ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ

- 55 1 - ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ
- Untitled design - ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ

     ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ໃນ​ວັນ​ທີ 19-22 ທັນວາ​ນີ້ ຢູ່​ບາງ​ທ້ອງ​ຖິ່ນ​ແຂວງ​ພາກ​ເໜືອ ຈະ​ມີ​ຝົນຕົກ​ໃນ​ລະດັບ​ຄ່ອຍ ​ເນື່ອງ​ຈາກ​ລົມ​ຕາ​ເວັນ​ອອກ-ຕາ​ເວັນ​ອອກສຽງ​ເໜືອ​ພັດ​ປົກ​ຄຸມ​ເປັນ​ສ່ວນ​ໃຫຍ່. ຂະນະ​ດຽວ​ກັນ, ຄວາມ​ກົດ​ດັນ​ສູງ​ຂອງ​ອາກາດ​ເຢັນ​ທີ່​ປະ​ເທດ​ຈີນ​ຈະ​ເພີ່ມ​ກຳລັງ​ແຮງ​ຂຶ້ນ​ເລັກ​ໜ້ອຍ ​ແລະ ​ແຜ່​ລົງ​ມາ​ປົກ​ຄຸມ​ທົ່ວ​ທຸກ​ພາກ​ຂອງ​ປະ​ເທດ​ເຮົາ ​ເຊິ່ງຈະ​ເຮັດ​ໃຫ້​ອາກາດ​ຈະ​ເຢັນ​ລົງ​ປະມານ 1-2 ອົງສາ ​ໃນ​ແຕ່​ລະ​ພາກ.

     ສຳລັບ​ສະພາບ​ອາກາດ​ໃນ​ແຕ່​ລະ​ພາກ​ມີ​ດັ່ງ​ນີ້: ພາກ​ເໜືອ​ດ້ານ​ຕາ​ເວັນ​ອອກ​ຈະ​ມີ​ຝົນຕົກ​ໃນ​ລະດັບ​ຄ່ອຍ ​ແລະ ອາກາດ​ຈະ​ເຢັນ​ລົງ 1-2 ອົງສາ ພ້ອມ​ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ​ແຂວງ​ຜົ້ງສາລີ, ຫົວພັນ ​ແລະ ຊຽງ​ຂວາງ ອຸນຫະພູມ​ແຕ່ 7-26 ອົງສາ. ພາກ​ເໜືອ​ດ້ານ​ຕາ​ເວັນ​ຕົກ​ຈະ​ມີ​ຝົນຕົກ​ໃນ​ລະດັບ​ຄ່ອຍ ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ. ພາກ​ກາງ​ອາກາດ​ຈະ​ເຢັນ​ຫາ​ໜາວ​ເຢັນ​ໃນ​ຕອນ​ກາງຄືນ​ຫາ​ຕອນ​ເຊົ້າ ພ້ອມ​ມີ​ໝອກ​ບາງ​ປົກ​ຫຸ້ມ​ຢູ່​ທົ່ວ​ໄປ ​ແລະ ອາກາດ​ຈະ​ຮ້ອນ​ຂຶ້ນ​ໃນ​ຕອນ​ບ່າຍ ອຸນຫະພູມ​ແຕ່ 11-32 ອົງສາ. ພາກ​ໃຕ້​ອາກາດ​ຈະ​ໜາວ​ຫາ​ໜາວ​ເຢັນ​ໃນ​ຕອນ​ກາງຄືນ ​ແລະ ຕອນ​ເຊົ້າ ພ້ອມ​ມີ​ໝອກ​ປົກ​ຫຸ້ມ​ຢູ່​ທົ່ວ​ໄປ ​ແລະ ມີ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ ​ອາກາດ​ຈະ​ຮ້ອນ​ຂຶ້ນ​ໃນ​ຕອນ​ບ່າຍ​ ອຸນຫະພູມ​ແຕ່ 17-34 ອົງສາ.

- Wave100S AD to Website 2020 0 - ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ
- WhatsApp Image 2020 05 27 at 5 - ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ
- WhatsApp Image 2020 05 27 at 5 - ອາທິດ​ນີ້​ຈະ​ມີ​ຝົນຕົກ​ຢູ່​ບາງ​ທ້ອງ​ຖິ່ນ
error: Alert: ເນື້ອຫາຂ່າວມີລິຂະສິດ !!