ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ

- 9 1 - ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ
- Untitled design - ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ

     ພິທີ​ມອບ-ຮັບ​ລົດ​ມອດ​ໄຟ ຈຳນວນ 15 ຄັນ ຈາກ​ນະຄອນ​ປູຊາ​ນ ສ.​ເກົາຫລີ ​ໃຫ້​ແກ່​ກົມ​ຕຳຫລວດ​ສະກັດ​ກັ້ນ ​ແລະ ຕ້ານ​ອັກຄີ​ໄພ​ລາວ ​ໄດ້​ຈັດ​ຂຶ້ນ​ໃນ​ທ້າຍ​ອາທິດ​ຜ່ານ​ມາ​ນີ້ ທີ່​ນະຄອນຫລວງ​ວຽງ​ຈັນ ​ໂດຍ​ມີ​ທ່ານ ພົນ​ຈັດຕະວາ ທອງ​ສະຫວັນ ວົງ​ສະຫວັດ ຮອງ​ກົມ​ໃຫຍ່​ຕຳຫລວດ ກະຊວງ​ປ້ອງ​ກັນ​ຄວາມ​ສະຫງົບ ​ແລະ ທ່ານ ຊື່ ຊີ​ນ​ເຊິ​ງຊຸນ ​ເອກ​ອັກຄະ​ລັດຖະທູດ​ແຫ່ງ ສ.​ເກົາຫລີ ປະຈຳ​ລາວ.

     ລົດ​ມອດ​ໄຟ​ທີ່​ມາ​ມອບ​ຄັ້ງນີ້​ແມ່ນ​ມີ​ຄວາມ​ທັນ​ສະ​ໄໝ​ ​ແລະ ມີ​ປະສິດທິ​ຜົນ​ສູງ​ໃນ​ການ​ປະຕິບັດ​ໜ້າ​ທີ່​ໃນ​ການ​ເຂົ້າຊ່ວຍ​ເຫລືອ​ດັບ​ມອດ​ໄຟ​ເມື່ອ​ເກີດ​ອັກຄີ​ໄພ ລວມມີ​ມູນ​ຄ່າ​ທັງ​ໝົດ​ກວ່າ 1 ລ້ານ​ໂດ​ລາ​ສະຫະລັດ ​ໂດຍ​ກະຊວງ​ປ້ອງ​ກັນ​ຄວາມ​ສະຫງົບ​ຈະ​ນຳ​ໄປ​ມອບ​ໃຫ້​ບັນດາ​ແຂວງ​ຕ່າງໆ​ຄື: ​ແຂວງ​ຜົ້ງສາລີ, ບໍ່​ແກ້ວ, ​ໄຊ​ຍະ​ບູລີ, ຫົວພັນ, ຊຽງ​ຂວາງ, ​ແຂວງ​ວຽງ​ຈັນ, ບໍລິ​ຄຳ​ໄຊ, ຄຳ​ມ່ວນ, ສະຫວັນ​ນະ​ເຂດ, ສາລະ​ວັນ, ຈຳປາ​ສັກ ​ແລະ ​ເຊ​ກອງ ​ເພື່ອ​ນຳ​ໃຊ້​ເຂົ້າ​ໃຈ​ການ​ປະຕິບັດ​ໜ້າ​ທີ່​ດັບ​ມອດ​ໄຟ​ເມື່ອ​ເກີດ​ອັກຄີ​ໄພ​​ໄດ້​ຢ່າງ​ທັນ​ການ.

- Wave100S AD to Website 2020 0 - ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ
- WhatsApp Image 2020 05 27 at 5 - ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ
- WhatsApp Image 2020 05 27 at 5 - ສ.​ເກົາຫລີ ມອບ​ລົດ​ມອດ​ໄຟ 15 ຄັນ ​ໃຫ້​ລາວ
error: Alert: ເນື້ອຫາຂ່າວມີລິຂະສິດ !!