ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ

- 2 1 - ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ
- Untitled design - ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ

     ​ໄພ​ທຳ​ມະ​ຊາດ ​ໂດຍ​ສະ​ເພາະ​ໄພ​ນ້ຳຖ້ວມ ​ແລະ ​ໄພ​ແຫ້ງ​ແລ້ງ​ແມ່ນ​ເກີດ​ຂຶ້ນທຸກ​ປີ ​ແລະ ຜູ້​ຊ່ຽວຊານ​ດ້ານ​ອຸຕຸນິຍົມ ​ແລະ ອຸ​ທົກ​ກະສາ​ດສາກົນ​ກໍ​ຄາດ​ຄະ​ເນ​ວ່າ: ​ໄພ​ທຳ​ມະ​ຊາດ​ຈະ​ເກີດ​ຖີ່​ຂຶ້ນ ​ແລະ ຮຸນ​ແຮງ​ຂຶ້ນ​ໄປ​ອີກ​ໃນ​ອະນາຄົດ ​ເນື່ອງ​ຈາກ​ສະ​ພາວະ​ໂລກ​ຮ້ອນ ອັນ​ໄດ້​ເຮັດ​ໃຫ້​ຄວາມ​ສົມ​ດູ​ນຂອງ​ສະພາບ​ອາກາດ​ມີ​ການ​ປ່ຽນ​ແປງ ​ເຊັ່ນ​ວ່າ​ລະດູ​ໜາວ​ບໍ່​ໜາວ ​ແລະ ກົງກັນຂ້າມ ລະດູ​ຮ້ອນ​ຍິ່ງ​ຮ້ອນ ​ແລະ ​ແຫ້ງ​ແລ້ງ ຍ້ອນ​ວ່າ​ໃນ​ລະດູຝົນ ປະລິມານ​ຝົນຕົກ​ໜ້ອຍ​ຜິດ​ປົກກະຕິ ​ເຮັດ​ໃຫ້​ເກີດ​ໄພ​ແລ້ງ​ໃນ​ເຂດ​ລຸ່ມ​ແມ່ນ້ຳຂອງ ​ແລະ ​ໃນ​ປີ 2019 ນີ້ ຢູ່​ປະ​ເທດ​ລາວ​ເຮົາ​ພັດ​ເກີດ​ໄພ​ນ້ຳຖ້ວມ​ຢູ່​ພາກ​ໃຕ້, ກົງກັນຂ້າມ ຢູ່​ພາກ​ກາງ ​ແລະ ພາກ​ເໜືອ​ພັດ​ປະສົບ​ໄພ​ແຫ້ງ​ແລ້ງ.

