ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ

- 24 - ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ
- Untitled design - ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ

     ​ໃນ​ກອງ​ປະຊຸມ​ທຸລະ​ກິດ​ລາວ ຄັ້ງທີ 12 ​ປະຈຳ​ປີ 2019 ທີ່​ສຳ​ເລັດ​ລົງ​ເມື່ອ​ບໍ່​ດົນ​ມາ​ນີ້ ຕາງໜ້າ​ກຸ່ມ​ຜູ້​ປະກອບ​ການ​ທຸລະ​ກິດ​ບໍລິການ​ ​ໄດ້​ສະ​ເໜີ​ຕໍ່​ພາກ​ລັດ​ຄວນ​ພິຈາລະນາ​ການ​ສົ່ງ​ເສີມ​ຂະ​ແໜງ​ການ​ບໍລິການ ​ໂດຍ​ການ​ປັບ​ອັດຕາ​ຄ່າ​ໄຟຟ້າ​ໃຫ້​ເໝາະ​ສົມ ຫລື ​ໃຫ້​ເທົ່າ​ກັບ​ຂະ​ແໜງ​ອຸດສາຫະກໍາອື່ນ.

      ກຸ່ມ​ຜູ້​ປະກອບ​ການ ຊີ້​ໃຫ້​ເຫັນ​ວ່າ: ຂະ​ແໜງ​ການທ່ອງທ່ຽວ ກໍ​ຄື​ການ​ບໍລິການ​ແມ່ນ​ຂະ​ແໜງ​ແຖວ​ໜ້າ​ໃນ​ການ​ສ້າງ​ລາຍ​ຮັບ​ໃຫ້​ແກ່​ປະ​ເທດ. ດັ່ງນັ້ນ ກໍ​ຄວນ​ໄດ້​ຮັບ​ການ​ສົ່ງ​ເສີມ ​ຈາ​ກພາກ​ລັດ ​ເພື່ອ​ຫລຸດຜ່ອນ​ຕົ້ນທຶນ​ລາຄາ​ຜະລິດ​ຕະພັນ​ການທ່ອງທ່ຽວ​ລົງ. ປັດຈຸບັນ​ນີ້ ທຸລະ​ກິ​ດດ້ານ​ບໍລິການ ​ເປັນຕົ້ນ​ໂຮງ​ແຮມ, ຮ້ານ​ອາຫານ ​ແລະ ​ແຫ​ລ່ງທ່ອງ​ທ່ຽວ​ຕ່າງໆ ​ແມ່ນ​ບໍ່​ໄດ້​ຮັບ​ສິດທິ​ພິ​ເສດ​ດ້ານ​ຄ່າ​ໄຟຟ້າ​ຄື​ກັບ​ຂະ​ແໜງ​ອຸດສາຫະກໍາ​ອື່ນ ຈຶ່ງ​ເຮັດ​ໃຫ້​ຄ່າ​ໃຊ້​ຈ່າຍ​ໄຟຟ້າ​ສູງ​ຫລາຍ ​ໂດຍ​ກຸ່ມ​ດັ່ງກ່າວ​ຍົກ​ໃຫ້​ເຫັນ​ວ່າ: ອັດຕາ​ຄ່າ​ໄຟຟ້າ​ຂອງ​ຂະ​ແໜງ​ການ​ຄ້າ-ບໍລິການ​ສູງ​ກວ່າ​ປະ​ເພດ​ອຸດສາຫະກຳ 40%. ໝາຍວ່າ​ມີ​ລາຄາ 1.101 ກີບ​ຕໍ່​ກິ​ໂລ​ວັດ​ໂມງ, ຂະນະ​ທີ່ ປະ​ເພດ​ອຸດສາຫະກຳ​ມີ​ພຽງ​ແຕ່ 779 ກີບ​ຕໍ່​ກິ​ໂລ​ວັດ​ໂມງ​ເທົ່າ​ນັ້ນ ​ເຊິ່ງທຽບ​ກັບປະ​ເທດ​ໃກ້​ຄຽງ​ແລ້ວ​ແມ່ນ​ເຂົາ​ເຈົ້າຈະ​ເກັບ​ນຳພາ​ກອຸດສາຫະກຳສູງ​ກວ່າ​ພາກ​ບໍລິການ. ​

- Wave100S AD to Website 2020 0 - ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ

ແນວ​ໃດ​ກໍ​ຕາມ, ບັນຫາ​ດັ່ງກ່າວ ກະຊວງ​ພະລັງງານ-ບໍ່​ແຮ່ ​ໄດ້​ໃຫ້​ເຫດຜົນ​ວ່າ: ປັດຈຸບັນ ອັດຕາ​ສ່ວນ​ການ​ນຳ​ໃຊ້​ໄຟຟ້າຂອງ​ຂະ​ແໜງ​ບໍລິການ​ຍັງ​ບໍ່​ສູງ (16,5%), ສ່ວນ​ຂະ​ແໜງ​ອຸດສາຫະກຳ​ແມ່ນ​ມີ​ເຖິງ 42%. ​ແຕ່​ແນວ​ໃດ​ກໍ​ຕາມ, ລັດຖະບານ​ໄດ້ຊີ້​ນຳ​ໃຫ້​ປັບປຸງ​ຄ່າ​ກະ​ແສ​ໄຟຟ້າ​ຂອງ​ຂະ​ແໜງ​ກະສິກຳ​ກ່ອນ, ​ແຕ່​ໃນ​ອະນາຄົດ​ຫາກ​ຂະ​ແໜງ​ບໍລິການ​ມີ​ການ​ຂະຫຍາຍຕົວ​ດີ ລັດຖະບານ​ຈະ​ໄດ້​ມີ​ມາດ​ຕະການ​ສົ່ງ​ເສີມ​ດ້ວຍ​ການຄ້ຳຈູ​ນ​ໃນ​ດ້ານ​ຕ່າງໆ​ໃຫ້​ເໝາະ​ສົມ.

- WhatsApp Image 2020 05 27 at 5 - ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ
- WhatsApp Image 2020 05 27 at 5 - ຜູ້​ປະກອບ​ການ​ບໍລິການ​ສະ​ເໜີ​ພາກ​ລັດ​ຫລຸດ​ຄ່າ​ກະ​ແສ​ໄຟ​ໃນ​ລະດັບ​ເໝາະ​ສົມ
error: Alert: ເນື້ອຫາຂ່າວມີລິຂະສິດ !!