ສິລະປະ ລຳວົງລາວ

- 62 - ສິລະປະ ລຳວົງລາວ
- Untitled design - ສິລະປະ ລຳວົງລາວ

ລູກເມີຶອງພວນ

ລຳວົງລາວ ແມ່ນສິລະປະການສະແດງປະເພດໜື່ງທີ່ມີຄວາມສວຍສົດງົດງາມ ແລະ ອ່ອນຊ້ອຍ. ລຳວົງລາວ ແມ່ນສິລະປະວັນະຄະດີທີ່ມີມາແຕ່ບູຮານນະການຂອງຊາດລາວ, ແມ່ນວັນນະກຳ ແລະ ຫົວຄິດປະດິດສ້າງຂອງຄົນລາວ. ຄົນລາວຈະພ້ອມກັນລຳວົງໃນງານຕ່າງໆເຊັ່ນ: ຍາມສິ້ນສຸດລະດູເກັບກູ້ຜົນລະປູກແລ້ວ ຄົນລາວມັກຈະຈັດຕັ້ງການສະຫຼອງ ຕ້ອນຮັບຜົນລະປູກດ້ວຍການຮ້ອງລຳທຳເພງ, ຟ້ອນລຳວົງ ເພື່ອຜ່ອນຄາຍຄວາມອິດເມື່ອຍອອກຈາກຮ່າງກາຍໄປ ແລະ ໃນງານພົບປະສ້າງສັນຕ່າງໆທີ່ສຳຄັນ. ຈັ່ງຫວະຟ້ອນລຳວົງມີຫຼາຍຈັ່ງຫວະ ແລະ ຫຼາຍຮູບແບບແຕກຕ່າງກັນ. ແຕ່ລະຈັ່ງຫວະ, ແຕ່ລະ ຮູບແບບລ້ວນແຕ່ສື່ຄວາມໝາຍອັນຮັກໄຄ່ ອາໄລຮັກ, ອາລົມຈິດ, ມິດຕະພາບ ແລະ ຄວາມມ່ວນຊື່ນຕໍ່ກັນແລະກັນຂອງຄູ່ຍິງຊາຍ.

ລຳວົງລາວແມ່ນການຟ້ອນເປັນຄູ່ໆລະຫ່ວາງຍິງກັບຊາຍ. ຜູ້ຊາຍຈະເປັນເຈົ້າການໄປເຊີນຊວນເອົາຜູ້ຍິງໄປຟ້ອນ. ຖ້າໃຫ້ຖືກຕາມຮີດຄອງປະເພນີແທ້ໆ ຜູ້ຊາຍຕ້ອງມີພວງມະໄລ ຫຼື ດອກຈຳປາໄປມອບໃຫ້ຜູ້ຍິງທີ່ຕົນຂໍຟ້ອນນຳ. ຈາກນັ້ນຈຶ່ງພ້ອມກັນຢ່າງເຂົ້າສູ່ວົງຟ້ອນ. ກ່ອນຈະຟ້ອນຜູ້ຊາຍຕ້ອງໃຫ້ກຽດຜູ້ຍິງດ້ວຍປະນົມມືໄຫ້ວກ່ອນຈຶ່ງຟ້ອນຕໍ່ໄປ. ເມື່ອສິ້ນສຸດລຳວົງ ທັງຄູ່ກໍຍໍມືນົບກັນເພື່ອແທນຄວາມຂອບໃຈ.

- Wave100S AD to Website 2020 0 - ສິລະປະ ລຳວົງລາວ

ການລຳວົງລາວ ເປັນການມ່ວນຊື່ນລວມໝູ່ໂດຍຄູ່ຍິງ-ຊາຍຟ້ອນເປັນຮອບວົງມົນ, ຜູ້ຍິງຢູ່ວົງນອກ ຜູ້ຊາຍຢູ່ວົງໃນ. ຟ້ອນລຽງລາຍ ຢາຍຫ່າງກັນເປັນຈັ່ງຫວະຕາມສຽງເພງ ແລະ ສຽງເສບເຄື່ອງດົນຕຣີ. ເວລາຟ້ອນຄູ່ຍິງ-ຊາຍຕ້ອງສົ່ງສາຍຕາ ແລະ ຮອຍຍິ້ມໃຫ້ກັນຢູ່ຕະຫຼອດ ຊຶ່ງເປັນສາຍສຳພັນ ໄມຕີຈິດມິດຕິພາບທີ່ດີ. ລຳວົງລາວ ອາດຈະຟ້ອນເຂົ້າໄດ້ກັບເພງຕ່າງປະເທດບາງເພງບາງຈັ່ງຫວະໄດ້ເຊັ່ນດຽວກັນ.

ຖ້າແມ່ນຄົນລາວ ເລືອດລາວ ຈະເປັນລຳວົງມາແຕ່ຍັງນ້ອຍ ເພາະລຳວົງ ເປັນສິລະປະ ແລະວັດທະນະທຳທີ່ໂດດເດັ່ນທີ່ສຸດຂອງຊາດລາວ, ໃກ້ສິດຕິດພັນກັບຊີວິດຈິດໃຈຂອງຄົນລາວມາແຕ່ນ້ອຍໆ ຄົນລາວທຸກຄົນບໍ່ວ່າ​ໃຜ, ​ໃນ​ໄວ​ຫຍັງກໍຮູ້ລຳວົງ ​ເພາະລຳວົງຄືຊີວິດຈິດໃຈຂອງຄົນລາວ ຊຶ່ງບໍ່ສາມາດຈະຂາດຫາຍມັນໄປໄດ້ ປຽບສະເໝືອນເຂົ້າ ແລະ ນໍ້າລ້ຽງຊີວິດຂອງຄົນເຮົາ.

- WhatsApp Image 2020 05 27 at 5 - ສິລະປະ ລຳວົງລາວ
- WhatsApp Image 2020 05 27 at 5 - ສິລະປະ ລຳວົງລາວ
error: Alert: ເນື້ອຫາຂ່າວມີລິຂະສິດ !!