     ຕໍ່​ສະພາບ​ດັ່ງກ່າວ ຫລາຍ​ປະ​ເທດ​ທີ່​ມີ​ການ​ພັດທະນາ ​ເຂົາ​ເຈົ້າ​ໄດ້​ໃຊ້​ວິທີ​ການ​ສ້າງ​ອ່າ​ງ​ເກັບ​ນ້ຳຂະໜາດ​ໃຫຍ່​​ເຊັ່ນ: ສະຫະລັດ​ອາ​ເມ​ລິ​ກາ​ມີ​ອ່າງ​ເກັບ​ນ້ຳຂະໜາດ​ໃຫຍ່​ຢູ່​ບັນດາ​ລັດ​ຕ່າງໆ ພ້ອມ​ທັງ​ມີ​ລະບົບ​ບໍລິຫານ​ຈັດການ​ນ້ຳຫລາຍ​ກວ່າ 100 ປີ, ສປ ຈີນ ​ໄດ້​ສ້າງ​ເຂື່ອນ​ຂະໜາດ​ໃຫຍ່​ໃນ​ແມ່ນ້ຳຢາງ​ຊີ​ຈຽງ ​ເຊິ່ງສາມາດ​ປ້ອງ​ກັນ​ໄພ​ນ້ຳຖ້ວມ ​ແລະ ມີນ້ຳພຽງພໍ​ຕໍ່​ການ​ຜະລິດ​ໃນ​ເວລາ​ເກີດ​ໄພ​ແຫ້ງ​ແລ້ງ, ຍີ່ປຸ່ນ ​ໄດ້​ສ້າງ​ອຸ​ໂມງ​ຂະໜາດ​ໃຫຍ່​ຢູ່​ໃຕ້​ດິນ​ນະຄອນຫລວງ​ໂຕ​ກຽວ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ເຊິ່ງພວກ​ເຮົາ​ກໍ​ເຫັນ​ເຖິງ​ປະສິດທິພາບ​ຂອງ​ອຸ​ໂມງ​ດັ່ງກ່າວ ຫລັງ​ຈາກ​ຍີ່ປຸ່ນ​ໄດ້​ຖືກ​ຊຸບ​ເປີ​ພາຍຸ​ພັດ​ຖະຫລົ່ມ​ໃນ​ທ້າຍ​ປີ​ນີ້, ​​ປາກົດ​ວ່າ​ນ້ຳ​ໄດ້​ຖ້ວມ​ເປັນ​ບໍລິ​ເວນ​ກວ້າງ​ຢູ່​ຫລາຍ​ເມືອງ​ໃນ​ປະ​ເທດ​ຍີ່ປຸ່ນ ​ແຕ່​ບໍ່​ດົນ​ກໍ​ສາມາດ​ແກ້​ໄຂ​ບັນຫານ້ຳຢ່າງ​ມີ​ປະສິດທິ​ຜົນ. ນອກ​ນີ້ ຢູ່​ປະ​ເທດ​ນອກ​ແວ, ສະ​ວິດ, ຝຣັ່ງ ​ແລະ ຫລາຍ​ປະ​ເທດ​ໃນ​ເອີຣົບ ກໍ​ສ້າງ​ອ່າງ​ເກັບ​ນ້ຳຂະໜາດ​ໃຫຍ່​ເຊັ່ນ​ກັນ.

      ນີ້​ແມ່ນ​ບົດຮຽນ​ທີ່​ປະ​ເທ​ດພວກ​ເຮົາ​ຕ້ອງ​ໄດ້​ສຶກສາ ​ເພື່ອ​ເປັນ​ແນວທາງ​ໃນ​ການ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ​ທີ່​ປະ​ເທດ​ເຮົາ​ໄດ້​ປະສົບ​ພົບ​ພໍ້​ທຸກ​ປີ. ຖ້າ​ເຮົາ​ມີ​ການ​ປ້ອງ​ກັນ​ໄພ​ທຳ​ມະ​ຊາດ​ທີ່​ດີ​ຈະ​ຊ່ວຍ​ຍົກ​ລະດັບ​ຊີວິດ​ການ​ເປັນ​ຢູ່​ຂອງ​ປະຊາຊົນ​ດີ​ຂຶ້ນ ​ແລະ ​ເປັນ​ພື້ນຖານ​ໃຫ້ການ​ພັດທະນາ​ເສດຖະກິດ-ສັງຄົມ​ມີ​ຄວາມ​ເຂັ້ມ​ແຂງ ​ແລະ ຍືນ​ຍົງ.

- Wave100S AD to Website 2020 0 - ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ
- WhatsApp Image 2020 05 27 at 5 - ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ
- WhatsApp Image 2020 05 27 at 5 - ຍ້ອນ​ຫຍັງ ຫລາຍ​ປະ​ເທດ​ຈຶ່ງໃຊ້​ວິທີ​ສ້າງ​ອ່າງ​ເກັບ​ນ້ຳ ​ເພື່ອ​ປ້ອງ​ກັນ​ໄພ​ນ້ຳຖ້ວມ ​ແລະ ​ແຫ້ງ​ແລ້ງ
error: Alert: ເນື້ອຫາຂ່າວມີລິຂະສິດ !!