ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ

- 49e33e74 d38b 4687 8d5f 01353bab614d - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ
- Untitled design - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ

ໃນວັນທີ 23-24 ທັນວາ ນີ້, ກະຊວງກະສິກໍາ ແລະ ປ່າໄມ້  ຮ່ວມ ອົງການໄອຍະການປະຊາຊົນສູງສຸດ ໄດ້ຈັດກອງປະຊຸມປຶກສາຫາລື ວຽກງານການດໍາເນີນຄະດີ ກ່ຽວກັບຊັບພະຍາກອນປ່າໄມ້, ສັດນໍ້າ-ສັດປ່າ ແລະເຜີຍແຜ່ກົດໝາຍວ່າດ້ວຍປ່າໄມ້ (ສະບັບປັບປຸງ) ຂຶ້ນຢູ່ຫໍປະຊຸມແຫ່ງຊາດ ນະຄອນຫຼວງວຽງຈັນ, ໂດຍການເປັນປະທານຮ່ວມຂອງທ່ານ ທອງພັດ ວົງມະນີ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້ ແລະ ທ່ານ ຄໍາສານ ສຸວົງ ຫົວໜ້າ ອົງການໄອຍະການປະຊາຊົນສູງສຸດ, ມີບັນດາຮອງເຈົ້າແຂວງຈາກ ແລະ ເຈົ້າໜ້າທີ່ກ່ຽວຂ້ອງເຂົ້າຮ່ວມ.

- d07d014b 93c3 4639 8e69 6f0b7705c0ca 1024x682 - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ

ຫົວໜ້າກົມກວດກາປ່າໄມ້ ໃຫ້ຮູ້ວ່າ: ໃນໄລຍະຜ່ານມາໄດ້ຢຸດຕິການອອກອະນຸຍາດຂຸດຄົ້ນໄມ້ແບບຊະຊາຍ ແລະ ເຮັດໃຫ້ການເຄື່ອນຍ້າຍ, ຊື້-ຂາຍໄມ້ ແບບຜິດກົດໝາຍຫັນເຂົ້າສູ່ລະບຽບກົດໝາຍຢ່າງເຂັ້ມງວດ ແລະ ມີທ່າອ່ຽງຫຼຸດລົງ, ຂະນະດຽວກັນກໍເອົາໃຈໃສ່ໂຄສະນາເຜີຍແຜ່ກົດໝາຍ, ນິຕິກໍາກ່ຽວກັບວຽກງານການຄຸ້ມຄອງຊັບພະຍາກອນປ່າໄມ້, ສັດນໍ້າ ແລະສັດປ່າ ຂອງບັນດາຂະແໜງການກ່ຽວຂ້ອງຢ່າງແຂງແຮງອັນໄດ້ເຮັດໃຫ້ທົ່ວສັງຄົມໄດ້ຮັບຮູ້, ເຂົ້າໃຈ ແລະ ມີສ່ວນຮ່ວມໃນການປະຕິບັດກົດໝາຍ, ໄປຄຽງຄູ່ກັບການດໍາເນີນຄະດີຂອງເຈົ້າໜ້າທີ່ປ່າໄມ້ ໄດ້ຫັນເຂົ້າສູ່ຂະບວນການຍຸຕິທໍາເຂັ້ມງວດ, ຊຶ່ງນັບແຕ່ປີ 2015-2019 , ສາມາດຢຶດໄມ້ທ່ອນ, ໄມ້ແປຮູບ ຈໍານວນ 232.654 ແມັດກ້ອນ ແລະ ໄມ້ກິ່ງງ່າ, ໄມ້ກະດຸດ ນໍ້າໝັກ 817 ໂຕນ, ໃນນັ້ນ ເດັ່ນກວ່າໝູ່ແມ່ນ ຢຶດໄມ້ 27 ຄັນລົດ ຢູ່ແຂວງອັດຕະປື, ຢຶດໄມ້ 11 ຄັນລົດ ຢູ່ແຂວງ ບໍລິຄໍາໄຊ, ຢຶດໄມ້ 10 ຄັນລົດ ຢູ່ແຂວງໄຊສົມບູນ ແລະ ຢຶດໄມ້ 7 ຄັນລົດ ຢູ່ແຂວງ ຊຽງຂວາງ ແລະ ຢຶຶດສັດປ່າປະເພດຕ່າງໆທີ່ມີຊີວິດ ຈໍານວນ 1.369 ໂຕ, ໃນນັ້ນມີ: ໝີ, ລີງ, ງູ, ເຫ້ຍ ແລະ ເຕົ່າ, ພ້ອມທັງຍຶດສັດປ່າ, ສີ້ນສ່ວນ ແລະ ຜະລິດຕະພັນຈາກສັດປ່າຫຼາຍກວ່າ 13,6 ໂຕນ ແລະ ຢຶດເຄື່ອງປ່າຂອງດົງໄດ້ 168 ໂຕນ ລວມມີ 38 ຊະນິດ. ນອກນີ້ຍັງພົບເຫັນການກະທໍາຜິດກ່ຽວກັບ ຊັບພະຍາກອນທໍາມະຊາດ, ສັດນໍ້າ ແລະ ສັດປ່າ ທັງໝົດ 2.617 ກໍລະນີ, ໃນນັ້ນ, ກ່ຽວກັບໄມ້ 1.618 ກໍລະນີ, ກ່ຽວກັບສັດນໍ້າ-ສັດປ່າ 353 ກໍລະນີ, ກ່ຽວກັບເຄື່ອງປ່າຂອງດົງ 218 ກໍລະນີ ແລະ ກ່ຽກັບທີ່ດິນປ່າໄມ້ ຈໍານວນ 428 ກໍລະນີ ແລະ ໄດ້ດໍາເນີນການສືບສວນ-ສອບສວນ ທັງໝົດ 2.617 ກໍລະນີ ໃນນັ້ນ, ກໍາລັງດໍາເນີນການສືບສວນ-ສອບສວນ 517 ຄະດີ, ສຶກສາອົບຮົມ ແລະ ແກ່ໄຂທາງບໍລິຫານ 1.698 ຄະດີ, ໂຈະການດໍາເນີນຄະດີ 301 ຄະດີ ແລະ ສົ່ງໄອຍະການ ຈໍານວນ 101 ຄະດີ.

