ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?

- 79784545 4554 - ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?
- Untitled design - ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?

ໂດຍ: ມຶກບໍ່ແຫ້ງ

ສປຈີນໄດ້ກ້າວຈາກປະເທດທີ່ທຸກຍາກປະເທດໜຶ່ງໃນໂລກໃນເມື່ອກ່ອນແຕ່ປັດຈຸບັນໄດ້ກ້າວຂຶ້ນສູ່ປະເທດທີ່ມີເສດຖະກິດຂະໜາດໃຫຍ່ອັນດັບສອງຂອງໂລກ.

ເຖິງແມ່ນວ່າໃນປັດຈຸບັນຈະມີປະຊາຊົນຈຳນວນໜຶ່ງຍັງທຸກຍາກແຕ່ບໍ່ມີໃຜປະຕິເສດໄດ້ວ່າຄົນຈີນສ່ວນຫຼວງຫຼາຍກາຍເປັນຄົນທີ່ຮັ່ງມີ, ເສດຖະກິດຂອງປະເທດກໍດີມີການຂະຫຍາຍຕົວໄວແລະໝັ້ນຄົງຂຶ້ນນັບມື້, ມີປັດໄຈຫຍັງແດ່ທີ່ພາໃຫ້ເຂົາເຈົ້າມີຜົນສຳເລັດດັ່ງກ່າວ.

ນອກເໜືອຈາກນະໂຍບາຍທີ່ຫັນເສດຖະກິດທີ່ອີງໃສ່ຕະຫຼາດແລະນະໂຍບາຍການນໍາເຂົ້າ-ສົ່ງອອກສິນຄ້າໄດ້ຢ່າງເສລີແລ້ວສປຈີນໄດ້ລົງທຶນໃສ່ການພັດທະນາອຸດສາຫະກຳໄຮເທັກທີ່ຮຽກວ່າການຄົ້ນແລະການພັດທະນາໂດຍສຸມໃສ່ເລື່ອງຂໍ້ມູນ, ຮຸ່ນຍົນເພື່ອເຮັດໃຫ້ການພັດທະນາມີຄວາມທັນສະໄໝແລະວ່ອງໄວຍິ່ງຂຶ້ນ.

ພ້ອມນັ້ນ, ສປຈີນຍັງມີແຜນ 10 ປີທີ່ຮຽກວ່າ “ຜະລິດຢູ່ຈີນ (Made in China)” ເພື່ອສົ່ງເສີມການພັດທະນາຂອງອຸດສາຫະກຳໄຮເທັກ (high-tech) ໂດຍສປຈີນກຳລັງແນໃສ່ການເປັນຜູ້ນຳຂອງທາງດ້ານໂທລະຄົມ, ອຸປະກອນໂອເລັກໂທຣນິກ, ຮຸ່ນຍົນແລະພາຫະນະທີ່ນຳໃຊ້ພະລັງງານໄຟຟ້າ.

ຄຽງຄູ່ກັບນະໂຍບາຍດັ່ງກ່າວພວກເຮົາກໍບໍ່ອາດສົງໄສວ່າມາຮອດປັດຈຸບັນສປຈີນສາມາດຜະລິດໄດ້ເກືອບທັງໝົດໃນສິ່ງທີ່ມະນຸດຕ້ອງການນັບແຕ່ໄມ້ຈີ້ມແຂ້ວຮອດລົດໄຟຄວາມໄວສູງ, ຍົນບິນເວີ່ນເທີງເວຫາ. ເຮັດໃຫ້ສິນຄ້ານັບຕັ້ງແຕ່ສິ່ງຂອງໃຊ້ປະຈຳວັນຈົນຮອດເຕັກໂນໂລຊີທີ່ທັນສະໄໝຕ່າງໆຂອງຈີນມີຢູ່ທຸກປະເທດໃນໂລກກໍວ່າໄດ້.

- Wave100S AD to Website 2020 0 - ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?

