10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ

- 87 2 - 10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ
- Untitled design - 10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ

        ຫົວໜ້າຂະແໜງຄຸ້ມຄອງຊັບສິນຂອງລັດແຂວງສະຫວັນນະເຂດ ໃຫ້ຮູ້ວ່າ: ຂະແໜງຄຸ້ມຄອງຊັບສິນຂອງລັດເປັນຂະແໜງໜຶ່ງທີ່ເກັບລາຍຮັບເຂົ້າງົບປະມານ ​ແລະ ໃນປີ 2019 ນີ້ ໄດ້ຮັບຕົວເລກແຜນການ 21 ຕື້ກວ່າກີບ. ໃນນັ້ນ ລາຍຮັບຊັບສິນຂອງລັດ 21 ຕື້ກວ່າກີບ ແລະ ລາຍຮັບຄຸ້ມຄອງພັດທະນາວິສາຫະກິດ ແລະ ປະກັນໄພ 367 ລ້ານກີບ ​ແລະ ຜ່ານການຈັດເກັບນັບແຕ່ເດືອນມັງກອນມາຮອດວັນທີ 15 ພະຈິກ 2019 ສາມາດປະຕິບັດໄດ້ທັງໝົດ 29,51 ຕື້ກີບ, ມອບເປັນລາຍຮັບສູນກາງ 7,36 ຕື້ກີບ ແລະ ມອບເປັນລາຍຮັບທ້ອງຖິ່ນ 22,15 ຕື້ກີບເທົ່າກັບ 102,23% ຂອງແຜນການປີສ່ວນໃຫຍ່ໄດ້ຈາກຄ່າທຳນຽມ-ຈົດທະບຽນເອກະສານ, ຄ່າຊັບພະຍາກອນ, ຄ່າເຊົ່າ-ສຳປະທານ, ຄ່າປັບໄໝ-ຂາຍເຄື່ອງຮີບ ​ແລະ ອື່ນໆ ອັນພົ້ນເດັ່ນແມ່ນເອົາໃຈໃສ່ການລົງເກັບກຳຂໍ້ມູນຖານລາຍຮັບຕາມຄຳສັ່ງ 40/ນຍ ໂດຍສະເພາະເລັ່ງໃສ່​ເກັບ​ຄ່າ​ເຊົ່າດິນລັດ, ຄ່າເຊົ່າສຳປະທານ, ປັບປຸງຄືນຄ່າເຊົ່າຕາມສັນຍາທີ່ອອກກ່ອນລັດຖະບັນຍັດເລກທີ 02/ປປທ ເປັນຕົ້ນແມ່ນການເຊົ່າດິນລັດ, ກິດຈະການຕະຫຼາດ, ອອກສັນຍາເຊົ່າດິນລັດທີ່ບຸກຄົນນຳໃຊ້ຊຶ່ງໄດ້ປັບປຸງຫຼາຍເມືອງເຊັ່ນ: ເມືອງອຸທຸມພອນ, ພະລານໄຊ, ອາດສະພັງທອງ, ພີນ, ນັບທັງນະຄອນໄກສອນ ແລະ ດິນລັດຕັ້ງຫຼັກໂທລະຄົມມະນາຄົມ.

        ທ່ານ ສຸລິສັກ ສິລິວົງໄຊ ກ່າວວ່າ: ​ໃນ​ຕໍ່ໜ້າ​ນີ້ ຂະແໜງການ​ຕົນ​ຈະສຸມໃສ່ເກັບລາຍຮັບທີ່ມີຕາມຖານຂໍ້ມູນກໍຄືແຫຼ່ງລາຍຮັບອື່ນໆທີ່ບົ່ມຊ້ອນ ໃຫ້ໄດ້ຕາມເປົ້າ ໝາຍທີ່ວາງໄວ້ ແລະ ຄາດຄະເນໝົດປີ 2019 ຈະສາມາດເກັບລາຍຮັບໄດ້ທັງໝົດ 32,51 ຕື້ກີບ,ສະເພາະພູດທ້ອງຖິ່ນເກັບໃຫ້ໄດ້ 25,15 ຕື້ກີບລື່ນແຜນການ 116,07% ຂອງແຜນການປີ.

- Wave100S AD to Website 2020 0 - 10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ
- WhatsApp Image 2020 05 27 at 5 - 10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ
- WhatsApp Image 2020 05 27 at 5 - 10 ​ເດືອນຂະແໜງຄຸ້ມຄອງຊັບສິນຂອງລັດ ແຂວງສະຫວັນນະເຂດ ປະຕິບັດລາຍຮັບໄດ້ລື່ນແຜນການ
error: Alert: ເນື້ອຫາຂ່າວມີລິຂະສິດ !!