- Wave100S AD to Website 2020 0 - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ
- 49e33e74 d38b 4687 8d5f 01353bab614d 1 1024x682 - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ

    ແນວໃດກໍຕາມໄລຍະຜ່ານມາ, ເຖິງວ່າຂະແໜງການກ່ຽວຂ້ອງຈະໄດ້ເອົາໃຈໃສ່ໃນການຕິດຕາມກວດກາບັນຫາດັ່ງກ່າວຢ່າງເຂັ້ມງວດກໍຕາມ, ແຕ່ກໍຍັງມີສິ່ງຄົງຄ້າງ ທີ່ຈະຕ້ອງໄດ້ປັບປຸງແກ້ໄຂ, ໂດຍສະເພາະວຽກງານກວດກາ, ສືບສວນ-ສອບສວນ ແລະ ດໍາເນີນຄະດີ ກ່ຽວກັບປ່າໄມ້, ສັດນໍ້າ-ສັດປ່າ, ເຄື່ອງປ່າຂອງດົງ ແລະ ທີ່ດິນປ່າໄມ້ ບໍ່ທັນເຂັ້ມງວດ, ທັງເປັນຊ່ອງຫວ່າງໃຫ້ພະນັກງານ, ເຈົ້າໜ້າທີ່ ແລະ ບຸກຄົນຈໍານວນໜຶ່ງສວຍໃຊ້ຊ່ອງຫວ່າງ ເພື່ອຜົນປະໂຫຍດສ່ວນຕົວ ຈຶ່ງຕ້ອງໄດ້ຮີບຮ້ອນຄົ້ນຄວ້າກ່ຽວກັບວຽກງານດັ່ງກ່າວໃຫ້ເປັນເອກະພາບກັນ ແລະ ຈັດຕັ້ງປະຕິບັດໃຫ້ມີປະສິດທິຜົນໃນຕໍ່ໜ້າ.

- WhatsApp Image 2020 05 27 at 5 - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ
- WhatsApp Image 2020 05 27 at 5 - ຫາລືການດໍາເນີນຄະດີກ່ຽວກັບຊັບພະຍາກອນປ່າໄມ້ ແລະ ສັດນໍ້າ-ສັດປ່າ
error: Alert: ເນື້ອຫາຂ່າວມີລິຂະສິດ !!