ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ

- 58 - ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ
- Untitled design - ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ

ໃນວັນທີ 16 ທັນວາ 2019 ທີ່ນະຄອນຫລວວຽງຈັນ, ທ່ານ ບຸນໂຈມ ອຸບົນປະເສີດ ຮອງລັດຖະມົນຕີກະຊວງການເງິນ ແລະ ທ່ານ ນິໂກລາ ປອນຕາຣາ ຫົວໜ້າຫ້ອງການທະນາຄານໂລກ ປະຈໍາ ສປປ ລາວ ໄດ້ຮ່ວມລົງນາມໃນສັນຍາ ການສະໜອງທຶນກູ້ຢືມເພີ່ມອີກ ຈໍານວນ 22,5 ລ້ານໂດລາສະຫະລັດ ເພື່ອສືບຕໍ່ປະຕິບັດກອງທຶນຫລຸດຜ່ອນຄວາມທຸກຍາກ(ທລຍ) ແລະ ພາວະເຕ້ຍເກີນມາດຕະ ຖານ ຂອງເດັກ ໃນ 12 ເມືອງບູລິມະສິດຂອງ 4 ແຂວງພາກເໜືອ ຄື: ຜົ້ງສາລີ, ຊຽງຂວາງ, ຫົວພັນ ແລະ ອຸດົມໄຊ ເພາະເຂດດັ່ງກ່າວ ຍັງມີຈຳນວນເດັກນ້ອຍທີ່ຢູ່ໃນພາວະເຕ້ຍເກີນມາດຕະຖານ ແລະ ຄວາມທຸກຍາກສູງ.

ການສະໜອງທຶນກູ້ຢືມເພີ່ມ ດັ່ງກ່າວ ແມ່ນມີເປົ້າໝາຍເພື່ອສະໜັບສະໜູນການຈັດຕັ້ງປະຕິບັດແຜນຍຸດທະສາດດ້ານໂພສະນາການແຫ່ງຊາດ ຂອງລາວ ຊຶ່ງຈະສຸມໃສ່ ພື້ນຖານໂຄງລ່າງ, ການຊ່ວຍເຫລືອດ້ານໂພຊະນາການ ໃຫ້ແກ່ແມ່ຍິງຖືພາ ແລະ ເດັກອ່ອນ, ລວມທັງກິດຈະກໍາສ້າງລາຍຮັບຕ່າງໆ ໃຫ້ແກ່ກຸ່ມຜະລິດສະບຽງອາຫານ ໂດຍ ທລຍ ຈະຂະຫຍາຍການຈັດຕັ້ງປະຕິບັດ ກິດຈະກໍາເຫລົ່ານີ້ ໃນຕົ້ນປີ 2020.

ທ່ານ ຮອງລັດຖະມົນຕີກະຊວງການເງິນ ກ່າວວ່າ: ການສະໜັບສະໜູນ ຂອງທະນາຄານໂລກ ຈະຊ່ວຍໃຫ້ຜູ້ໄດ້ຮັບຜົນປະໂຫຍດຕົວຈິງ ໄດ້ຊົມໃຊ້ໂຄງລ່າງຂະໜາດນ້ອຍ, ສ້າງຜະລິດຕະພັນ ແລະ ບໍລິໂພກ ສານອາຫານທີ່ຫລາກຫລາຍ. ປັດຈຸບັນ ຄວາມທຸກຍາກ ຢູ່ ສປປ ລາວ ແມ່ນຫລຸດລົງ ຈາກ 45% ເປັນ 23% ໃນລະຫວ່າງ ປີ 1992 ຫາ 2013 ແລະ ຄາດວ່າຈະຫລຸດລົງຕື່ມອີກ ເປັນ 18% ໃນປີ 2019. ແຕ່ລະດັບຄວາມທຸກຍາກ ຍັງຖືວ່າສູງ ຢູ່ເຂດຫ່າງໄກສອກຫລີກ ແລະ ໃນກຸ່ມຊົນເຜົ່າຕ່າງໆ.

- Wave100S AD to Website 2020 0 - ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ

ທ່ານ ຫົວໜ້າ ຫ້ອງການທະນາຄານໂລກ ປະຈໍາ ສປປ ລາວ ກ່າວວ່າ: ການຫລຸດຜ່ອນການຂາດສານອາຫານ ເປັນກຸນແຈ ສໍາລັບການເພີ່ມຕົ້ນທຶນທາງຊັບພະຍາກອນມະນຸດ ແລະ ການຮັບປະກັນວ່າ: ໄວໜຸ່ມຈະມີຄຸນນະພາບຊີວິດທີ່ດີ ແລະ ຄວາມເພິ່ງພໍໃຈໃນຊີວິດ; ພວກເຮົາຍິນດີ ທີ່ຈະສະໜອງທຶນເພີ່ມໃສ່ກອງທຶນຫລຸດຜ່ອນຄວາມທຸກຍາກ ແລະ ຍິນດີທີ່ໄດ້ເຫັນໝາກຜົນໄລຍະຕົ້ນ ຂອງການລົງທຶນດັ່ງກ່າວ ເຮັດໃຫ້ເດັກນ້ອຍໄດ້ຮັບສານອາຫານເພີ່ມຂຶ້ນ, ສຸຂະພາບດີຂຶ້ນ ​ແລະ ຊີວິດການເປັນຢູ່ທີ່ດີຂຶ້ນ.

- WhatsApp Image 2020 05 27 at 5 - ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ
- WhatsApp Image 2020 05 27 at 5 - ທະນາຄາ​ນ​ໂລກ​ໃຫ້​ທຶນ​ກູ້​ຢືມ​ຕື່ມ​ອີກ 22,5 ລ້ານ​ໂດ​ລາ ​ເພື່ອຫລຸດຜ່ອນຄວາມທຸກຍາກໃນ 4 ແຂວງພາກເໜືອ
error: Alert: ເນື້ອຫາຂ່າວມີລິຂະສິດ !!