10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019

- 32 2 - 10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019
- Untitled design - 10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019

ນີ້,ເປັນປີໜຶ່ງທີ່ປະເທດ ເຮົາໄດ້ເກີດອັກຄີໄພຫລາຍຄັ້ງ, ແຕ່ໜັງສືພິມລາວພັດທະນາໄດ້ຄັດຈ້ອນເອົາ 10 ຄັ້ງທີ່ມີຜົນເສຍຫາຍມານຳສະເໜີ ແລະ ສ່ວນໃຫຍ່ແມ່ນເກີດຈາກໄຟຟ້າລັດວົງຈອນຄື:

(1).  ໄຟໄໝ້ໂຮງງານ ຜະລິດຕຸກກະຕາ ຢູ່ເຂດເສດຖະກິດພິເສດໄຊເສດຖາ ນະຄອນຫລວງວຽງຈັນ. ໃນທ້າຍ ເດືອນມັງກອນ, ໄດ້ຮັບຄວາມເສຍຫາຍຫລາຍກ່ວາ 5 ຕື້ກີບ, ຊຶ່ງສາເຫດຍ້ອນໄຟຟ້າລັດວົງຈອນເຊັ່ນກັນ.

(2). ໄຟໄໝ້ຕະຫລາດຈີນ ຢູ່ບ້ານປ່າອ້ອຍ ເມືອງຫ້ວຍຊາຍ, ແຂວງບໍ່ແກ້ວ, ໃນວັນທີ 13 ເມສາ, ຊຶ່ງເຫດການດັ່ງກ່າວບໍ່ມີຜູ້ໄດ້ຮັບບາດເຈັບ ແລະ ເສຍຊີວິດ ແຕ່ໄດ້ສ້າງຄວາມ ເສຍຫາຍໃຫ້ແກ່ຮ້ານຂາຍເຄື່ອງຈຳນວນ 12 ຫ້ອງມູນຄ່າເສຍຫາຍກ່ວາ 8 ຕື້ກີບ, ໂດຍສາເຫດເກີດຈາກໄຟຟ້າລັດວົງຈອນ

(3). ເຫດໄຟໄໝ້ສາງເກັບເຄື່ອງໂຮງງານຜະລິດຢາງລົດແຫ່ງໜຶ່ງຢູ່ບ້ານໄຜ່ລ້ອມ (ຫລັກ24) ເມືອງໄຊທານີ ນະຄອນຫລວງວຽງຈັນ, ໃນວັນທີ 14 ເມສາ,  ເຮັດໃຫ້ອາຄານເກັບມ້ຽນຢາງຕີນລົດໄດ້ຮັບຄວາມເສຍຫາຍມີມູນຄ່າ ກ່ວາ 1 ຕື້ກີບ, ສາເຫດຍ້ອນພະນັກງານສູບຢາແລ້ວຖິ້ມຊະຊາຍຈົນເກີດໄຟໄໝ້ດັ່ງກ່າວ.

(4). ເຫດເຫດໄຟໄໝ້ ເສດປາສະຕິກຂອງ ບໍລິິສັດ ແຫ່ງໜຶ່ງ ຢູ່ບ້ານທຸນລົວ ເມືອງ ປາກງື່ມ ນະຄອນຫລວງວຽງຈັນ ເມື່ອກາງເດືອນສິງຫາ, ຊຶ່ງບໍລິສັດດັ່ງກ່າວເປັນຂອງນັກທຸລະກິດຈີນ, ໄດ້ມາລົງທຶນຜະລິດຖົງຢາງ ເພື່ອສົ່ງອອກຂາຍຕ່າງປະເທດ ແລະ ມີມູນຄ່າເສຍຫາຍກ່ວາ 3 ຕື້ກີບ, ສາເຫດຍ້ອນຂາດສະຕິໃນການໃຊ້ໄຟຂອງພະນັກງານ.

(5).  ເຫດໄຟໄໝ້ຕະຫລາດ ເມືອງປາກຊັນ ແຂວງ ບໍລິຄຳໄຊ, ໃນວັນທີ 23 ຕຸລາ , ຊຶ່ງມີຮ້ານຂາຍເຄື່ອງໄດ້ຮັບຄວາມເສຍຫາຍຫລາຍກ່ວາ 20 ຫ້ອງ, ໂດຍເຈົ້າໜ້າທີ່ໄດ້ລະດົມກຳລັງລົດມອດໄຟຫລາຍຄັນ ແລະ ໃຊ້ເວລາຫລາຍກວ່າ 2 ຊົ່ວໂມງຈຶ່ງສາມາດຄວບຄຸມໄຟໄວ້ໄດ້, ຊຶ່ງມີຜົນເສຍຫາຍກ່ວາ 30 ຕື້ກີບ ແລະ ສາເຫດຍ້ອນໄຟຟ້າລັດວົງຈອນ.

