ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020

- 6 - ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020
- Untitled design - ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020

     ກະຊວງ​ການ​​ເງິນ​ຈີນ ຖະ​ແຫລ​ງວ່າ: ນັບ​ແຕ່​ວັນ​ທີ 1 ມັງກອນ 2020 ​ເປັນຕົ້ນ​ໄປ ຈີນ​ຈະ​ຫລຸດ​ພາສີ​ສິນຄ້າ 850 ກວ່າ​ລາຍການ​ເຊັ່ນ: ຊີ້ນ​ໝູ​ແຊ່​ແຂງ​ທີ່​ຈະ​ຫລຸດ​ພາສີ​ລົງ​ຈາກ 12% ​ເຫລືອ 8%.

     ຖະ​ແຫລ​ງການ​ຈາກ​ຄະນະ​ກຳມາ​ທິການ​ພາສີ​ສະພາ​ແຫ່ງ​ລັດ ລະບຸ​ວ່າ: ການ​ປ່ຽນ​ແປງ​ນີ້​ຈະ​ຊ່ວຍ​ອຳນວຍ​ຜົນ​ປະ​ໂຫຍ​ດຕໍ່​ໂຄງ​ສ້າ​ງການ​ຄ້າ, ສົ່ງ​ເສີມ​ການ​ພັດທະນາ​ເສດຖະກິດ​ໃຫ້​ມີ​ຄຸນ​ນະພາ​ບສູງ ລວມທັງ​ອາຫານ​ຊະນິດ​ອື່ນ​ເຊັ່ນ: ປາ, ຊີ​ສ, ຖົ່ວ, ຢາ, ສິນຄ້າ​ເຄມີ​ອີກ​ຫລາຍ​ຊະນິດ.

      ທັງ​ນີ້ ການ​ລ້ຽງ​ໝູ​ຂອງ​ຈີນ​ຖືກ​ພະຍາດ​ອະຫິວາ​ໝູ​ລະບາດ​ຈົນ​ຕ້ອງ​ຂ້າ​ຖິ້ມ 1 ລ້ານ​ກວ່າ​ໂຕ ​ເປັນ​ເຫດ​ໃຫ້​ລາຄາ​ຊີ້ນ​ໝູ​​ແພງ​ຂຶ້ນສອງ​ເທົ່າ, ໝູ​ພາຍ​ໃນ​ປະ​ເທດ​ຫລຸດ​ລົງ​ປະມານ 40% ທາງ​ການ​ຈຶ່ງ​ຕ້ອງ​ປະກາດ​ແຜນ​ຟື້ນຟູ​ການ​ຜະລິດ​ໃຫ້​ເຖິງ​ລະດັບ​ກ່ອນ​ເກີດ​ພະຍາດ​ລະບາດ​ພາຍ​ໃນ​ປີ 2021, ສ່ວນ​ໃນ​ປີ 2019 ຕ້ອງ​ເພີ່ມ​ການ​ນຳ​ເຂົ້າຂຶ້ນຫລາຍ​ກວ່າ 2 ​ເທົ່າ​ຈາກ​ປີ 2018.

- Wave100S AD to Website 2020 0 - ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020

     ນອກຈາກ​ນີ້ ນັບ​ແຕ່​ວັນ​ທີ 1 ກໍລະກົດ​ເປັນຕົ້ນ​ໄປ ກະຊວງ​ການ​ເງິນ​ຈະ​ຫລຸດ​ພາສີ​ເພີ່ມ​ຕື່ມ​ໃນ​ສິນຄ້າ​ເຕັກ​ໂນ​ໂລ​ຊີບ​າງຊະນິດ​ເຊັ່ນ: ພຣິນ​ເຕີ, ອາ​ໄຫລ່​ເຄື່ອງ​ບັນທຶກ​ສຽງ, ​ເຄື່ອງ​ກະ​ຕຸ້ນ​ຫົວ​ໃຈ, ສ່ວນ​ເຄື່ອງຮັບ​​ໂທລະພາບ​ດາວ​ທຽມ​ບາງ​ຊະນິດ​ຈະ​ຫລຸດ​ພາສີ​ລົງ​ຈາກ 10% ​ເຫລືອ 5%.

      ປະ​ເທດ​ທີ່​ໄດ້ຜົນ​ປະ​ໂຫຍ​ດຈາກ​ການ​ເຈລະຈາ​ຂໍ້​ຕົກລົງ​ການ​ຄ້າ​ໄດ້​ຮັບ​ການ​ຫລຸດ​ພາສີ​ເຊັ່ນ: ນູ​ແວນ​ເຊ​ລັງ, ​ເປຣູ, ​ໂກສະ​ຕາຣິກາ, ສະ​ວິດ, ອຽກລັງ, ອົດ​ສະຕຣາລີ, ສ.​ເກົາຫລີ ​ແລະ ປາ​ກິດ​ສະຖານ.

- WhatsApp Image 2020 05 27 at 5 - ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020
- WhatsApp Image 2020 05 27 at 5 - ຈີນ​ເດີນ​ໜ້າ​ຫລຸ​ດພາສີ 1 ມັງກອນ 2020
error: Alert: ເນື້ອຫາຂ່າວມີລິຂະສິດ !!