ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020

- 021 1 - ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020
- Untitled design - ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020

    ກົມຕຳຫລວດສະກັດກັ້ນ ແລະ ມອດໄຟ ໄດ້ອອກມາເຕືອນໃຫ້ສັງຄົມ ມີສະຕິໃນການນຳໃຊ້ຟືນໄຟ ໃນໄລຍະເທດສະການສະເຫລີມສະຫລອງປີໃໝ່ 2020, ເພາະປັດຈຸບັນ ສະພາບອາດກາດປະເທດເຮົາຂ້ອນຂ້າງແຫ້ງແລ້ງ ມີຄວາມສ່ຽງສູງຕໍ່ການເກີດອັກຄີໄພ ແລະ ຜ່ານມາເກີດຂຶ້ນຢ່າງຕໍ່ເນື່ອງ ແລະ ມີຜົນເສຍຫາຍເປັນຈຳນວນຫລາຍ, ໂດຍສາເຫດຫລັກແມ່ນຍ້ອນໄຟຟ້າລັດວົງຈອນ ແລະ ການໃຕ້ທູບທຽນບູຊາ.

    ທ່ານ ພັນໂທ ວິລະພອນ ວົງຄຳມຸນຕີ ຮອງຫົວໜ້າກົມຕໍາຫລວດ ສະກັດ ກັ້ນ ແລະ ຕ້ານອັກຄີໄພ ໃຫ້ຮູ້ວ່າ: ໃນປີ 2019 ທົ່ວປະເທດ ມີອັກຄີໄພເກີດຂຶ້ນ 197 ຄັ້ງ, ສົ່ງຜົນເຮັດໃຫ້ມີຜູ້ເສຍຊີວິດ 4 ຄົນ, ມີຜົນເສຍຫາຍ, ເຮືອນປະຊາຊົນ 240 ຫລັງ, ສ້າງເກັບມ້ຽນເຄື່ອງ 11 ແຫ່ງ, ຮ້ານບັນເທີງ 1 ແຫ່ງ, ກຸດຕິວັດ ແລະ ອື່ນໆ ລວມມູນຄ່າເສຍຫາຍກ່ວາ 40 ຕື້ກີບ, ສາເຫດການເກີດອັກຄີໄພສ່ວນໃຫຍ່ແມ່ນຍ້ອນ ໄຟຟ້າລັດວົງຈອນມຮ 64 ຄັ້ງ, ຂາດສະຕິໃນການນຳໃຊ້ຟືນໄຟເຊັ່ນ: ໄຕ້ທູບທຽນບູຊາ, ຈູດຂີ້ເຫຍື້ອ ແລະ ອື່ນໆ, ເຊິ່ງເຫດການພົ້ນເດັ່ນແມ່ນໄຟໄໝ້ຕະຫລາດຈີນ ຢູ່ບ້ານ ປ່າອ້ອຍ ເມືອງ ຫ້ວຍຊາຍ ແຂວງ ບໍ່ແກ້ວ ມູນຄ່າເສຍຫາຍກ່ວາ 8 ຕື້ກີບ, ໄຟໄໝ້ເສດ ພາສະຕິກຂອງ ບໍລິິສັດແຫ່ງໜຶ່ງ ຢູ່ບ້ານ ທຸນລົວ ເມືອງ ປາກງື່ມ ນະຄອນຫລວງວຽງຈັນ ມີມູນຄ່າເສຍຫາຍກ່ວາ 3 ຕື້ກີບ ແລະ ໄຟໄໝ້ຕະຫລາດປາກຊັນ ເສຍຫາຍກ່ວາ 30 ຕື້ກີບ.

    ເຈົ້າໜ້າທີ່ໃຫ້ຮູ້ວ່າ: ປັດຈຸບັນ ສະພາບອາກາດເລີ່ມແຫ້ງແລ້ງ, ຊຶ່ງອາດເຮັດໃຫ້ເກີດອັກຄີໄພໄດ້ງ່າຍ, ສະນັ້ນຕ້ອງໄດ້ເພີ່ມທະວີຄວາມມີສະຕິລະວັງຕົວຕໍ່ການນຳໃຊ້ຟືນໄຟ, ເປັນຕົ້ນຕ້ອງໝັ່ນກວດເຊັກລະບົບໄຟຟ້າພາຍໃນເຮືອນ, ໃຫ້ຢູ່ໃນສະພາບດີນັບທັງອຸປະກອນໄຟຟ້າສຳລັບການແຕ່ງຢູ່ຄົວກິນ ແລະ ບໍ່ຄວນຈູດກະໂພກ ຫລື ບັ້ງໄຟດອກໃນໂອກາດ ສົ່ງທ້າຍປີເກົ່າຕ້ອນຮັບປີໃໝ່ 2020 ຢ່າງເດັດຂາດ.

- Wave100S AD to Website 2020 0 - ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020

    ເຈົ້າໜ້າທີ່ຍັງໃຫ້ຮູ້ວ່າ: ໄລຍະສົ່ງທ້າຍປີເກົ່າ ຕ້ອນຮັບປີໃໝ່ ຜ່ານມາ ທົ່ວປະເທດມີອັກຄີໄພເກີດຂຶ້ນ 2 ຄັ້ງຄື: ໄຟໄໝ້ ເຮືອນປະຊາ ຊົນຢູ່ ແຂວງ ວຽງຈັນ ແລະ ຢູ່ ເມືອງ ຫາດຊາຍຟອງ ນະຄອນຫລວງວຽງຈັນ, ມີຜົນເສຍຫາຍຫລາຍສົມຄວນ.

- WhatsApp Image 2020 05 27 at 5 - ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020
- WhatsApp Image 2020 05 27 at 5 - ເຈົ້າໜ້າທີ່ເຕືອນໃຫ້ສັງຄົມເອົາໃຈໃສ່ປ້ອງກັນອັກຄີໄພໃນໄລຍະສະຫລອງ ປີໃໝ່ 2020
error: Alert: ເນື້ອຫາຂ່າວມີລິຂະສິດ !!