ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້

- 15 - ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້
- Untitled design - ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້

     ລັດຖະບານ​ເມັກ​ຊິກ​ຕົກລົງ​ຂຶ້ນຄ່າ​ຈ້າງ​ຂັ້ນຕໍ່າຕໍ່​ວັນ​ອີກ 20% ​ເຊິ່ງຖື​ເປັນ​ການ​ປັບ​ຂຶ້ນຄັ້ງທີ 2 ​ໂດຍ​ຄ່າ​ຈ້າງ​ຂັ້ນຕໍ່າ​ຕໍ່​ວັນ​ໃໝ່ ​ເຊິ່ງຈະ​ເລີ່​ມ​ໃຊ້​ນັບ​ແຕ່​ວັນ​ທີ 1 ມັງ​ກອນ 2020 ​ເປັນຕົ້ນ​ໄປ ຈະ​ຢູ່​ວັນ​ລະ 123,22 ​ເປ​ໂຊ.

     ປະທານາທິບໍດີ ອັນ​ເດ​ສ ມາ​ນູ​ເອລ ​ໂລ​ເປ​ຊ ​ໂອບຣາດໍ ​ເຊິ່ງ​ເຂົ້າຮັບ​ຕຳ​ແໜ່ງ​ໃນ​ເດືອນ​ທັນວາ​ປີຜ່ານມາ ​ໄດ້​ປະກາດ​ໄວ້​ວ່າ​ຈະ​ຫລຸດ​ຊ່ອງ​ຫວ່າງ​ ລະ​ຫວ່າງ​ຄົນ​ລວຍ​ກັບ​ຄົນ​ທຸກ​ຢູ່​ເມັກ​ຊິກ ​ເຊິ່ງປະຊາກອນ​ເກືອບ​ເຄິ່ງປະ​ເທດ​ຢູ່​ໃນ​ສະພາບ​ທຸກ​ຍາກ ​ເພາະ​ແຮງ​ງານ​ເກືອບ 11 ລ້ານ​ຄົນ​ໄດ້​ຄ່າ​ຈ້າງ​ເທົ່າ​ກັບ​ຄ່າ​ຈ້າງ​ຂັ້ນຕໍ່າ ​ແລະ ​ເດືອນ​ຜ່ານ​ມາ ​ເມັກ​ຊິກ​ຫາ​ກໍຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ 16%. ຂະນະ​ທີ່ ອັດຕາ​ເງິນ​ເຟີ້​ທົ່ວ​ໄປ​ໃນ​ປັດຈຸບັນ​ບັນລຸ 2,97 ​ແລະ ອັດຕາ​ເງິນ​ເຟີ້​ພື້ນຖານ​ບັນລຸ 3,65.

      ສ່ວນ​ທະນາຄານ​ກາງ​ເມັກ​ຊິກ​ຍັງ​ບໍ່​ສະ​ແດງ​ທ່າ​ທີ​ຕໍ່​ການ​ປະກາດ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ໃນ​ຄັ້ງນີ້, ​ແຕ່​ຜູ້​ຊ່ຽວຊານ ລະບຸ​ວ່າ: ການ​ຂຶ້ນຄ່າ​ຈ້າງ​ອີກ ຖື​ເປັນ​ສິ່ງ​ທ້າ​ທາຍ​ສຳຄັນ​ຂອງ​ທະນາຄານ​ກາງ ​ແລະ ອາດ​ຈະ​ເຮັດ​ໃຫ້​ທະນາຄາ​ນກາງ​ຕ້ອງຫລຸດ​ອັດຕາ​ດອກ​ເບ້ຍ​ລົງ ​ເພື່ອ​ຄວບ​ຄຸມ​ອັດຕາ​ເງິນ​ເຟີ້​ພື້ນຖານ​ໃຫ້​ຢູ່​ໃນ​ສະພາບ​ສົມ​ດູ​ນ.

- Wave100S AD to Website 2020 0 - ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້
- WhatsApp Image 2020 05 27 at 5 - ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້
- WhatsApp Image 2020 05 27 at 5 - ເມັກ​ຊິກ​ຂຶ້ນຄ່າ​ຈ້າງ​ຂັ້ນຕໍ່າ​ຕໍ່​ວັນ​ອີກ 20% ຜູ້​ຊ່ຽວຊານ​ກັງວົນ​ເກີດ​ສະພາບ​ເງິນ​ເຟີ້
error: Alert: ເນື້ອຫາຂ່າວມີລິຂະສິດ !!