​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ

- 65 1 - ​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ
- Untitled design - ​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ

     ຜູ້​ຊ່ຽວຊານ​ດ້ານ​ຊັບພະຍາກອນ​ນ້ຳ ກອງ​ເລຂາ​ຄະນະ​ກຳມາ​ທິການ​ແມ່ນ້ຳຂອງ​ສາກົນ (MRCS) ​ໃຫ້​ຮູ້​ວ່າ: ປີ 2019 ນີ້ ​ເປັນ​ປີ​ທີ່​ມີ​ປະລິມານ​ນ້ຳຝົນຕົກ​ໜ້ອຍ​ທີ່​ສຸດ​ໃນ​ຮອບ​ຫລາຍ​ປີ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ, ຕາມ​ການ​ຕິດຕາມ​ສະຖິຕິ​ປະລິມານ​ນ້ຳຝົນ​ໃນ 6 ​ເດືອນ​ຕົ້ນປີ​ນີ້​ເຫັນ​ວ່າປະລິມານ​ນ້ຳຝົນ​ທີ່​ຕົກ​ໃນ​ອ່າງ​ຮັບ​ນ້ຳອູ ​ແຂວງ​ຫລວງ​ພະ​ບາງ ​ໄດ້​ຫລຸດ​ລົງ​ເຖິງ 41% ​ແລະ ສືບ​ຕໍ່​ຫລຸດ​ລົງ​ມາ​ຢູ່​ລະດັບ 29% ​ໃນ​ຊ່ວງ​ເດືອນ​ກໍລະກົດ​ຫາ​ເດືອນ​ກັນຍາ. ຂະນະ​ດຽວ​ກັນ ​ເຂດ​ອ່າງ​ຮັບ​ນ້ຳງື່ມຈຸດ​ແທກ​ປະລິມານ​ນ້ຳຝົນ​ປາກ​ກະ​ຍຸງ​ມີ​ພຽງ​ແຕ່ 1.086,3 ມິນ​ລີ​ແມັດ (ປີ 2014 ມີ​ລະດັບ 1.937,5 ປີ 2015 ລະດັບ 2.109,8, ປີ 2016 ລະດັບ 1.564,6, ປີ 2017 ລະດັບ 1.376 ​ແລະ ປີ 2018 ລະດັບ 1.652,4 ມິນ​ລີ​ແມັດ). ຕົວ​ເລກ​ດັ່ງກ່າວ​ສະ​ແດງ​ໃຫ້​ເຫັນ​ວ່າ ປະລິມານ​ນ້ຳຝົນ​ໃນ​ອ່າງ​ດັ່ງກ່າວ​ແມ່ນ​ໜ້ອຍ​ຜິດ​ປົກກະຕິ.

      ຜູ້​ຊ່ຽວຊານ ​ໃຫ້​ຮູ້​ວ່າ: ມາ​ຮອດ​ປັດຈຸບັນ ​ໂດຍ​ສະ​ເພາະ​ເມື່ອ​ມີ​ສະພາວະ​ອຸນຫະພູມ​ສູງ ສົມທົບ​ກັບ​ປາກົດການ​ແອ​ລ​ນີ​ໂນ-​ແອ​ລນີນ​ໂຢ (Elnino phenome none) ທີ່​ມີ​ກຳລັງ​ແຮງ​ຂຶ້ນ ຫລື ລົມ​ມໍ​ລະ​ສຸມ​ຕາ​ເວັນ​ອອກສຽງ​ໃຕ້​ທີ່​ມີ​ກຳລັງ​ອ່ອນ ​ແມ່ນ​ມັກ​ຈະ​ເກີດ​ສະພາບ​ແຫ້ງ​ແລ້ງ​ຢ່າງ​ຮ້າຍ​ແຮງ. ດັ່ງ​ຕົວ​ເລກ​ຂອງ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດຂອງ​ລາວ​ໄດ້​ຕິດຕາມ​ເຫັນ​ວ່າ ປີ 2019 ​ໃນ​ບໍລິ​ເວນ​ອ່າງ​ແມ່ນ້ຳຂອງ​ຕອນ​ເທິງ (​ແມ່ນ້ຳລ້ານ​ຊ້າງ) ປະລິມານ​ນ້ຳ​ຝົນ​ໃນ​ຊ່ວງ​ເດືອນ​ເມສາ, ພຶດສະພາ, ມິຖຸນາ ​ແລະ ສິງຫາ ​ໄດ້​ຫລຸດ​ລົງ 43% ອັນ​ໄດ້​ເຮັດ​ໃຫ້​ລະດັບ​ນ້ຳຂອງ​ອ່າງ​ເກັບ​ນ້ຳຢູຈາ​ດີ​ຕູ້ (Yuzhadu Reservoir) ທີ່​ນອນ​ໃນ​ສາຍ​ນ້ຳຫລັກ​ຂອງ​ແມ່ນ້ຳລ້ານ​ຊ້າງ​ມີ​ລະດັບ​ພຽງ​ແຕ່ 27 ກວ່າ​ແມັດ ​ເຊິ່ງ​ເຫັນ​ວ່າ​ຢູ່​ໃນ​ລະດັບ​ຕໍ່າ​ທີ່​ສຸດ ​ແລະ ບັນຫາ​ທີ່​ພາ​ໃຫ້​ຝົນຕົກ​ໃນ​ປະລິມານ​ໜ້ອຍ​ນີ້​ແມ່ນ​ເກີດ​ຈາກ​ສະພາວະ​ໂລກ​ຮ້ອນ​ທີ່​ສົ່ງ​ຜົນ​ກະທົບ​ຕໍ່​ຄວາມ​ສົມ​ດູ​ນຂອງ​ສະພາ​ບອາກາດ​ມີ​ການ​ປ່ຽນ​ແປງ ​ແລະ ປະ​ເທດ​ໃດ​ຫາກ​ບໍ່​ມີ​ການ​ບໍລິຫານ​ຈັດການ​ນ້ຳທີ່​ດີ​ກໍ​ຈະ​ໄດ້​ຮັບ​ຜົນ​ກະທົບ​ໜັກ​ຕໍ່​ການ​ຜະລິດ​ກະສິກຳ ​ແລະ ການ​ດຳລົງ​ຊີວິດ​ຂອງ​ປະຊາຊົນ ກໍ​ຄື​ກະທົບ​ຕໍ່​ການ​ພັດທະນາ​ຂອງ​ປະ​ເທດ​ນັ້ນໆ.

- Wave100S AD to Website 2020 0 - ​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ
- WhatsApp Image 2020 05 27 at 5 - ​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ
- WhatsApp Image 2020 05 27 at 5 - ​ປີນີ້​ມີ​ຝົນຕົກ​ໜ້ອຍ​ຢູ່​ບັນດາ​ປະ​ເທດ​ອ່າງ​ແມ່ນ້ຳຂອງ
error: Alert: ເນື້ອຫາຂ່າວມີລິຂະສິດ !!