(6).  ເຫດໄຟໄໝ້ເຮືອນປະຊາຊົນຢູ່ບ້ານສົ້ນຂົວ ເມືອງ ຫົວເມືອງ ແຂວງຫົວພັນ, ໃນ ວັນທີ 22 ຕຸລາ, ເຮັດໃຫ້ມີເຮືອນປະຊາຊົນໄດ້ຮັບຄວາມເສຍຫາຍຫລາຍກ່ວາ 20 ຫລັງ, ມີ 31 ຄອບຄົວຕ້ອງຂາດທີ່ຢູ່ອາໄສ, ຊຶ່ງສາເຫດແມ່ນຍ້ອນໄຟຟ້າລັດວົງຈອນ.

- Wave100S AD to Website 2020 0 - 10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019

(7). ແມ່ນເຫດໄຟໄຫມ້ ເຮືອນປະຊາຊົນບ້ານພະບາດ ໃຕ້ນະຄອນຫລວງພະບາງ, ໃນວັນທີ 8 ພະຈິກ, ສົ່ງຜົນໃຫ້ເຮືອນປະຊາຊົນເສຍຫາຍໝົດກ້ຽງ 3 ຫລັງ, ມູນຄ່າເສຍຫາຍຫລາຍກ່ວາ 1 ຕື້ກີບ, ສາເຫດຍ້ອນໃຕ້ທູບທຽນບູຊາ.

(8) ເຫດໄຟໄໝ້ລົດສະແຕັກນໍ້າມັນປະເພດລົດພວງ 22 ລໍ້, 1 ຄັນ ຢູ່ຖະໜົນທາງ 450 ປີ ລະຫວ່າງບ້ານໄຮຄໍາຫາບ້ານນາຄວາຍກາງ ເມືອງ ໄຊເສດຖາ ນະຄອນຫຼວງວຽງຈັນ. ໃນວັນທີ 3 ພະຈິກ, ເຮັດໃຫ້ໄຟໄໝ້ນໍ້າມັນກ່ວາ 35 ພັນລິດ ແລະ ລົດຄັນດັ່ງກ່າວເສຍຫາຍໝົດຄັນ, ສາເຫດຍ້ອນເກີດອຸປະຕິເຫດ.

(9). ເຫດໄຟໄໝ້ ໂຮງງານປຸງແຕ່ງໄມ້ ແຂວງຄໍາ ມ່ວນໃນວັນທີ 13 ທັນວາ, ໄດ້ຮັບຄວາມເສຍຫາຍຫລາຍກ່ວາ 3 ຕື້ກີບ, ສາເຫດແມ່ນໄຟຟ້າລັດວົງຈອນ.

(10). ເຫດໄຟໄໝ້ເຮືອນປະຊາຊົນ ຢູ່ບ້ານເມືອງງາ ນະຄອນຫລວງພະບາງ, ໃນ ວັນທີ 16 ທັນວາ, ເຊິ່ງເປັນເຮືອນສອງຊັ້ນ, ສົ່ງຜົນເຮັດໃຫ້ມີຜູ້ເສຍຊີວິດຄາທີ່ 3 ຄົນຄື: ເປັນເພດຊາຍອາຍຸ 37 ປີ ແລະ 17 ປີ ແລະ ອີກ 1 ຄົນ ເປັນເພດຍິງ ອາຍຸ 20 ປີ, ຊຶ່ງເປັນລູກ ແລະ ນ້າບ່າວຂອງເຈົ້າຂອງເຮືອນ, ຍ້ອນສູດດົມຄວນໄຟຫລາຍເຮັດໃຫ້ຂາດອາກາດຫາຍໃຈ, ສາເຫດຍ້ອນໄຟຟ້າລັດວົງຈອນ.

ເຈົ້າໜ້າທີ່ໃຫ້ຮູ້ວ່າ: ໃນປີ 2019 ທົ່ວປະເທດມີອັກຄີໄພ ເກີດຂຶ້ນທັງໝົ້ດ 197 ຄັ້ງ, ຜົນ ເສຍຫາຍມີເຮືອນ 240 ຫລັງ, ສາງ 11 ແຫ່ງ, ຮ້ານບັນເທີງ 1 ແຫ່ງ, ກຸດຕິວັດ 1 ແຫ່ງ, ມີຜູ້ ເສຍຊີວິດ 4 ຄົນ ແລະ ຊັບສິນ ອື່ນໆເສຍຫາຍ, ສ່ວນໃຫຍ່ແມ່ນເກີດຈາກໄຟຟ້າລັດວົງຈອນ ແລະ ຂາດສະຕິໃນການຊົມໃຊ້ ຟືນໄຟ.

- WhatsApp Image 2020 05 27 at 5 - 10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019
- WhatsApp Image 2020 05 27 at 5 - 10 ເຫດການໄຟໄໝ້ທີ່ສົ່ງຜົນເສຍຫາຍໃນປີ 2019
error: Alert: ເນື້ອຫາຂ່າວມີລິຂະສິດ !!