ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ

- Lpn3 - ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ
- Untitled design - ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ

     ວັນ​ທີ 23 ທັນວາ​ນີ້, ສື່​ມວນ​ຊົນ​ຟີ​ລິບ​ປິນ​ໄດ້​ນຳ​ເອົາ​ຂໍ້​ມູນ​ຈາກ​ທາງ​ການ​ຟີ​ລິບ​ປິນມາລາ​ຍງານ​ຂ່າວ​ວ່າ: ຫວ່າງ​ມໍ່ໆ​ມາ​ນີ້, ຟີ​ລິບ​ປິນ​ໄດ້​ເກີດ​ຫລາຍ​ເຫດການ​ເບື່ອ​ຍ້ອນ​ທາດ​ແອນ​ກໍ​ຮໍ ຫລັງ​ກິນ​ເຫລົ້າ ​ເຮັດ​ໃຫ້ 9 ຄົນ​ເສຍ​ຊີວິດ ​ແລະ 130 ກວ່າ​ຄົນ​ຖືກ​ສົ່ງ​ໄປ​ປິ່ນປົວ​ຢູ່​ໂຮງໝໍ.

     ​ເຫດການ​ເຫລົ່າ​ນີ້​ເກີດ​ຂຶ້ນຢູ່​ແຂວງ​ລາ​ກູນາ ​ແລະ ​ແຂວງ​ເກ​ຊອນ ຂອງ​ເກາະ​ລູຊອນ. ​ເຈົ້າຄອງ​ນະຄອນຣີຊານ ​ແຂວງ​ລາ​ກູນາ ກ່າວ​ວ່າ: ວັນ​ທີ 22 ທັນວາ​ນີ້, ປະຊາຊົນ​ຫລາຍ​ບ້ານ​ໄດ້​ພາກັນ​ກິນ​ເຫລົ້າໝາກພ້າວ​ພື້ນ​ເມືອງ​ແລ້ວ​ເກີດ​ອາການ​ບໍ່​ສະບາຍ ​ແລະ ຖືກ​ສົ່ງ​ໄປ​ປິ່ນປົວ​ຢູ່​ໂຮງໝໍ. ປັດຈຸບັນ​ມີ 8 ຄົນ​ເສຍ​ຊີວິດ ​ແລະ 129 ຄົນພວມ​ປິ່ນປົວ​ຢູ່​ໂຮງໝໍ. ນອກ​ນີ້ ປະຊາຊົນ​ແຂວງ​ເກ​ຊອນ 1 ຄົນ​ເສຍ​ຊີວິດ ​ແລະ ອີກ 2 ຄົນ​ສະຫລົບ ພາຍຫລັງ​ກິນ​ເຫລົ້າໝາກພ້າວ.

     ​ເຫລົ້າໝາກພ້າວ​ເປັນ​ເຄື່ອງ​ດື່ມ​ພິ​ເສດ​ຂອງ​ປະຊາຊົນ​ພາກ​ເໜືອ​ຟີ​ລິບ​ປິນ​ໃນ​ຍາມ​ບຸນ. ​ເຫລົ້າໝາກພ້າວ​ເຫລົ່າ​ນີ້​ມີ​ທາດ​ແອນ​ກໍ​ຮໍ​ອົງສາ​ສູງ​ທີ່​ສາມາດ​ເຮັດ​ໃຫ້​ຄົນ​ເສຍ​ຊີວິດ​ໄດ້.

- Wave100S AD to Website 2020 0 - ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ
- WhatsApp Image 2020 05 27 at 5 - ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ
- WhatsApp Image 2020 05 27 at 5 - ປະຊາຊົນ​ຟີ​ລິບ​ປິນ​ເບື່ອ​ເຫລົ້າໝາກພ້າວ ເສຍ​ຊີວິດ 9 ຄົນ
error: Alert: ເນື້ອຫາຂ່າວມີລິຂະສິດ !!