​ຊຽງ​ຂວາງ ມາເຮັດແຜນຄະດີ ເພື່ອສົ່ງໄອຍະການສັ່ງຟ້ອງສານຕັດສີນລົງໂທດຕາມລະບຽບກົດໝາຍ, ພາຍຫລັງຜູ້ກ່ຽວໃຊ້ອາວຸດສົງຄາມ (ລະເບີດ) ປຸ້ນເອົາລົດໃຫຍ່ຂອງພົນລະເມືອງສອງຄັ້ງໃນໄລຍະທ້າຍເດືອນພະຈິກຜ່ານມານີ້, ແຕ່ຖືກເຈົ້າໜ້າທີ່ໄລ່ຕິດຕາມຈັບຕົວມາດໍາເນີນໄດ້​ແລ້ວ.

  ເຈົ້າໜ້າທີ່ ໃຫ້ຮູ້ວ່າ: ​ພາຍຫລັງໄດ້ຮັບລາຍງານຈາກພົນລະເມືອງວ່າເວລາປະມານ 9:00 ​ໂມງຂອງ​ວັນ​ທີ 28 ພະຈິກ ໄດ້​ມີ​ຄົນ​ຮ້າຍນຳ​ໃຊ້​ອາວຸດສົງຄາມ (ລະເບີດ) ​ນາບ​ຂູ່​ເອົາ​ລົດ​ຕູ້​ສະຕາ​ແລັກ​ຂອງພົນລະເມືອງ​ແລ້ວ​ຂັບ​ຂີ່ຫລົບໜີ​ໄປ​ຕາມ​ເສັ້ນທາງ​ເລກ 7A ໄປ​ເມືອງ​ຄຳ, ຈາກ​ນັ້ນຈຶ່ງ​ໄດ້​ປະສານ​ສົມທົບ​ກັບ​ເຈົ້າໜ້າ​ທີ່ ປກສ ກຸ່ມ​ຍອດ​ງື່ມ, ເມືອງແປກ ໃຫ້ຕິດຕາມ ແລະ ຕັ້ງຈຸດ​ສະກັດຕາມເສັ້ນທາງຕ່າງໆ ແລະ ​ພົບ​ເຫັນ​ລົດ​ເປົ້າໝາຍ​​ແລ່ນມາ​ດ້ວຍ​ຄວາມ​ໄວ ແລະ ຜ່ານດ່ານກວດກາ, ເຈົ້າໜ້າທີ່ຈຶ່ງໄດ້​ໃຊ້ປືນຍິງຕີນລົດເພື່ອ ສະກັດ​​ໃຫ້ຈອດ, ຈາກນັ້ນທ້າວ ວ່າ​ປາວ ຈຶ່ງ​ໄດ້​ແລ່ນ​ໜີ​ເຂົ້າປ່າ​ເຂດ​ບ້ານ​ຍອດ​ງື່ມ. ​ແລ້ວກໍສືບຕໍ່​ໄປ​ປຸ້ນ​ເອົາ​ລົດ​ກະບະ​ຮຸນ​ໄດຂອງປະຊາຊົນຫລົບໜີໄປອີກ, ພໍ​ໄປ​ຮອດ​ບ້ານ​ຜັກ​ແຄະ​ໃຕ້ ເມືອງ​ໜອງ​ແຮດ, ເຈົ້າໜ້າທີ່ໄດ້​ລັດຍິງສະກັດ​ລົດໃຫ້ຢຸດ ແລະ ຈັບ​ຕົວ, ພ້ອມ​ລະ​ເບີດດັ່ງກ່າວມາດໍາເນີນຄະດີຕາມລະບຽບກົດໝາຍ.

- Wave100S AD to Website 2020 0 - ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ
- WhatsApp Image 2020 05 27 at 5 - ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ
- WhatsApp Image 2020 05 27 at 5 - ໂຈນປຸ້ນລົດ​ໃຫຍ່ຕົວອັນຕະລາຍຖືກ​ຈັບ​ຕົວ​ມາດໍາເນີນຄະດີ​ແລ້ວ
error: Alert: ເນື້ອຫາຂ່າວມີລິຂະສິດ !!