ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ

- 998 1 - ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ
- Untitled design - ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ

     ເມື່ອທ້າຍອາທິດຜ່ານມານີ້, ຢູ່ ສະໜາມກຳຈັດຂີ້ເຫຍື້ອ ຫຼັກ 32 ເມືອງໄຊທານີ ນະຄອນຫຼວງວຽງຈັນ, ໄດ້ມີການທຳລາຍສິນຄ້າປະເພດຢາສູບທີ່ນຳເຂົ້າຈາກປະເທດໃກ້ຄຽງ  ໂດຍບໍ່ມີເອກະສານອະນຸຍາດນຳເຂົ້າຈາກພາກສ່ວນທີ່ກ່ຽວຂ້ອງ ມີມູນຄ່າກ່ວາ 80 ລ້ານກີບ,  ໂດຍມີ ທ່ານ ພັນໂທ ຄຳພອນ ພົມມະຈັນ ຮອງຫົວໜ້າພະແນກຕຳຫຼວດປ້ອງກັນເສດຖະກິດ ຜູ້ຊີ້ນໍາວຽກງານຕ້ານການຄ້າຂາຍເຖື່ອນ ຫ້ອງຕຳຫຼວດ ປກສ ນະຄອນຫຼວງວຽງຈັນ, ມີບັນດາພະນັກງານທີ່ກ່ຽວຂ້ອງເຂົ້າຮ່ວມ.

     ປກສ ນະຄອນຫລວງວຽງຈັນ ໃຫ້ຮູ້ວ່າ: ສິນຄ້າທີ່ນຳມາທຳລາຍຄັ້ງນີ້ ແມ່ນສິນຄ້າທີ່ລັກລອບນຳເຂົ້າມາຈຳໜ່າຍ ໂດຍບໍ່ມີເອກະສານອະນຸຍາດນຳເຂົ້າຈາກພາກສ່ວນທີ່ກ່ຽວຂ້ອງ; ເຊິ່ງໃນວັນທີ 25 ພະຈິກ 2019 ເວລາ 15 ໂມງ ໄດ້ຮັບລາຍງານຈາກພົນລະເມືອງດີວ່າ: ມີລົດກະບະຮຸ່ນໄດ ໝາຍເລກທະບຽນ ກຈ 0065 ໄດ້ເຄື່ອນຍ້າຍສິນຄ້ານຳເຂົ້າທີ່ຜິດກົດໝາຍ ອອກຈາກຄິວລົດເມສາຍໃຕ້, ມຸ່ງໜ້າມານະຄອນຫຼວງວຽງຈັນ ຈາກນັ້ນ, ເຈົ້າໜ້າທີ່ຕຳຫຼວດປ້ອງກັນເສດຖະກິດ ໄດ້ອອກຕິດຕາມກວດກາ ຈິ່ງພົບເຫັນລົດເປົ້າໝາຍຢູ່ເຂດບ້ານ ດົງຊຽງດີ, ເມືອງນາຊາຍທອງ ນະຄອນຫຼວງວຽງຈັນ, ຜ່ານການກວດຄົ້ນຂອງເຈົ້າໜ້າທີ່ຕຳຫຼວດ ພົບເຫັນສິນຄ້າບໍ່ໄດ້ເສຍພາສີນຳເຂົ້າຈາກພາກສ່ວນທີ່ກ່ຽວຂ້ອງມີ: ຢາສູບຍີ່ຫໍ້ເອເຊ່ຊອງສີຟ້າ 3 ແກັດ, ຍີ່ຫໍ້ເອເຊຊອງສີດຳ 13 ແກັດ, ຍີ່ຫໍ້ປິ່ນຟາຍ ຊອງສີຟ້າ 5 ແກັດ, ຍີ່ຫໍ້ແອວແອນເອັມ 1 ແກັດ, ຍີ່ຫໍ້ມາລູນາ 11 ແກັດ, ຍີ່ຫໍ້ປີລາມິດ 2 ແກັດ ລວມທັງໝົດ 35 ແກັດ, ເປັນເງິນ 80 ລ້ານກວ່າກີບ.

    ເຈົ້າໜ້າທີ່ໃຫ້ຮູ້ວ່າ: ປັດຈຸບັນ ໄດ້ປະສານສົມທົບກັບພາກສ່ວນກ່ຽວຂ້ອງ, ລົງກວດກາຢ່າງເຂັ້ມງວດກ່ຽວກັບການນຳເຂົ້າສິນຄ້າບໍ່ຖືກຕ້ອງ, ໂດຍສະເພາະໃນໄລຍະສະເຫລີມສະຫລອງສົ່ງທ້າຍປີເກົ່າ 2019 ຕ້ອນຮັບປີ  ໃໝ່ 2020, ເພື່ອຄວາມເປັນລະບຽບຮຽບຮ້ອຍ ແລະ ສະກັດກັ້ນສິນຄ້າລັກລອບນຳເຂົ້າໃຫ້ຫລຸດລົງ.

- Wave100S AD to Website 2020 0 - ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ
- WhatsApp Image 2020 05 27 at 5 - ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ
- WhatsApp Image 2020 05 27 at 5 - ນະຄອນຫລວງວຽງຈັນ ທຳລາຍຢາສູບຜິດກົດໝາຍ ມູນຄ່າ 80 ລ້ານກວ່າກີບ
error: Alert: ເນື້ອຫາຂ່າວມີລິຂະສິດ !!