9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ

- 978 - 9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ
- Untitled design - 9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ

ກອງປະຊຸມປະຈໍາປີ ຂອງກະຊວງແຜນການ ແລະ ການລົງທຶນ ທີ່ໄດ້ຈັດຂຶ້ນໃນວັນທີ 16 ທັນວານີ້, ຢູ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ເພື່ອສະຫຼຸບຕີລາຄາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2019 ແລະ ວາງທິດທາງແຜນການ ປີ 2020, ໂດຍການເປັນປະທານຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ລັດຖະມົນຕີກະຊວງແຜນການ ແລະ ການລົງທຶນ, ຊຶ່ງມີຜູ້ຕາງໜ້າຈາກບັນດາກະຊວງ, ອົົງການທຽບເທົ່າ ແລະ ທ້ອງຖິ່ນຕ່າງໆເຂົ້າຮ່ວມນໍາດ້ວຍ.

ໃນກອງປະຊຸມທ່ານ ນາງ ຄໍາຈັນ ວົງແສນບຸນ ຮອງລັດຖະມົນຕີ ກະຊວງດັ່ງກ່າວ ໃຫ້ຮູ້ວ່າ: ໃນໄລຍະ 9 ເດືອນຜ່ານມາ, ກະຊວງຂອງຕົນໄດ້ອອກອະນຸມັດການລົງທຶນ ຂອງພາກເອກະຊົນພາຍໃນ ແລະ ຕ່າງປະເທດ ຕື່ມອີກ 37 ໂຄງການ, ມີມູນຄ່າການລົງທຶນທັງໝົດຫຼາຍກວ່າ 7.29 ຕື້ໂດລາສະຫະລັດ ແລະ ທຶນຈົດທະບຽນ 2.24 ຕື້ກວ່າໂດລາະຫະລັດ (ສະເພາະສູນກາງອະນຸມັດ) ແລະ ຕົວເລກການນໍາເຂົ້າທຶນຜ່ານລະບົບທະນາຄານ6 ເດືອນ ໃນປີ 2019 ມີຈຳນວນທັງໝົດ 223 ລ້ານກວ່າໂດລາສະຫະລັດ. ສໍາລັບຕົວເລກການຂື້ນທະບຽນວິສາຫະກິດ ຂອງຂະແໜງອຸດສາຫະກຳ ແລະ ການຄ້າ ຈຳນວນ 10.200 ຫົວໜ່ວຍ ຈຳນວນທຶນຈົດທະບຽນທັງໝົດ 74.787 ຕື້ກວ່າກີບຫຼື ເທົ່າກັບ 9,34 ຕື້ກວ່າໂດລາສະຫະລັດ. ເຖິງວ່າມີຕົວເລກການລົງທຶນທີ່ຢູ່ໃນລະດັບຄາດໝາຍກໍ່ຕາມແຕ່ການລົງທຶນສ່ວນໃຫຍ່ ແມ່ນມາຈາກການລົງທຶນສຳປະທານໃນ ຂະແໜງຊັບພະຍາກອນທຳມະຊາດ ແລະ ໂຄງການກໍໍ່ສ້າງພື້ນຖານໂຄ່ງລ່າງເປັນສ່ວນໃຫຍ່.

- Wave100S AD to Website 2020 0 - 9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ

ສຳລັບການລົງທຶນໃນເຂດເສດຖະກິດພິເສດ ປັດຈຸບັນທົ່ວປະເທດມີເຂດເສດຖະກິດພິເສດ ຈຳນວນ 12 ເຂດ ມີເນື້ອທີ່ທັງໝົດ 29.458 ເຮັກຕາ, ແຕ່ເນື້ອທີ່ໄດ້ຮັບການປະຕິບັດຕົວຈິງມີພຽງແຕ່ 12.473 ເຮັກຕາ, ໃນໄລຍະປີ 2019 ອັນພົ້ນເດັ່ນແມ່ນການພັດທະນາພື້ນຖານໂຄງລ່າງ ແລະ ສາມາດດຶງດູດການລົງທຶນ ແລະ ອື່ນໆ ນັບມື້ຫຼາຍຂຶ້ນ ຊິ່ງສະແດງອອກຄື: ມີບໍລິສັດເຂົ້າມາຈົດທະບຽນລົງທຶນທັງໝົດ 114 ບໍລິສັດ, ສ່ວນໃຫຍ່ເປັນບໍລິສັດທີ່ມາຈາກ ສປ ຈີນ, ໄທ ແລະ ຍີ່ປຸ່ນ, ມີທຶນຈົດທະບຽນທັງໝົດ 386 ລ້ານກວ່າໂດລາສະຫະລັດ ແລະ ຄາດຄະເນມູນຄ່າການລົງທຶນທັງໝົດຈະມີປະມານ 713 ລ້ານກວ່າໂດລາສະຫະລັດ, ໃນນີ້ໄດ້ລົງທຶນຕົວຈິງໄປແລ້ວ 1,06 ຕື້ກວ່າໂດລາສະຫະລັດ ຊຶ່ງຫຼາຍກວ່າໝູ່ແມ່ນເຂດສາມຫລ່ຽມຄໍາ, ເຂດບໍ່ເຕ່ນແດນງາມ, ເຂດກວມລວມໄຊເຊດຖາ  ແລະ ເຂດບຶງທາດຫລວງ ແລະ ໃນປີຜ່ານມາສາມາດປະຕິບັດພັນທະເຂົ້າງົບປະມານໄດ້ 11,15 ລ້ານກວ່າໂດລາສະຫະລັດ, ໃນນີ້, ມີອາກອນມອບເໝົາຈາກກິດຈະ ການກາຊີໂນ 2 ລ້ານໂດລາສະຫະລັດ, ຄ່າສຳປະທານທີ່ດີນ 9 ແສນກວ່າໂດລາສະຫະລັດ, ພັນທະອາກອນຕ່າງໆ 2,25 ລ້ານກວ່າໂດລາສະຫະລັດ ແລະ ຄ່າທໍານຽມ-ຄ່າບໍລິການ 6 ລ້ານກວ່າໂດລາສະຫະລັດ; ໄດ້ສ້າງວຽກເຮັດງານທໍາໃຫ້ແຮງານລາວ 1.862 ຄົນ ກວມເອົາ 23%.

- WhatsApp Image 2020 05 27 at 5 - 9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ
- WhatsApp Image 2020 05 27 at 5 - 9 ເດືອນຜ່ານມາ ລາວໄດ້ອະນຸມັດການລົງທຶນຂອງພາກເອກະຊົນ ຕື່ມອີກ 37 ໂຄງການ
error: Alert: ເນື້ອຫາຂ່າວມີລິຂະສິດ !!