ນອກນັ້ນ, ການໃຊ້ຈ່າຍທີ່ຫຼວງຫຼາຍຂອງລັດຖະບານບວກໃສ່ການລົງທຶນຂອງຕ່າງປະເທດເຮັດໃຫ້ສປຈີນສາມາດເພີ່ມຂະໜາດເສດຖະກິດເປັນສອງເທົ່າໃນທຸກໆ 8 ປີນັບຕັ້ແຕ່ໄດ້ມີການປະຕິຮູບທາງດ້ານເສດຖະກິດໃນປີ 1979. ໂດຍສະເລ່ຍແລ້ວໃນ 50​ປີຄືນຫຼັງເສດຖະກິດສປຈີນຂະຫຍາຍຕົວຮອດ 10% ແລະປະຊາຊົນຫຼາຍກວ່າ 850 ລ້ານຄົນໄດ້ຫຼຸດພົ້ນຈາກຄວາມທຸກຍາກ (ຂໍ້ມູນຈາກສູນສະຖິຕິແຫ່ງຊາດສປຈີນແລະອົງການໄອເອັມເອັຟ IMF).

ໃນເລື່ອງຂອງຄວາມອາດສາມາດໃນການແຂ່ງຂັນ, ອີງຕາມບົດລາຍງານຄວາມສາມາດໃນການແຂ່ງຂັນຂອງເວທີເສດຖະກິດໂລກໃຫ້ຮູ້ວ່າສປຈີນຢູ່ອັນດັບ 28 ໃນ 140 ປະເທດເຊິ່ງມີຄວາມແຂ່ງຂັນສູງກວ່າຣັດເຊຍແລະອິນເດຍແຕ່ຍັງຕາມຫຼັງບັນດາປະເທດເຊັ່ນ:ເຢຍລະມັນ, ສະວິດເຊີແລນແລະອື່ນໆແຕ່ໃນເລື່ອງຂອງການລົງທຶນໃສ່ການຄົ້ນຄວ້າແລະການພັດທະນາແລ້ວສປຈີນຖືວ່ານຳໜ້າໝູ່.

ອາດມີຫຼາຍບົດຮຽນທີ່ຜູ້ຂຽນຄິດວ່າສາມາດເຮັດໃຫ້ສປຈີນກ້າວໜ້າຄືໃນປັດຈຸບັນແຕ່ໃນນັ້ນສິ່ງທີ່ມີບົດບາດສຳຄັນຫຼາຍກໍແມ່ນການລົງທຶນໃສ່ການຄົ້ນຄວ້າ, ການສ້າງຖານຂໍ້ມູນເພື່ອການພັດທະນາເປັນບົດຮຽນສຳຄັນທີ່ສຸດທີ່ຫຼາຍປະເທດໃນໂລກຄວນໄດ້ສຶກສາ.

ຍົກຕົວຢ່າງການຜະລິດເຂົ້າ, ສປຈີນຜະລິດເຂົ້າໄດ້ຮອດ 7-8ໂຕນຕໍ່ເຮັກຕາທີ່ຫາຍາກຢູ່ບັນດາປະເທດໃນໂລກແລະການຜະລິດທາງດ້ານກະສິກຳອື່ນໆກໍມີປະສິດທິຜົນສູງເຊິ່ງອັນນີ້ແມ່ນຜົນພວງຈາກການລົງທຶນໃສ່ການຄົ້ນຄວ້າທີ່ສາມາດນຳໃຊ້ໄດ້ຜົນຈິງທີ່ສປປລາວເຮົາກໍມີພື້ນຖານການຜະລິດກະສິກຳຢູ່ແລ້ວນັ້ນກໍຄວນເພີ່ມພູນການຄົ້ນຄວ້າເພື່ອເສີມຂະຫຍາຍການຜະລິດໃຫ້ໄດ້ໝາກຜົນດີກວ່າເກົ່າ.

- WhatsApp Image 2020 05 27 at 5 - ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?
- WhatsApp Image 2020 05 27 at 5 - ສປຈີນຈາກປະເທດທຸກຍາກສູ່ຄວາມຮັ່ງມີໄດ້ແນວໃດ?
error: Alert: ເນື້ອຫາຂ່າວມີລິຂະສິດ !!