ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ

- Lpn5 - ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ
- Untitled design - ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ

      ທ້າວ ສີສົມພອນ ວັນນະຈອນ ນັກກິລາເປຕັງທີມຊາດລາວ ຊາວຫລວງພະບາງ ຮຸ່ນເຍົາວະຊົນ ອາຍຸ 13 ປີ ສ້າງຜົນງານໄດ້ຢ່າງໂດດເດັ່ນ ດ້ວຍການຄວ້າຫລຽນຄຳເປຕັງ ປະເພດຊຸດຕິ້ງ (ຍິງເປົ້າ) ຮຸ່ນເຍົາວະຊົນ ລະ ດັບອາຊີ ລາຍການ ABSC Championships ຄັ້ງທີ 3 ທີ່ຮ່າໂນ້ຍ ສສ ຫວຽດນາມ ໃນວັນທີ 19 ທັນວານີ້.

      ຮອບຊີງຊະນະເລີດ ສີສົມພອນ ວັນນະຈອນ ເອົາຊະນະນັກກິລາຈາກປະເທດໄທ ແບບຫວຸດຫວິດໃນຮອບພິເສດ 18-17 ຄະແນນ ຫລັງຈາກເກມປົກກະຕິສະເໝີກັນ 34-34 ຄະແນນ ຄວ້າຫຼຽນຄໍາລາຍການນີ້ຄັ້ງທຳອິດ, ກ່ອນໜ້ານີ້ ສີສົມພອນ ໄດ້ເຂົ້າຮ່ວມຊີງແຊ້ມໂລກ 2019 ໃນເດືອນພະຈິກຜ່ານມາ ທີ່ນະຄອນຫລວງພະນົມເປັນ ປະເທດກຳປູເຈຍ ໄດ້ອັນດັບທີ 11 ປະເພດຊຸດຕິ້ງເຍົາວະຊົນ ມາລາຍການນີ້ສາມາດພິຊິດຫລຽນຄຳກັບບ້ານ.

      ສ່ວນນາງ ໂບວິລັກ ເທບພະກັນ ເຈົ້າຂອງຫລຽນເງິນ ຊີງແຊ້ມໂລກ 2019 ທີ່ກໍາປູເຈຍ ບໍ່ຜ່ານຮອບຄັດເລືອກໃນປະເພດຊຸດຕິ້ງຍິງທົ່ວໄປ, ຂະນະທີ່ ຊຸດຕິ້ງຊາຍທົ່ວໄປລາວເຮົາໄດ້ຫລຽນທອງຈາກ ທ້າວ ສຸພາພອນ ລັດຕະນະ ບົວວອນ.

     ການແຂ່ງຂັນລາຍການ ນີ້ຈັດຂຶ້ນໃນລະຫວ່າງວັນທີ 18-22 ທັນວານີ້, ສະເພາະລາວສົ່ງຄະນະນຳ, ຄູຝຶກ ແລະ ນັກກິລາເຂົ້າຮ່ວມ 19 ຄົນ ໃນນີ້ເປັນນັກກິລາ 12 ຄົນ ຮ່ວມແຂ່ງຂັນ 8 ລາຍການຄື: ປະເພດຊຸດຕິ້ງເຍົາວະຊົນຊາຍ, ທີມຊຸດເຍົາວະຊົນຊາຍ, ຊຸດຕິ້ງຍິງ-ຊາຍທົ່ວໄປ, ທີມຊຸດຍິງ-ຊຸດຊາຍທົ່ວໄປ, ທີມຍິງ 1 ຊາຍ 2 ທົ່ວໄປ ແລະ ທີມຊາຍ 2 ຍິງ 1 ທົ່ວໄປ.

- Wave100S AD to Website 2020 0 - ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ
- WhatsApp Image 2020 05 27 at 5 - ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ
- WhatsApp Image 2020 05 27 at 5 - ລາວ ຊະນະ ໄທ ຄວ້າຫລຽນຄຳເປຕັງຊຸດຕິ້ງ ເຍົາວະຊົນລະດັບອາຊີ ທີ່ຫວຽດນາມ
error: Alert: ເນື້ອຫາຂ່າວມີລິຂະສິດ !!