ໂບອິ້ງ ຈະ​ຢຸດ​ການ​ຜະລິດ​ເຮືອບິນ 737 ​ແມັກ

- 22 3 - ໂບອິ້ງ ຈະ​ຢຸດ​ການ​ຜະລິດ​ເຮືອບິນ 737 ​ແມັກ
- AGL banner - ໂບອິ້ງ ຈະ​ຢຸດ​ການ​ຜະລິດ​ເຮືອບິນ 737 ​ແມັກ

      ບໍລິສັດ ​ໂບອິ້ງ ​ໂຄ ອອກ​ຖະ​ແຫລ​ງການຢືນຢັນ​ວ່າ: ບໍລິສັດ​ຈະ​ຢຸດ​ການ​ຜະລິດ​ເຮືອບິນ ລຸ້ນ 737 ​ແມັກ ຊົ່ວຄາວ ​ໂດຍ​ຈະ​ເລີ່​ມ​ແຕ່​ເດືອນ​ມັງກອນ 2020 ​ເນື່ອງ​ຈາກ​ຄວາມ​ກັງວົນ​ດ້ານ​ຄວາມ​ປອດ​ໄພ ຫລັງ​ຈາກ​ເກີດ​ເຫດການ​ເຮືອບິນ​ລຸ້ນ 737 ​ແມັກ​ຂອງ​ໂບອິ້ງຕົກ 2 ຄັ້ງ ​ແລະ ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຈຳນວນ​ຫລາຍ.

     ​ໂບອິ້ງ ອອກ​ຖະ​ແຫລ​ງການ​ໃນ​ວັນ​ທີ 16 ທັນວາ​ຕາມ​ເວລາ​ຢູ່​ອາ​ເມ​ລິ​ກາ​ວ່າ: ປັດຈຸບັນ ​ໂບອິ້ງມີ​ເຮືອບິນ​ລຸ້ນ 737 ​ແມັກ ຄ້າງ​ສາງ​ຈຳນວນ 400 ລຳ ​ເນື່ອງ​ຈາກ​ໜ່ວຍ​ງານ​ເບິ່ງ​ແຍງ​ດ້ານ​ການບິນ​ໄດ້​ສັ່ງ​ຢຸດ​ການ​ຂຶ້ນບິນ​ຂອງ​ເຮືອບິນ​ລຸ້ນດັ່ງກ່າວ. ດ້ວຍ​ເຫດ​ນີ້ ​ໂບອິ້ງຈຶ່ງ​ຕັດສິນ​ໃຈ​ນຳ​ເອົາ​ເຮືອບິນ​ທີ່​ເຫລືອ​ຢູ່​ໃນ​ສາງ​ອອກ​ມາ​ທະຍອຍ​ສົ່ງ​ມອບ​ໃຫ້​ລູກ​ຄ້າ ​ແລະ ຈະ​ຢຸດ​ການ​ຜະລິດ​ເຮືອບິນ 737 ​ແມັກ​ຊົ່ວຄາວ ​ໂດຍ​ຈະ​ເລີ່​ມ​ແຕ່​ເດືອນ​ໜ້າ​ເປັນຕົ້ນ​ໄປ.

     ທັງ​ນີ້ ​ໂບອິ້ງ ລະບຸ​ວ່າ: ການ​ຕັດສິນ​ໃຈ​ຢຸດ​ການ​ຜະລິດ​ເຮືອບິນ 737 ​ແມັກ ສ່ວນ​ໜຶ່ງ​ເປັນ​ຜົນ​ມາ​ຈາກ​ຄວາມ​ບໍ່​ແນ່ນອນ​ຂອງ​ໄລຍະ​ເວລາ ​ແລະ ​ເງື່ອນ​ໄຂ​ໃນ​ການ​​ເອົາ​ເຮືອບິນ​ລຸ້ນດັ່ງກ່າວ​ກັບ​ມາ​ໃຫ້​ບໍລິການ​ອີກ.

- Wave100S AD to Website 2020 0 - ໂບອິ້ງ ຈະ​ຢຸດ​ການ​ຜະລິດ​ເຮືອບິນ 737 ​ແມັກ

     ​ໃນ​ວັນ​ທີ 10 ມີນາ​ປີ​ນີ້ ​ເຮືອບິນ​ໂບອິ້ງ 737 ​ແມັກ 8 ຂອງ​ສາຍ​ການບິນ​ເອທິ​ໂອ​ປີ​ແອ​ລາຍ ປະສົບ​ອຸປະຕິ​ເຫດ​ຕົກ​ຫລັງ​ຈາກ​ຂຶ້ນບິນ​ໄດ້​ພຽງ 6 ນາທີ ​ເຊິ່ງ​ເຮັດ​ໃຫ້​ຜູ້​ໂດຍສານ 157 ຄົນ​ໃນ​ເຮືອບິນ​ເສຍ​ຊີວິດ​ທັງ​ໝົດ ​ໂດຍ​ເຫດການ​ດັ່ງກ່າວ​ເກີດ​ຂຶ້ນພຽງ​ຫ້າ​ເດືອນ ຫລັງ​ຈາກ​ເຮືອບິນ​ລຸ້ນດຽວ​ກັນ​ຂອງ​ສາຍ​ການບິນ​ໄລ​ອອນ​​ແອ ຕົກ​ໃນ​ເດືອນ​ຕຸລາ​ປີຜ່ານມາ ​ແລະ ຂ້າ​ຊີວິດ​ຜູ້​ໂດຍສານ​ທັງ​ໝົດ 189 ຄົນ.

- lattana 1 - ໂບອິ້ງ ຈະ​ຢຸດ​ການ​ຜະລິດ​ເຮືອບິນ 737 ​ແມັກ
error: Alert: Content is protected !!