ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ

- 47 - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ
- Untitled design - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ

      ​ເຈົ້າໜ້າ​ທີ່ ປກສ ​ແຂວງ​ອຸດົມ​ໄຊ ລາຍ​ງານ​ໃຫ້​ຮູ້​ວ່າ: ​ເມື່ອ​ບໍ່​ດົນ​ມາ​ນີ້, ​ໄດ້​ມີ​ພົນລະ​ເມືອງ​ດີ​ແຈ້ງ​ໃຫ້​ຊາບ​ວ່າ ​ໄດ້​ມີ​ຄົນ​ບໍ່​ດີ​ເຄື່ອນ​ໄຫວ​ຄ້າຂາຍ​ຢາ​ເສບ​ຕິດ​ຢູ່​ເຮືອນ​ຫລັງ​ໜຶ່ງ​ເຂດ​ບ້ານ​ກ້ວຍ​ຕອງ ​ເມືອງ​ໄຊ ​ແຂວງ​ອຸດົມ​ໄຊ ຈຶ່ງ​ໄດ້​ຈັດ​ກຳລັງ​ລົງ​ຕິດຕາມ ​ແລະ ພົບ​ວ່າ​ມີ​ຄວາມ​ຈິງ​ແທ້, ຈາກ​ນັ້ນ​ໄດ້​ນຳ​ກຳລັງ​ເຂົ້າປິດ​ລ້ອມ​ເຮືອນ​ເປົ້າໝາຍ​ດັ່ງກ່າວ ​ແລະ ສາມາດ​ຈັບ​ຕົວ​ທ້າວ ຈູ​ຢາ (ສຸລິຍັນ) ອາຍຸ 30 ປີ, ທ້າວ ບົວ​ວາ​ຢາ ອາຍຸ 70 ປີ ​ແລະ ນາງ ພົວທໍ່ ອາຍຸ 25 ປີ ​ແລະ ກວດຄົ້ນພາຍ​ໃນ​ເຮືອນ​ພົບ​ເຄື່ອງ​ຈັກ​ອັດ​ເມັດ​ຢາ​ບ້າ 1 ​ເຄື່ອງ, ພົບ​ຕອກ​ຢາ​ບ້າ 50 ອັນ, ຢາ​ບ້າ 14 ພັນ​ກວ່າ​ເມັດ, ​ແປ້ງ​ສີຂາວ​ຄ້າຍ​ເຮ​ໂຣອິນ 1 ກ້ອນ, ​ແປ້ງສີ​ແດງ, ສີຂຽວ​ ສານ​ປະສົມ​ຢາ​ບ້າ 2 ຖົງ ພ້ອມ​ເງິນ 2 ລ້ານ​ກວ່າ​ກີບ, ​ໂທລະສັບ​ມື​ຖື 4 ໜ່ວຍ, ລົດ​ກະບະ​ວີ​ໂກ້ 1 ຄັນ ທີ່​ເປັນ​ຂອງ​ພວກ​ກ່ຽວ​ຈຶ່ງ​ໄດ້​ຍຶດ​ໄວ້​ເປັນ​ຫລັກ​ຖານ ​ເພື່ອ​ດຳ​ເນີນ​ຄະດີ​ຕາມ​ລະບຽບ​ກົດໝາຍ. ນອກ​ນີ້ ​ເຈົ້າໜ້າ​ທີ່​ຍັງ​ໄດ້​ກັກ​ຕົວ​ທ້າວ ຈົວ​ວີ​ຊົງ ອາຍຸ 67 ປີ ຢູ່​ບ້ານ​ຫ້ວຍ​ຕອງ ​ແລະ ນາງ ຊົວຢາ ອາຍຸ 36 ປີ ຢູ່​ບ້ານ​ໂພນ​ມະນີ ​ເມື​ອງນ້ຳບາກ ​ແຂວງ​ຫລວງ​ພະ​ບາງ ທີ່​ມາ​ມົ້ວສຸມ​ຢາ​ເສບ​ຕິດ​ຢູ່​ເຮືອນ​ຫລັງ​ດັ່ງກ່າວ.

- Capture1 - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ

      ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່​ໃນ​ເບື້ອງຕົ້ນພວກ​ກ່ຽວ​ໄດ້​ຮັບ​ສາລະພາບ​ວ່າ: ກ່ອນ​ໜ້າ​ນີ້ ​ໄດ້​ຊື້​ເຄື່ອງ​ຈັກ​ອັດ​ຢາ​ບ້າ​ຈາກ​ຂະ​ບວນການ​ຄ້າ​ຢາ​ເສບ​ຕິດ​ໃນ​ລາຄາ 50 ລ້ານ​ກີບ ​ແລ້ວ​ໄດ້​ຂຸດ​ຫ້ອງ​ໃຕ້​ດິນ​ໃນ​ເຮືອນ ​ເພື່ອ​ລັກລອບ​ຜະລິດ​ຢາ​ບ້າ​ເພື່ອ​ເອົາ​ໄປ​ຂາຍ​ໃຫ້​ຜູ້​ສັ່ງ​ຊື້. ປັດຈຸບັນ ຄະດີ​ຢາ​ເສບ​ຕິດ​ລາຍ​ນີ້ ​ເຈົ້າໜ້າ​ທີ່​ພວມ​ຂະຫຍາຍ​ຜົນ​ຫາ​ຜູ້​ຮ່ວມ​ຂະ​ບວນການ ​ເພື່ອ​ຈັບ​ຕົວ​ມາ​ດຳ​ເນີນ​ຄະດີ​ຕາມ​ລະບຽບ​ກົດໝາຍ.

- Wave100S AD to Website 2020 0 - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ
- Capture - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ
- WhatsApp Image 2020 05 27 at 5 - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ
- WhatsApp Image 2020 05 27 at 5 - ຕຳຫລວດ​ອຸດົມ​ໄຊ​ມ້າງ​ແຫ​ລ່ງຜະລິດ​ຢາ​ບ້າພ້ອມ​ຂອງ​ກາງ​ຈຳນວນ​ຫລາຍ​ລາຍການ
error: Alert: ເນື້ອຫາຂ່າວມີລິຂະສິດ !!