ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ

- 9 - ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ
- Untitled design - ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ

ໃນອາທິດຜ່ານມາ ທີ່ນະຄອນຫລວງວຽງຈັນ, ກະຊວງອຸດສາຫະກຳ ແລະ ການຄ້າ ຮ່ວມກັບສະຫະລັດອາເມລິກາ ເປີດໂຄງການສ້າງສະພາບແວດລ້ອມທີ່ ເອື້ອອຳນວຍຕໍ່ທຸລະກິດລາວ.ໂຄງການດັ່ງກ່າວ, ມີອາຍຸ 5 ປີ ​ໂດຍໄດ້ຮັບການສະໜັບສະໜູນດ້ານງົບປະມານຈາກ ອົງ ການພັດທະນາສາກົນ ສະຫະລັດອາເມລິກາ (USAID) ແນໃສ່ຍົກສູງຄວາມອາດສາມາດຂອງພາກເອກະຊົນ ແລະ ອຳນວຍຄວາມສະດວກທາງດ້ານການຄ້າ.

ທ່ານ ນາງ ເຂັມມະນີ ພົນເສນາ ລັດຖະມົນຕີ ກະຊວງອຸດສາຫະກຳ ແລະ ການຄ້າ ​ໄດ້​ກ່າວ​ວ່າ: ໂຄງການນີ້ຈະຊ່ວຍສະໜັບສະໜູນການສ້າງຂີດຄວາມສາມາດ ແລະ ການໃຫ້ຄຳປຶກສາ ແນໃສ່ຍົກສູງຄວາມອາດສາມາດ ໃນການແຂ່ງຂັນຂອງວິສາຫະກິດຂະໜາດນ້ອຍ ແລະ ກາງ (SMEs) ຂອງ ສປປ ລາວ ໄປຄຽງຄູ່ກັບການປັບປຸງວຽກງານ ຈັດຕັ້ງປະຕິບັດນະໂຍບາຍການຄ້າ, ກົດໝາຍ ແລະ ລະບຽບດ້ານການຄ້າ. SMEs ກວມເອົາອັດຕາສ່ວນສູງສຸດຂອງວິສາຫະກິດທັງໝົດ ແລະ ສາມາດສ້າງວຽກເຮັດງານທຳຈຳນວນຫລາຍຢູ່ ສປປ ລາວ. ໂຄງການດັ່ງກ່າວ, ຈະເນັ້ນໃສ່ຂະແໜງອຸດສາຫະກໍາ ແລະ ການບໍລິການທີ່ມີທ່າແຮງດ້ານການເຕີບໂຕ ແລະ ສ້າງວຽກເຮັດງານທຳສູງ.  ນອກຈາກການປັບປຸງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ ແລະ ການຂະຫຍາຍການຄ້າແລ້ວ ສະຫະລັດອາເມລິກາ ຍັງຮ່ວມມື ກັບລັດຖະບານ ແລະ ປະຊາຊົນລາວ ໃນການປັບປຸງຄວາມອາດສາມາດ ຂອງຈຸນລະວິສາຫະກິດກະສິກຳ, ສ້າງຄວາມເຂັ້ມແຂງດ້ານຫລັກນິຕິທຳ, ສົ່ງເສີມສຸຂະພາບ ແລະ ໂພຊະນາການ, ຊ່ວຍເຫລືອຄົນພິການ ແລະ ພັດທະນາການສຶກສາ.

ທ່ານ ນາງ ຣີນາ ບິດເຕີ ເອກອັກຄະລັດຖະທູດສະຫະລັດອາເມລິກາ ປະຈໍາ ສປປ ລາວ ​ໄດ້ກ່າວວ່າ: ໂຄງການດັ່ງກ່າວ, ເປັນອີກຕົວຢ່າງໜຶ່ງຂອງການຮ່ວມມືທີ່ດີເລີດ ລະຫວ່າງ ສະຫະລັດອາ ເມລິກາ ແລະ ສປປ ລາວ ໃນຂົງເຂດການຄ້າ ແລະ ການລົງທຶນ. ຂ້າພະເຈົ້າຮູ້ສຶກພາກພູມໃຈ ຕໍ່ຄວາມພະຍາຍາມ ຮ່ວມກັນໃນການສ້າງອະນາຄົດ ທີ່ຈະເລີນສຳລັບ ສປປ ລາວ ໂດຍມີການເຕີບໂຕດ້ານເສດຖະກິດທີ່ຍືນຍົງ, ແບບກວມລວມ ແລະ ກວ້າງຂວາງ. ນອກຈາກ​ນີ້, ສະຫະລັດໄດ້ສະໜັບສະໜູນ ສປປ ລາວ ທຸກບາດກ້າວຂອງເສັ້ນທາງ ນັບແຕ່ການເຂົ້າເປັນສະມາຊິກອົງການການຄ້າໂລກ (WTO) ໃນປີ 2013 ຈົນຮອດການຈັດຕັ້ງປະຕິບັດສັນຍາ ວ່າດ້ວຍຂອບການຄ້າ ແລະ ການລົງທຶນ ລະຫວ່າງ ສປປ ລາວ ແລະ ສະຫະລັດ ໃນປີ 2017.

- Wave100S AD to Website 2020 0 - ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ

ສະຫະລັດອາເມລິກາ ມີປະຫວັດການຮ່ວມມືອັນຍາວນານກັບ ສປປ ລາວ ແນໃສ່ພັດທະນາເສດຖະກິດຂອງປະເທດ ລວມທັງການຊ່ວຍເຫລືອຜ່ານໂຄງການຕ່າງໆໃນຜ່ານມາ ຂອງ USAID ເຊັ່ນ: ໂຄງການເຊື່ອມໂຍງສາກົນ ແລະ ອາຊຽນ (LUNA Lao) ແລະ USAID LUNA II.  ໃນຊຸມປີຜ່ານມາ ສະຫະລັດໄດ້ໃຫ້ການສະໜັບສະໜູນ ໃນມູນຄ່າຫລາຍກ່ວາ 22 ລ້ານໂດລາສະຫະລັດ ແນໃສ່ສ້າງຄວາມເຂັ້ມແຂງດ້ານການພັດທະນາເສດຖະກິດຂອງ ສປປ ລາວ ແລະ ອຳນວຍຄວາມສະດວກ ດ້ານການຄ້າໃນພາກພື້ນ ແລະ ສາກົນ. 

- WhatsApp Image 2020 05 27 at 5 - ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ
- WhatsApp Image 2020 05 27 at 5 - ກະຊວງອຸດສາຫະກຳ ແລະ ການຄ້າ ຮ່ວມກັບ ສ.ອາເມລິກາ ເປີດໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ
error: Alert: ເນື້ອຫາຂ່າວມີລິຂະສິດ !!